ကော်ဗူးရှူတဲ့ လမ်းပေါ်က ကလေးငယ်များ... သတင်း၊ ဆောင်းပါးရှင် ဇော်ရှန် (နယူးဒေလီ)

 ရန်ကုန်မြို့မှ ကော်ဗူးရှူတဲ့ အရွယ်မရောက်သေးတဲ့ ကလေးငယ်များ

(ဓာတ်ပုံ The Voice Weekly)

 ကော်ဗူးရှူတဲ့ လမ်းပေါ်က ကလေးငယ်များ
သတင်း၊ ဆောင်းပါးရှင် ဇော်ရှန် (နယူးဒေလီ)

မိုးသည်းထန်စွာ ရွာသွန်းနေချိန် နေ့ခင်းနေ့လည် (၁၂) နာရီခန့်တွင် ရန်ကုန်မြို့ရှိ လူစည်ကားရာ နေရာတခုဖြစ်သည့် ကုန်သည်ကြီးများဟိုတယ် ဆင်ဝင်အောက်တွင် ကလေးငယ်တသိုက် တဦးနှင့်တဦး တိုးဝှေ့ထိုင်နေကြသည်။ ကလေးငယ်များမှာ အသက်အရွယ်အားဖြင့် ၁၀ နှစ်မှ ၁၃ နှစ်အရွယ်ရှိပြီး သူတို့မှာ တခုခုကို လိုလားတောင့်တနေသည့် မျက်လုံးအစုံနှင့်ဖြစ်သည်။ သူတို့ အဓိက လိုအပ်နေသည်မှာ အစားအစာ၊ ဘောလုံးတလုံး၊ တွတ်ပီကာတွန်း ရုပ်ပြစာအုပ်တအုပ်၊ အရုပ် (သို့) ဂိမ်းစက်များ မဟုတ်ဘဲ ဖိနပ်ကပ်ခြင်း၊ ပိုက်ဆက်ခြင်းတို့တွင် အသုံးပြုလေ့ရှိသည့် စိမ်းရွှေရွှေအနံ့ရှိသည့် ကော်ဗူးများသာဖြစ်သည်။

များမကြာမီ ၁၄ နှစ်အရွယ်ရှိ လူငယ်တစ်ဦး ကော်ဗူးတစ်ဗူး ကိုင်ပြီး သူတို့အုပ်စုရှိရာသို့ ပြေးလာသည်။ “ဟေ့ကောင်တွေ ဒီကနေလစ်မယ်။ ငါတို့အတွက်ရိက္ခာပါလာတယ်။ အခြေအနေတော့ သိပ်မကောင်းဘူး” ဟုဆိုကာ ရန်ကုန်ဘူတာကြီးဘက်သို့ မဆိုင်းမတွ ခပ်သွက်သွက်ပင် ထွက်သွားတော့သည်။ ကျန်ရှိနေသည့် ဆယ်ကျော်သက်အရွယ် လူမယ် ၄ ယောက်လည်း ထိုသူသွားရာ လမ်းအတိုင်း ပြေးလိုက်သွားကြသည်။ လူအသွားအလာရှင်းသည့် ရန်ကုန်ဘူတာကြီးနှင့် မနီးမဝေးရှိ သံလမ်းပေါ်တွင်မူ မုန့်ကြွပ် ဟုခေါ်သော ထိုလူငယ်ယူဆောင်လာသည့် ကော်ဗူးကို မုန့်ကြွပ်နှင့် အပေါင်းအပါတစုက တလှည့်စီ အငမ်းမရ ရှုရှိုက်နေကြသည်ကို လှမ်း၍ မြင်တွေ့နေရသည်။

