ဖော်လံဖား (၀တ္ထု) - အမှာစာ (သွန်းနေစိုး)

ဖော်လံဖား  (၀တ္ထု) - အမှာစာ

(သွန်းနေစိုး)

by Thorn Nay Soe on Sunday, December 4, 2011 at 2:24pm

ဤ၀တ္ထုရေးရသော ခံစားမှု

မနေ့ကတင် Facebook ပေါ်မှာ ဖတ်လိုက်ရပါသည်။ သာကူးတွေကို မခံချိမခံသာဖြစ်နေသော စာများ။ အထူးသဖြင့် ကျနော့်ရင်ကို ထိရှသွားရသည်ကတော့ `စစ်တပ်အစိုးရတုန်းကလဲ သူတို့ပဲ ပြေးကပ်လိုက်ကြ၊ နေရာတွေရကြ။ အခု အမေစုကျပြန်တော့ သူတို့ပဲ ပြေးကပ်ကြပြန်ပြီ။ ပြည်သူတွေမှာတော့ ဒုံရင်းက ဒုံရင်းပဲ´ ဟူသော မှတ်ချက်စကားဖြစ်ပါသည်။ ဘာမှမဟုတ်ရှာသော ထိုသို့ ပြေးကပ်ဖို့ပင် အခွင့်မသာရှာသော ပြည်သူတွေကိုယ်စား ကျနော် လူမိုက်လုပ်ပါတော့မည်။ ကျနော့်တစ်ဦးတည်း အနေနှင့်တော့ သိပ်ဂရုစိုက်လှသည် မဟုတ်ပါ။ ကိုယ်လဲ ပြေးကပ်ချင်ရင် ပြေးကပ်စရာ အနေအထားတွေ ရှိခဲ့ပါသည်။ သို့သော် ဘယ်တုန်းကမှ ဘယ်သူ့ကိုမှ ပြေးမကပ်ခဲ့။ ထို့ကြောင့် ဂျာနယ် ထုတ်ဝေချင်သော်လည်း ခက်ခဲနေရသလို စာရေးဆရာတစ်ချို့ ကားတွေရသွားသည်ကိုလည်း `သြော် ဟုတ်လား၊ ပြည်သူ့ဘက်သား ဆိုသူကြီး ကားတွေ ရသွားပါပကော´ ဟုသာ နေခဲ့ပါသည်။ အခု ပြည်သူက မခံမရပ်နိုင်တာ မြင်သောအခါ မနေသာပါ။ ၀င်ပြောပါမည်။ ထို့ကြောင့် သာကူးများ မုန်းလိုကလည်း ဘ၀အသေင်္ချေ မုန်းစေသတည်း။

ဤ၀တ္ထုရေးရခြင်း ရည်ရွယ်ချက်

မနေ့ကကျနော် ကြေငြာလိုက်သလိုပါပဲ။ သာကူးကြီးများကို ခပ်စပ်စပ်လေးနှက်လိုခြင်းက အဓိကရည်ရွယ်ချက် ဖြစ်ပါသည်။ အခုအချိန်သည် ညီညွတ်ရေး ရှေးရှုရမည့်ကာလဆိုတာ ကျနော် နားလည်ပါသည်။ ကျနော်ကိုယ်တိုင်လည်း ညီညွတ်ရေးစာတွေ ရေးခဲ့ပါသည်။ သို့သော် ကျနော့်စိတ်ထဲ အင်မတန်စိုးရိမ်တာရှိ၏။ ထိုသာကူးကြီးများမှာ အင်မတန် အကပ်ကောင်းပါသည်။ အင်မတန်လည်း ရည်ရွယ်ချက်ကြီးကြပါပေသည်။

ယင်းကဲ့သို့သောလူမျိုး နေရာရသွားလျှင် တိုင်းပြည်နာပါလိမ့်မည်။ အစဉ်အလာအရလည်း ထိုကဲ့သို့သော သူမျိုးပင် ကောင်းစားတတ်သည်ကို မြင်ရပါသည်။ သူတို့က နေရာလိုချင်သည်ကိုး၊ နေရာရပေမပေါ့။ ထိုကဲ့သို့နေရာရအောင် လုပ်နိုင်သော အစွမ်း၊ အင်အားလည်း ရှိကြပါသည်။ အမေစုက ပညာရှိသည်မို့ ဆင်ခြင်နိုင်မည်ထား။ နှစ်ဘက်လုံးနှင့်အလွမ်းသင့်တယ်ဆိုပြီး တစ်ဘက်ကို တစ်မျိုးပြော တစ်ဘက်ကို တစ်မျိုးပြပြီး နေရာရအောင် ယူသွားမည့် ခြေလှမ်းကို ကျနော်မြင်နေမိပါသည်။

