ဧရာဝတီရောဂါ (ဆောင်းပါးရှင် မြင့်သိန်း)

ဧရာဝတီရောဂါ

(ဆောင်းပါးရှင် မြင့်သိန်း)

ဧရာဝတီ ရောဂါ ဆိုတဲ့ ဟိုဝန်ကြီး ဆိုတဲ့သူ ပြောသွား တဲ့အတိုင်း သုံးရမယ်ဆိုရင်၊ ဧရာဝတီရောဂါ ဆိုတာ ဧရာဝတီကို ချစ်သူတွေ၊ တိုင်းပြည်ရဲ့ ရေမြေတောတောင် သဘာဝတွေ၊ ယဉ်ကျေးမှု အမွေအနှစ်တွေကို တန်ဘိုးထား မြတ်နိုးကြသူတွေ အားလုံးကို ကူးစက် ပြီး ပြန့်ပွားနေတဲ့ရောဂါ ဆိုတာ ၀န်ကြီးဆိုသူ သေချာ သိပုံမရဘူး။ ဒီရောဂါကို အချိန်မှီ မကုသနိုင်ရင် ဘယ်လောက်ထိ အကျိုးဆက်တွေ ဆိုးရွား သွားနိုင်တယ် ဆိုတာလည်း တွက်မိပုံ မပေါ်ဘူး။ အေးလေ၊ သူက ရေအားလျှပ်စစ်ဓါတ် ထုတ်လုပ်ရေးဘက်မှာ တဘက် ကမ်းခပ် သိပြီး၊ တတ်ပြီး ဖြစ်နေတော့ ကျန်တဲ့ကိစ္စတွေက သူ့အတွက် စဉ်းစားစရာ မလိုတော့ဘူးလို့ ယူဆထားလားမှ မသိတာ။

ကျွန်တော် ငယ်ငယ်ထဲက မြစ်ဆုံ ခေါ်တဲ့ မေခနဲ့ မလိခ မြစ် နှစ်သွယ် တို့ လာရောက် ပေါင်း ဆုံကြ ပြီး ဧရာဝတီမြစ်ကြီး အဖြစ်နဲ့ အမိ မြန်မာ ပည် တနံတစ်လျား စီးဆင်းသွားတယ် ဆိုတာ ပထ၀ီ ဘာသာရပ် မှာ သင်ကြားခဲ့ရပြီး သိခွင့်ရခဲ့ပါတယ်။ နောက်ပြီး အဲဒီ မြစ်ဆုံရဲ့ လှပ သာယာလှတဲ့ မြင်ကွင်း က မျက်စိ ထဲက မထွက်ခဲ့ဘူး။ ဒါတောင် ကိုယ်တိုင် ကိုယ်ကျ အဲဒီနေရာ ကို မရောက် ဘူးသေးဘူး။ ရုပ်ရှင်တွေ၊ မဂ္ဂဇင်း စာစောင်တွေထဲမှာ တွေ့ဘူးရုံနဲ့တင် ဒီနေရာရဲ့ သာယာလှပ ပုံတွေ သဘောကျတာရော၊ အမိ မြန်မာပြည်ရဲ့ အသက် သွေး ကြောရယ်လို့ တင်စားခံရတဲ့ ဧရာဝတီ မြစ်ကြီး ရဲ့ စတင် စီး ဆင်းတဲ့ နေ ရာဖြစ် နေတာ ရော ကြောင့် ဒီနေရာကို ငါတနေ့ရောက် အောင် သွားမယ် ဆိုပြီး ကြံစည် စိတ်ကူး ထားခဲ့ တယ်။ ဒါပေမဲ့ အလုပ်တာဝန် ၀တ္တရားတွေ မအားလပ်တာကြောင့် ခုထိမရောက် နိုင်ခဲ့ဘူး။