“ကျနော်တို့က ဒီကော်ရှုဖို့ သိပ်များများမလိုဘူးလေ။ ထမင်းစားဖို့ဆုိုရင်တော့ ဒီတအုပ်စုလုံးအတွက်ဆို ပိုက်ဆံကုန်မယ်လေ” ဟု မိမိအလှည့် အရောက်ကို စောင့်နေရင်း မုန့်ကြွပ်က ပြောသည်။ ကော်ကိုရှုရှိုက်ခြင်းဖြင့် ထမင်းဆာလောင်မှု အပါအ၀င် လက်ရှိတွေ့ကြုံနေရသည့် ဒုက္ခ၊ ပြဿနာများကိုပါ ခေတ္တ မေ့လျော့သွားစေနိုင်ကြောင်း၊ အိမ်ခြေမဲ့ကလေးငယ်များသာမက အထက်တန်း ကျောင်းသားတချို့ပါ ထိုကော်ဗူးကို မူးယစ်ဆေးသဖွယ် တွင်တွင်ကျယ်ကျယ် အသုံးပြုနေကြကြောင်း ရန်ကုန်တိုင်း၊ ယုဇနဥယျာဉ်မြို့တော်အိမ်ရာ နေထိုင်သူ ကျောင်းဆရာမတစ်ဦးက ပြောသည်။

ထိုသို့ကော်ဗူးများကို မူးယစ်ဆေးသဖွယ် ရှုရှိုက်နေကြခြင်းမှာ ၀ယ်ယူရန် လွယ်ကူခြင်းနှင့် ဈေးသက်သာခြင်းတို့ကြောင့် ငွေကြေးချို့တဲ့သူ လမ်းဘေး ကလေးငယ်အများစုက အဓိက သုံးစွဲနေကြခြင်း ဖြစ်သည်ဟု သိရသည်။ လမ်းဘေးကလေးငယ် အများစုမှာ ရန်ကုန်မြို့အတွင်းရှိ လမ်းတကာသို့ ၀င်ထွက်သွားလာလေ့ရှိပြီး ပြန်လည်ရောင်းချနိုင်သည့် ပလပ်စတစ်၊ ကော်၊ ဘီယာဗူးခွံ စသည့် စွန့်ပစ်ပစ္စည်းများကို ရှာဖွေကောက်ယူကာ တဆင့်ရောင်းချပြီး ရရှိလာသည့် ငွေကြေးတချို့နှင့် ထိုကော်ဗူးများကို ၀ယ်ယူသုံးစွဲနေကြခြင်းဖြစ်သည်။ ထိုကလေးငယ်များ၏ နောက်ကွယ်တွင် အသက် ၂၀ ကျော်အရွယ် လူငယ်တချို့က ကြိုးကိုင် သင်ကြားပေးခြင်း ဖြစ်သည်ဟုလည်း သိရသည်။

ကော်သုံးစွဲသူ ကလေးငယ်အများစုတွင် ကြောက်ရွံ့စိတ်မရှိဘဲ ၎င်းတို့ကို သွန်သင်ဆုံးမသူများကိုပင် ပြန်လည်ဆဲဆိုကာ ရန်ပြုခြင်းများ လုပ်လေ့ရှိကြောင်း တွေ့ရသည်။ ထို့ကြောင့် ၎င်းတို့ကို ပတ်ဝန်းကျင် အသိုင်းအ၀ိုင်းက လူတချို့က ဘေးဖယ်ထားလေ့ရှိသည်။ “ကျန်တော်တို့က နေစရာမရှိ စားစရာမရှိတော့ ပတ်ဝန်းကျင်က နှိမ်တယ်။ ကျွန်တော်တို့ကို အစ်ကိုကြီး တယောက်က ဒီကော်ကိုရှုရင် ကြောက်စိတ်တွေ ပျောက်သွားပြီး လုပ်ချင်ရာ လုပ်နိုင်တယ်လို့ ပြောလို့ရှုတာပါ။ ကျန်တာတော့ မသိဘူး” ဟု မုန့်ကြွှပ်က ပြောသည်။