တကယ်စေတနာထားသူ၊ တကယ်လှုပ်ရှားဆောင်ရွက်ခဲ့သူများကတော့ နံရံလေးဘက်ကြားတွင်ပင် ဘ၀ကို အဆုံးသတ်ရတော့မည်လော။ သေချာသည်က ကျနော်တို့ ဒီနေ့ ဒီလိုအခြေအနေ ရောက်လာသည်မှာ ထိုသာကူးကြီးများ၏ စွမ်းဆောင်ချက် တစ်စိုးတစ်စေ့မျှ မပါပါ။ တကယ်စွမ်းဆောင်ခဲ့သူများထဲမှ အင်အားစုကြီး ယခုထိ နံရံလေးဘက်ကြားတွင် ရှိနေဆဲဖြစ်ပါသည်။ သူတို့က သဘောထားကြီးသူများမို့ ဘယ်လိုမှ မနေပေမယ့် ကျနော်က သူတို့ကိုယ်စား နာပါသည်။ ထို့ကြောင့် ရေးပါသည်။

ဤ၀တ္ထုရေးရခြင်း ရပ်တည်ချက်

သာကူးကြီးများအန္တရာယ် သတိပေးနိုးဆော်စာ သဖွယ် ဖြစ်ပါလိမ့်မည်။ ကျနော်တို့ မြန်မာများသည်ကား အင်မတန်ခွင့်လွှတ်နိုင်သော စိတ်စေတနာမျိုးရှိကြပါသည်။ ဂဠုန်ဦးစောတုန်းကပင် အသက်ကို လွတ်ငြိမ်းခွင့်ပေးရန် ၀ိုင်းတောင်းပန်ကြသေးသည်ပဲ။ တကယ်တော့ ဒီစာမှာ ကျနော့်ကိုယ်ကျနော် စိတ်တင်းပေးသော စာလည်းဖြစ်ပါလိမ့်မည်။ ပြောသာ ပြောတာ ကျနော်လည်း စိတ်ပျော့ပါသည်။ မြန်မာမို့ မေ့လွယ် ပျောက်လွယ်လည်း ရှိတတ်ပါသည်။

ထိုကဲ့သို့ ကျနော်တို့က ခွင့်လွှတ်ထားမိလျှင် နောက်ကျောဓားနဲ့ ထိုးမယ့်အရေး၊ ဂုတ်ခွစီးမယ့် အရေးကို စိုးရိမ်ရပါသည်။ သာကူးဆိုသည်ကတော့ သာလျှင် ကူးမည်ပဲ။ ဘယ်သူဘာပြောပြောလဲ ဂရုစိုက်မည် မဟုတ်ပါ။ ကျနော်တို့ချင်း သတိထားရန်သာ ရေးခြင်းဖြစ်ပါသည်။ ကျနော်အင်မတန် လေးစားသော အချုပ်တန်းဆရာဖေတုန်းက `ပလူးကြပြေးကျို့ခါခါ ခွေးသို့ပမာ´ ဟု ရေးခဲ့ပါသည်။ ကျနော်က ဆရာဖေ့လို ပုဂ္ဂိုလ်ကြီးနှင့် မနှိုင်းဝံ့ မနှိုင်းသာပါ။ သို့သော် ဆရာဖေ့လိုဖြစ်ရန် အားကျကြိုးပမ်းနေသော သူတစ်ယောက်တော့ ဖြစ်နိုင်လိမ့်မည် ထင်ပါသည်။

ကျနော်တို့ စာရေးဆရာ ဆိုသည်မှာလည်း ပြည်သူ့အသံ နာခံရမည်ဟု ကျနော်ခံယူထားပါသည်။ ပြည်သူက မခံရပ်နိုင်လာလျှင် ပြည်သူ့အသံကိုထင်ဟပ်ပေးရန် တာဝန်ရှိသည်ဟု ထင်ပါသည်။ နိုင်ငံရေးသမားတွေက နိုင်ငံရေးအလုပ်လုပ်ကြပါ။ ညီညွတ်ရေးအတွက် ဆွေးနွေးစေ့စပ်ကြပါ။ ကျနော်ကား စာရေးဆရာစစ်စစ်ဖြစ်ပါ၏။ စာရေးဆရာအလုပ်ကို လုပ်ပါတော့မည်။