ကျွန်တော် ဟာ ဘာပညာရှင် မှ မဟုတ်ပါဘူး။ ဒါပေမဲ့ အမိမြေ ကိုချစ်မြတ်နိုး တတ် တဲ့၊ အမိမြေရဲ့သာယာ လှပ တဲ့သဘာဝ အလှ ကို တန်ဘိုးထားတတ်တဲ့ သာမန် နိုင်ငံသားတယောက်ပါ။ ကိုယ့် ရဲ့ ခံစားချက် တွေကို လည်း ၀တ္ထု ကဗျာတွေ ဆောင်းပါးတွေ ရေး ပြီးတော့ ဖေါ်ပြ ရအောင်လည်း စာပေအနုပညာ ဘက် မှာကျွမ်း ကျင် သူ မဟုတ်ပါ ဘူး။ ကျွန်တော်ဟာ ကျောင်းတော်ကြီးက သင်ပေး လိုက် တဲ့ ပညာ နဲ့ ဘ၀ကို ကျောင်းရင်း လက်တွေ့ဘ၀က ပညာတွေကို ဆည်းပူးဆဲ၊ ပညာ ဆို တာ အမြဲတမ်း ရှာလို့ မကုန်နိုင်တဲ့ အရာလို့ခံ ယူထားသူပါ။ ၀န်ကြီးဆိုသူ ပြောတာ ကြားရတော့၊ ကျောင်းမှာသင်ယူ တတ် မြောက် ခဲ့တာလည်း မဟုတ်၊ အောက်သက်ကြေအောင် အလုပ်လုပ် လေ့လာ ဆည်းပူးရင်းနဲ့ အတွေ့အကြုံတွေ ပညာတွေ ပြည့်ဝလာလို့ ဒီလိုရာထူးကို ရလာတဲ့ သူလည်း မဟုတ်တဲ့ မိုးပေါ်ကကျ လာပြီးမှ ဒီရာထူးကို ရလာတဲ့ သူက ဒီနေရာမှာ သူ့လောက်တတ်သူ သိသူ မရှိဘူးလို့ ပြောရဲတာ တော်တော် အံ့သြမိတယ်။ ဒီလို ထူးချွန်တဲ့သူ တယောက်ကို ဒီလိုရာထူးမျိုး ပေးထားမိတာ မြန်မာ နိုင်ငံ အတွက် ကံကောင်းတာလို့တောင် အကောင်းဘက်က မြင်ကြည့် မိပါတယ်။

ကျွန်တော် ကတော့ အဲဒီ လို တဘက်ကမ်းခပ် ထူးချွန် နားလည်မှု မရှိ ပေမဲ့၊ အကြောင်း နဲ့ အကျိုး ကိုဆင်ခြင် တွေးတော တတ် တဲ့ ဥာဏ်၊ ဆက်စပ် ဖြစ်ပေါ် နိုင် တဲ့ အကျိုးဆက် တွေကို နားလည် သဘောပေါက် နိုင်တဲ့ အသိတော့ ရှိ ပါတယ်။ အဲဒီ ဥာဏ် အသိ နဲ့ တိုင်းပြည်ကို ချစ် မြတ် နိုးတဲ့ စိတ်၂ခု ကြောင့် ပဲ၊ ဒီ မြစ်ဆုံ စီမံ ကိန်း အကြောင်း သိ လိုက် ရ တော့ ရင်ထဲ မှာ အရမ်းခံစားမိတယ်။ ဧရာဝတီ မြစ်ကြီး ဆုံးရှုံး ပျောက်ကွယ် သွား မှာ ကိုယ့် မိဘ ဆုံးရှုံး သွားမှာကို စိုးရိမ် မိ သလို ပဲ စိုး ရိမ် မိ တယ်။

မြစ်ဆုံ ဒေသ ကို တရက် မရောက်ရောက် အောင် သွားမယ် လို့ ရှိခဲ့ တဲ့ စိတ်ကူး အရ အခုများ မြစ်ဆုံ ကို သွားကြည့် ခဲ့မိရင် ကိုယ် မိဘ အုတ်ဂူ ကို သွားကြည့်ရ သလို များ ဖြစ်နေ တော့ မလား လို့တောင် တွေးမိ တယ်။ ၀န်ကြီး ဆိုသူပြောချက် အရ မြန်မာ နိုင်ငံ မှာ လျှပ်စစ် ဓါတ် အား လုံလောက် နေလို့ တခြား ကို ရောင်းစားရ တာ ပါ လို့ ပြော လို့ တိုက်တိုက် ဆိုင်ဆိုင် ပြော ပြီး ၂ ရက် လောက် အကြာမှာ ပုသိမ် မြို့မှာ မီးလောင် တဲ့သတင်း ကို ကြားလိုက် ရတယ်။

