ပြည်သူကို ဘယ်လိုမြင်ပါသလဲ (ကဗျာရှင် နေရဲနီ)..

ပြည်သူကို ဘယ်လိုမြင်ပါသလဲ

(ကဗျာရှင် နေရဲနီ)

ဖန်ခွက်၂လုံးရှေ့မှာ ချထားသောကြောင့်

ကျွန်တော်တို့ သည်

အသောက်သမားများဖြစ်ကြသည်

ဝါကြန့်ကြန့်အရည်များသည်ကား

နေရာဒေသနှင့် ရာသီဥတု အနေအထားကိုကြည့်၍

ယမကာဟုဆိုအပ်သော

သူရာရည်မှလွဲ၍ တခြားမဖြစ်နိုင်။

တစ်ယောက်သောသူက

အက်ျီနှစ်ထပ် ရင်ဘက်ဟဗြဲ

အနီတထပ်အဖြူတစ်ထပ်

ဆန့်ကျင်ဘက်ဖြစ်သောကြောင့်

အမြင်မှာထင်ပေါ်သော်လည်း

ကြည့်ရသည်မှာ မတင့်တယ်လှ။

တစ်ယောက်သောသူကား

ကုလားထိုင်ကိုမှီထားသောကြောင့်

ဆူဖြိုးသောဝမ်းဗိုက်က

ရှေ့သို့ငေါထွက်နေပေရာ

ဝအစ်သောမျက်နှာနှင့်အင်မတန်မှလိုက်ဖက်လှ၏။

ခမ်းနားထည်ဝါခြင်းမရှိသော်လည်း

စားပွဲနှင့်ကုထားထိုင်တို့၏အနေအထားက

သပ်ရပ်မှုမရှိသည်ကိုတော့ငြင်းပယ်၍မရနိုင်

တစ်ယောက်နှင့်တစ်ယောက်မျက်နှာလွှဲထားကြသော်လည်း

ကြည်လင်ရွှင်ပျမှုကားမရှိကြ။

အဆီပြန်နေသော မျက်နှာများမှ

ဦးတည်ချက်မဲ့နေသော ဝေခွဲမရသည့်အကြည့်များသည်ကား

စာဖတ်သူအား မေးခွန်းပေါင်းများစွာကို

ပြန်မေးသကဲ့သို့ရှိချေ၏။

စိတ်ကိုဒွိဟပွားစေ၏။

မေးသောသူကား

ဘယ်လိုလုပ်ကြမှာလဲဟူသော

စိတ်ပျက်အားငယ်စွာ

ဝေခွဲမရသောအနေအထားတွင်ရှိပြီး။

ဖြေသောသူကား

တင်းမာခက်ထန်သော မျက်နှာထား၏နောက်ကွယ်မှ

စိတ်၏အတွေး အကြံပေါင်းများစွာကို

ထွင်းဖောက်၍ မြင်နေရသကဲ့သို့ ရှိချေ၏

ဖတ်ခဲ့ဘူးလေသော အင်တာဗျူးပေါင်းများစွာတွင်

စာဖတ်ပရိတ်သတ် ဖြစ်သောပြည်သူအား

ဤကဲ့သို့မထေမဲ့မြင်ပြုသော အနေအထားမျိုး

တစ်ခါမှမတွေ့ဘူးခဲ့။

မည်သို့ပင်ဆိုစေကာမူ ဟုဆိုအပ်သော

ချုံ့၍ချဲ့၍ရနိုင်သော တရားသူကြီး၏

လက်သုံးစကားနှင့်ဆိုရချေသော်...

အနှီဝန်မင်းဟောင်းနှင့်အယ်ချုပ်ကြီးတို့ခင်ဗျား

ခင်ဗျားတို့လည်းပြည်သူ

ကျုပ်တို့လည်းပြည်သူ

ဆင်းရဲသားလည်းပြည်သူ

သမ္မတကြီးလည်းပြည်သူ

သူတောင်းစားလည်းပြည်သူ

သူဌေးကြီးလည်းပြည်သူ

အားလုံးဟာ အတူတူနဲ့ အနူနူ

ပြည်သူတွေချည်းပါဘဲ

ဒါကြောင့်မို့

စာဖတ်ပရိတ်သတ်ဖြစ်သော

ပြည်သူအား

ဘယ်လိုမြင်ပါသလဲခင်ဗျား။

ဘယ်လိုထင်ပါသလဲခင်ဗျား။

နေရဲနီ