အုပ်စုထဲမှ ဆယ်ကျော်သက်ရွယ်တဦးမှလည်း “ကျွန်တော်တို့ လမ်းပေါ်လိုက်ပြီး ပလတ်စတစ်ကောက်ဖို့၊ ရေသန့်ဗူးကောက်ဖို့၊ လူမကြောက်ဖို့၊ ထမင်းမဆာဖို့ကို ဒီကော်ဗူးလေးက အကုန်ဖြည့်ဆည်းပေးတယ်။ ဒီကော်ဗူးကတော့ ကျတော်တို့အတွက် အသက်ပဲ” ဟု ဆိုသည်။ ကာလတာရှည် ကော်ဗူးရှုရှိုက် သုံးစွဲခြင်းဖြင့် ဘေးထွက်ဆိုးကျိုးတချို့ဖြစ်သည့် မှတ်ဥာဏ်ပိုင်းဆိုင်ရာ ထိခိုက်ခြင်းနှင့် နောက်ဆုံးတွင် အသက်အန္တရာယ်ကိုပါ စိုးရိမ်ရကြောင်း ဆေးပညာမှတ်တမ်းတချို့က ဆိုသည်။

အိန္ဒိယလူမျိုး မြန်မာနိုင်ငံဖွား ကုန်သည် တဦးကလည်း “ India နိုင်ငံ ဒေလီမြို့ပေါ်မှာ ကျနော် သိသလောက်ပေါ့ လမ်းဘေးမှာ နေတဲ့ ကလေးတွေ မိသားစု တွေကို အစိုးရက လိုက်ဖမ်းပြီး ကူညီပေးတယ်။ သူတို ဘ၀ရပ် တည်မူတွေကို စီစဉ်ပေးတယ်။ နေရာတွေ သတ်မှတ်ပေးတယ်။ အစိုးရ ကူညီတာပေါ့နော်။ ဒီမှာက ဆေးခြောက်နဲ့ ကော်ဗူးရှူတာလောက် ကိုတော့ ဒီလောက် အရေးမထားဘူးလေ မူးယစ်ဆေး စွဲနေတဲ့ ကလေးတွေကို ဆေးရုံ ပိုပြီး လုပ်ပေးတဲ့ အဖွဲစည်းတွေ ရှိ်တယ်လေ။ ရန်ကုန်ကို ခဏခဏရောက် ဖြစ်ပါတယ်။ ဘာကွာလည်းဆိုရင် အုပ်ချုပ်နေတဲ့ အစိုးရ တာဝန်ယူမှုပေါ့။ လက်ရှိ အုပ်ချုပ်နေတဲ့ အစိုးရက တာဝန်ရှိတာပေါ့။ အခုလို ပစ်ထားတော့ ပိုဆိုးတာပေါ့ ’’

သူက အခုလို ကော်ဗူး ဆေးရှူသုံးစွဲသူ အသက်အရွယ် (၄) နှစ် အရွယ်မှ (၁၄)နှစ်အရွယ် ကလေးငယ်များကို ရန်ကုန်မြို့တွင် ရာဂဏန်းအထက် ရှိနိုင်သည်ဟု သုံးစွဲဖူးသူတဦးက ဆိုသည်။ မြန်မာနိုင်ငံတွင် စီးပွားရေးအဆင်မပြေမှု၊ ဆင်းရဲမှုနှင့် နိုင်ငံရေး မငြိမ်မသက်မှုများက အရွယ်မရောက်သေးသည့် ကလေးသူငယ်များကို ဆောက်လုပ်ရေးလုပ်ငန်းခွင်၊ လမ်းဘေး လဘက်ရည်ဆိုင်များနှင့် စွန့်ပစ်အမှိုက်ကောက်သိမ်း နေရာများသို့ တွန်းပို့နေပြီး ၎င်းတို့၏အရွယ်နှင့် မမျှသည့် အလုပ်များကို လုပ်ကိုင်နေကြရကာ လုပ်အားခ ချိုးနှိမ်ခံရလေ့ရှိသည်။ အချို့ကလေး သူငယ်များမှာ ထိုင်းနယ်စပ်၊ တရုပ်နယ်စပ် တို့တွင် လူကုန်ကူးသူများ၏ ရောင်းစားခြင်းခံရလေ့ရှိသည်။