မီးက ထုံးစံ အတိုင်း ပေါ့ ဆ မီး ပေါ့။ အိမ် ဖေါ် မိန်းကလေး နဲ့ အိမ်က ကလေးမ လေးနှစ် ယောက် က မီး မလာ လို့ မီးစက် ကို နိုးဘို့ လား၊ ဆီဖြည့် ဘို့ လား ဖယောင်းတိုင် ထွန်း ပြီး သွားကြည့် ရာက စ လောင်ရ တဲ မီးပါ။ မှန်ပါ တယ်၊ ဒါ ပေါ့ဆ မီးပါ။ တစုံတခု ဖြစ် ပျက်ခဲ့ရင်၊ အဲဒီဖြစ် ပျက်ရတဲ့ ကိစ္စ မှာ ရုတ်ခြည်း ဖြစ်ပျက် စေ တဲ့ အကြောင်း (Immediate cause) နဲ့ အဲဒီ အဖြစ်အပျက် ကို ဖြစ်စေတဲ့ အဓိက အကြောင်း (Root Cause) ဆို ပြီး အကြောင်း၂ ခု ရှိရ ပါတယ်။ သာ မန်အားဖြင့် ရုတ်ခြည်း ဖြစ်ပျက် စေ တဲ့ အကြောင်းက တော့ မြင် လွယ်သိ လွယ်တဲ့ အကြောင်းပေါ့။ ဒီ မီးလောင် မှု မှာ အပေါ်ယံ ကြည့် လိုက် ရင် ဖယောင်းတိုင် မီးထွန်း ပြီး မီးစက် ကို ဆီဖြည့်တာ၊ ဆီရှိမရှိ ကြည့် တာ ဟာ မီး လောင်မှု ကို ရုတ်ခြည်းဖြစ် စေ တဲ့ အကြောင်း (Immediate cause) ဖြစ် လို့ ပေါ့ ဆမီး ဆိုတာ မှန် ပေ မဲ့၊ ဒီ မီးလောင် မှု ရဲ့ အဓိက ဖြစ် ရတဲ့ အကြောင်း (Root Cause) ကတော့ မီးမလာ လို့ ဖြစ် ရ တာပါ။ အဖြစ်အပျက် တခု ဖြစ် လာ ရင် ရုတ်ခြည်း ဖြစ် ရ တဲ့ အကြောင်း တခု ထဲ ကြည့် လို့ အဖြေ မှန် မရ နိုင် ပါ ဘူး။ အဓိက ဖြစ် ရ တဲ့ အကြောင်း ကို သိ အောင် ရှာ ကြည့် ဘို့ လိုပါ တယ်။ မီးမ လာ ရခြင်း ရဲ့ အကြောင်းက တော့ စံနစ် (system) ညံ့ ဖျဉ်း မှု လို့ ဆို ရ မှာပါ။

အဲဒီ မီးလောင် မှု မှာ လည်း ဘယ်လောက် မှန် မ မှန် မသိ ရသေး ပေ မဲ့၊ ကြား ရတာက တော့ မီးလောင်တဲ့ နေရာ ကို လမ်း အသစ် ခင်း နေ လို့ မီးသတ် ကားတွေ ကို လမ်း ထဲဝင် ပြီး မီး သတ် ခွင့် မပြု လို့ မီး လောင်နေ တာ ကို ဒီတိုင်း ထိုင် ကြည့်နေ ကြရ တယ် လို့ ကြား တာ ပဲ။ ဘာပဲ ဖြစ်ဖြစ် ဒီ မီး လောင်မှု မှာ အဓိက အကြောင်း ရင်း ကတော့ မီး မလာ တာ ပါ ပဲ။ မီ တာ ခ ပေးထား ရဲ့နဲ့ မီးမလာ တာ ဘယ်သူ့ တာဝန် လဲ ကျွန် တော် မသိ ပါ။ ကျွန်တော် ဟာ သာမန် နိုင် ငံ သား တယောက် ပါ။ ၀န် ကြီးဆို သူက တော့ ပိုသိ ပို တတ်သူ မို့ သိ မှာပါ။

ကျွန်တော် အလုပ်လုပ် နေ တဲ့ နိုင် ငံ မှာ လျှပ်စစ် မီး ၁ နာရီ မရှိတရှိ ပျက်သွားဘူးပါတယ်။ အဲဒီ အတွက် လျှပ်စစ်မီး တာဝန်ယူတဲ့ ကုမ္မဏီက မီးပျက် လို့ ဆုံးရှုံး သွား ရ တဲ့ အလုပ် ဌာန တွေ စက် ရုံအလုပ်ရုံ တွေ ကို လျော်ကြေး ငွေ ဒေါ်လာ သန်း နဲ့ ချီ ပြီး လျော် ကြေး ပေးလိုက် ရတယ် လို့ ကြားဘူး ပါ တယ်။ မြန် မာ နိုင်ငံ မှာ တော့ မီးမလာ လို့ ကတော့ သြိကားမင်း ကြီး မှာပဲ တာဝန်ရှိ မလား မသိ ဘူး။ ဘာဖြစ် လို့လဲဆိုတော့ မီးပျက်လို့ လျှပ်စစ်ဌာနကို လှမ်းမေးရင် မီးပျက်တာ မိုးမရွာလို့လို့ ဖြေတတ် လို့ပါ။