ဤ၀တ္ထု၏ ဦးတည်ချက်

တစ်ဦးတစ်ယောက်တည်းကို တိုက်ရိုက်မရည်ရွယ်ပါ။ လောကတစ်ခုတည်းမှ လူများကိုလည်း မရည်ရွယ်ပါ။ စီးပွားရေးသမား ယောင်ဆောင်နေသော သာကူးကြီးများ၊ နိုင်ငံရေးသမား ယောင်ဆောင်နေသော သာကူးကြီးများ၊ စာနယ်ဇင်းသမား ယောင်ဆောင်နေသော သာကူးကြီးများ၊ အနုပညာသမား ယောင်ဆောင်နေသော သာကူးကြီးများ ... တို့ကိုရည်ရွယ်ပါသည်။ အယောင်ဆောင်နေသောဟု ကျနော်ပြောခဲ့ပါသည်။

နိုင်ငံရေးသမားအစစ်၊ စီးပွားရေးသမား အစစ်၊ စာနယ်ဇင်းသမား အစစ်၊ အနုပညာသမား အစစ်များဆိုလျှင် ထိုကဲ့သို လုပ်လိမ့်မည် မဟုတ်ပါ။ အတုတွေ များလာလျှင် ရွာနာပါလိမ့်မည်။ ငါးခုံးမတစ်ကောင်ကြောင့်ပင် တစ်လှေလုံးပုတ်နိုင်သလို ငါးခုံးမ များသထက်များလာလျှင် လှေပေါ်မှ ခုန်ချပြီး ရေနစ် သေပစ်လိုက်ဖို့သာရှိ၏။ ကိုယ်စီးနေသော လှေကလေးတော့ဖြင့် အနံ့ဆိုးများ ကင်းစေ့ချင်ပါသည်။ အကယ်၍များ မတော်တဆ ကျနော့်စာအားဖတ်မိကာ အရှက်တရားရ အသိတရားဝင်ပြီး နောင်ထိုကဲ့သို့မမှားတော့ပဲ နောင်ကြဉ်သွားစေမည်ဆိုငြားအံ့။ ကျနော်အတွက် အတိုင်းထက်အလွန်ပင် ဖြစ်ပါလိမ့်မည်။

ဤ၀တ္ထု၏ ဖွဲ့စည်းပုံ

ဇာတ်လမ်းတစ်ခု ဖန်တီးထားပါသည်။ သို့သော် ပိုအဓိက ကျသည်မှာ ထိုဇာတ်လမ်းထဲတွင် ပြောသောစကားများ၊ ပေးချင်သော ခံစားချက် အချက်အလက်များ ဖြစ်ပါသည်။ ငယ်ငယ်တုန်းက သင်္ကြန်သံချပ်လေးတစ်ခုကို သွားသတိရလိုက်မိ၏။ `မှတ်ထား၊ နောက်ဒါမျိုးမလုပ်နဲ့´ ဆိုသော စကား။ ဘာပဲ ဖြစ်ဖြစ် ရေးမယ့် ရေးတော့ မှတ်လောက်သားလောက်အောင် တွယ်ပါတော့မည်။ ကျနော့်ဝတ္ထုပါ ဇာတ်ကောင်အမည်မှာ အောင်မောင်း ဖြစ်ပါသည်။

ထိုဇာတ်ကောင်နာမည်မှာ ဘယ်သူ့နာမည်ကိုမှ ထည့်သွင်းထားခြင်းမဟုတ်ပါ။ သို့သော် ထိုဇာတ်ကောင်၏ အမူအကျင့်များ၊ ဇာတ်လမ်းတွင်းပါ ထိုဇာတ်ကောင်ကို ပြောကြသော စကားများကတော့ဖြင့် တည့်တည့်ကြီးကို ရည်ရွယ်ပါသည်။

ကျေးဇူးတင်ပါသည်။

ကျနော်၏ ၀တ္ထုအမည်မှာ ... `ဖော်လံဖား´ ဖြစ်ပါသည်။

ပရိသတ်အား လေးစားစွာ ...

သာကူးကြီးများအား မလေးစားစွာ ... ဖြင့် ...

သွန်းနေစိုး (Thorn Nay Soe)
မကြာမှီ ရေးသားဖော်ပြမယ့် ဆရာသွန်းစိုးရဲ့ ဖော်လံဖား ဝတ္ထုအမှာစာပါ...။