မြန်မာနိုင်ငံမှ အသက် ၃-၁၆ နှစ်အရွယ်ကလေးသူငယ် ၂၀၀၀၀ ခန့်သည် ထိုင်းနိုင်ငံတွင် တောင်းစားခြင်း၊ လမ်းဘေးဈေးရောင်းချခြင်း သို့မဟုတ် စွန့်ပစ်ပစ္စည်းများကောက်သိမ်းခြင်းများ လုပ်ကိုင်နေကြပြီး အသက် ၁၂-၁၉ နှစ်အရွယ် အမျိုးသမီးငယ်များမှာမူ ပြည့်တန်ဆာလုပ်ငန်းတွင် တွေ့မြင်နေကြကြောင်း အွန်လိုင်း Youth X Change (YXC) ၀ဘ်ဆိုဒ်တခုတွင် ဖော်ပြထားသည်။

ဇော်ရှန်

နယူးဒေလီ၊ အိန္ဒိယ။

၁၈ ရက်၊ သြဂုတ်လ၊ ၂၀၁၁ ခုနှစ် 

“ကျန်တော်တို့က နေစရာမရှိ စားစရာမရှိတော့ ပတ်ဝန်းကျင်က နှိမ်တယ်။ ကျွန်တော်တို့ကို အစ်ကိုကြီး တယောက်က ဒီကော်ကိုရှုရင် ကြောက်စိတ်တွေ ပျောက်သွားပြီး လုပ်ချင်ရာ လုပ်နိုင်တယ်လို့ ပြောလို့ရှုတာပါ။ ကျန်တာတော့ မသိဘူး”

“ကျွန်တော်တို့ လမ်းပေါ်လိုက်ပြီး ပလတ်စတစ်ကောက်ဖို့၊ ရေသန့်ဗူးကောက်ဖို့၊ လူမကြောက်ဖို့၊ ထမင်းမဆာဖို့ကို ဒီကော်ဗူးလေးက အကုန်ဖြည့်ဆည်းပေးတယ်။ ဒီကော်ဗူးကတော့ ကျတော်တို့အတွက် အသက်ပဲ”

India နိုင်ငံ ဒေလီမြို့ပေါ်မှာ ကျနော် သိသလောက်ပေါ့ လမ်းဘေးမှာ နေတဲ့ ကလေးတွေ မိသားစု တွေကို အစိုးရက လိုက်ဖမ်းပြီး ကူညီပေးတယ်။ သူတို ဘ၀ရပ် တည်မူတွေကို စီစဉ်ပေးတယ်။ နေရာတွေ သတ်မှတ်ပေးတယ်။ အစိုးရ ကူညီတာပေါ့နော်။ ဒီမှာက ဆေးခြောက်နဲ့ ကော်ဗူးရှူတာလောက် ကိုတော့ ဒီလောက် အရေးမထားဘူးလေ မူးယစ်ဆေး စွဲနေတဲ့ ကလေးတွေကို ဆေးရုံ ပိုပြီး လုပ်ပေးတဲ့ အဖွဲစည်းတွေ ရှိ်တယ်လေ။ ရန်ကုန်ကို ခဏခဏရောက် ဖြစ်ပါတယ်။ ဘာကွာလည်းဆိုရင် အုပ်ချုပ်နေတဲ့ အစိုးရ တာဝန်ယူမှုပေါ့။ လက်ရှိ အုပ်ချုပ်နေတဲ့ အစိုးရက တာဝန်ရှိတာပေါ့။ အခုလို ပစ်ထားတော့ ပိုဆိုးတာပေါ့