မီး မလာလို့ မီးစက် တွေ သုံး ကြတယ်။ ဒါ အပြစ်မဟုတ်ပါဘူး။ ဒါပေမဲ့ မီးစက် တွေ သုံး လို့ ဖြစ် ရ တဲ့ အကျိုးဆက် တွေ ကတော့ များ ပါတယ်။ တိုးတက် တဲ့နိုင် ငံ တွေ မှာ မီးစက် သုံးရတဲ့ နေရာ အလုပ်ဌာန တွေ မှာ မီးစက် သုံး လို့ ဖြစ် နိုင်တဲ့ အန္တရာယ် တွေ ကို ကာကွယ် တားဆီးဘို့ လိုအပ်တဲ့ ဆောင် ရွက် ချက်တွေကို မလုပ်ထားပဲ သုံးလို့ မရ ပါဘူး။ မီးစက် ကြောင့် ဖြစ် ရတဲ့ အန္တရာယ် ဆိုတာ မီးဘေး အန္တရာယ် တခု ထဲ မဟုတ်ပါဘူး။ မီးစက်က ထွက် လာတဲ့ အဆိပ်ငွေ့ (ကာဘွန်မိုနောက်ဆိုဒ်၊ ကာဘွန်ဒိုင်အောက်ဆိုဒ် ဓါတ်ငွေ့) တွေ ရှူရှိုက်မိနိုင် တဲ့ အန္တရာယ်၊ နောက် ဆုံး ဒီစက် တွေ ရဲ့ ဆူညံ သံ တွေ ကြောင့် ဖြစ်နိုင် တဲ့ နား အကြား အာရုံ ချို့ယွင်း နိုင် တဲ့ အန္တရာယ်၊ စတာ တွေ အတွက် ကာကွယ် တားဆီး ဖို့ အစီ အစဉ် တွေ ပြင် ဆင် လုပ် ဆောင် ထားဘို့ လို အပ် ပါ တယ်။

မြန် မာ နိုင်ငံ ဟာ ဆင်းရဲ တဲ့ နိုင်ငံ ဖြစ် တဲ့ အကြောင်း တိုင်းပြည် ကို အုပ် ချုပ် တဲ့သူ တွေ က သူ တို့ ပြော စကားတွေ အရ ၀န် ခံ သွားကြ ပါ ပြီ။ ဒီတော့ ဒီ နိုင် ငံ ထဲ မှာ နေ နေရ တဲ့ ဆင်း ရဲ တဲ့ ပြည်သူ တွေ အနေ နဲ့ ကျမ္မာရေး စောင့်ရှောက်မှု အားနည်းတဲ့ ဆေးရုံ ဆေးခန်းတွေ အစား၊ လမ်းဘေး ကွမ်း ယာဆိုင်က ဒေါက် တာ ညွှန် ကြားတဲ့ ဈေးပေါပေါ တရုပ်၊ ကုလား ထုတ်တဲ့ ဆေးတွေနဲ့ပဲ နှစ် ပါးသွား ကြရရင်း လုံးပါးပါး သွားကြရတာ ဘယ် လောက် ရှိ ပြီ လဲ။ ဘာရောဂါ မှန်း မသိ လိုက် ပဲ ဆုံးရှုံး သွားကြ တာ ဘယ် လောက် ရှိ နေ ပြီ လဲ။ ဘာကြောင့် ဒီ လို ဖြစ် ရ တာ လဲ။ အရင်း စစ် လိုက် ရင် လျှပ် စစ် မီး လုံ လုံ လောက် လောက် မရ တာ ဟာ အဓိက ကျ တဲ့ အကြောင်း တခု ဖြစ် ကြောင်း ထင် ထင် ရှားရှား တွေ့ နိုင် ပါ တယ်။

ဒါကြောင့် ဧရာဝတီ ရောဂါဟာ မြန်မာနိုင်ငံကို ချစ်မြတ်နိုးသူတိုင်း၊ ဧရာဝတီကို ချစ်မြတ်နိုးသူတိုင်း ကူးစက်ခံစားရမဲ့ ရောဂါဖြစ်တာနဲ့ အညီ ဒီရောဂါကို အမြန်ကုသမှု မပေးနိုင်ရင် ဆိုးရွားတဲ့ အကျိုးဆက်တွေနဲ့ တွေ့ကြုံရနိုင်ကြောင်း လျှပ်စစ်ဝန်ကြီးဆိုသူနဲ့ တာဝန် ရှိသူ တွေ အချိန်မှီ နားလည် သဘောပေါက် နိုင်ကြပါစေလို့။ 

သာမန်နိုင်ငံသား - မြင့်သိန်း