EC  Education Clearance အားပြန်လည်စီစစ်ပေးပါရန် အနာဂတ်လမ်း ပိတ်နေတဲ့ လူငယ်ဆရာဝန်များမှ 
(ဒီမိုဝေယံသို့ ပေးစာ)

ကျွန်မကတော့ ရန်ကုန်ဆေးတကသိုလ် (၁) က ဆေးပညာဘွဲ့ ရရှိထားသော ဆရာဝန်တစ်ဦး ဖြစ်ပါတယ်။ ကျွန်မတို့ လူငယ်ဆေးပညာလောကမှာ ကြုံတွေ့ နေရတဲ့ အခက်အခဲကို မီဒီယာများမှတဆင့် သက်ဆိုင်သူများ သိရှိစရန်နှင့် ကူညီဖြည့်ဆည်းပေးစေရန် အလို့ ငှာ သတင်းပေးပို့ လိုက်ရပါတယ်။

အခုပြောပြချင်တာက ဆရာဝန် တွေကိုသတ်မှတ်ထားတဲ့ Education Clearance(EC) အကြောင်းပါ။ ဆရာဝန်တစ်ယောက် ဘယ်လို အကြောင်းကြောင့်ဘဲ နိုင်ငံခြားထွက်ထွက် ၁၀သိန်း ပေးလျှော်ပြီးမှ သွားရမယ်လို့ သတ်မှတ်ထားပါတယ်။ ဆယ်သိန်းဆိုတဲ့ငွေက အထူးကုဆရာဝန်ကြီးတွေ၊ ဆေးခန်းကြီးတွေမှာ လူနာလက်မလည်အောင် ကြည့်နေရတဲ့ ဆရာဝန်ကြီးတွေအတွက် မပြောပလောက်တဲ့ ငွေဆိုပေမဲ့ ကျွန်မတို့လို ကျောင်းပြီးခါစ ဆရာဝန်ပေါက်စတွေ အတွက် ကျတော့ မတတ်နိုင်လောက်တဲ့ငွေကြေးပါ။ ကျွန်မက ၂၀၁၁ခုနှစ်မှာဘွဲ့ ရတာပါ။

၂၀၁၀ခုနှစ်အလုပ်သင် ဆရာဝန်ဆင်းတော့လခက တစ်လကို (၁၁၇၅ကျပ်) ပဲရ တယ်။ သွားထုတ်တဲ့ ခရီးစားရိတ်နဲ့ မကာမိလို့ တစ်ခါတစ်လေ သွားတောင်မထုတ် ဖြစ်ဘူး။ ဆရာဝန်တိုင်းကလဲ အထက်တန်းလွှာ၊ လူဂုဏ်တန် တွေရဲ့သားသမီးတွေမှ မဟုတ်ကြတာ။ မိဘကပံ့ပိုးမပေးနိုင်တဲ့ ပညာကို ကုပ်ကပ်ကြိုးစားပြီး ဆရာဝန်တွေ အများကြီးပါ။ ဆေးကျောင်းတက်တဲ့တောက်လျောက် Guide လုပ်ပြီး စာအုပ်ဖိုးနဲ့ ကျူရှင်လခကိုရှာ၊ ကျောင်းပြီးပြန်တော့လဲ နိုင်ငံတော်က နှစ်နှင့်ချီပြီး အလုပ်မပေးနိုင်၊ ကိုယ်ပိုင်ဆေးခန်းဖွင့်ဖို့ အရင်းအနှီးမရှိ၊ ပုဂ္ဂလိက ဆေးရုံတွေ ပေးတဲ့လစာကလည်း အများဆုံး ၁သိန်း၂သောင်းနဲ့ ၁သိန်း၈သောင်း ပဲဆိုတော့ စားဝတ်နေရေးက အတော်ကို ခက်ခဲပါတယ်။

 နိုင်ငံခြား အလုပ်အကိုင်တွေ၊ နိုင်ငံခြား တက္ကသိုလ်တွေက ဘွဲ့လွန်တက်ရောက်ဖို့ 
ပညာသင်ထောက်ပံ့ကြေး (scholarship) ပေးရင်တောင် ဒီ၁၀သိန်းကို မပေးနိုင်လို့ သွားခွင့်မရှိဘူးဆိုတော့ ကျွန်မတို့လို နွမ်းပါးတဲ့ လူငယ်ဆရာဝန်တွေအတွက် အင်မတန် နစ်နာပါတယ်။ မြန်မာပြည်မှာ တခြားတက္ကသိုလ်တွေရဲ့ EC  Education Clearanceက သောင်းဂဏန်းပါဘဲ၊ ဆရာဝန် တွေကို ၁၀သိန်းလို့  အဆတစ်ရာ ကွာခြားသတ်မှတ်ထားပေမဲ့ အထူးကုမဟုတ်တဲ့ ဆရာဝန်တစ်ယောက် ရဲ့ တစ်လ၀င်ငွေဟာ ငွေကျပ် ၂သိန်းထက်မပိုပါဘူး။ ဒီ၂သိန်းဆိုတဲ့ ငွေကနေစားရိတ်နဲ့ စားစရိတ်ကို လောက်ငှဖို့ တောင်အနိုင်နိုင်ပါ။ မပြေလည်တဲ့၊ ဆင်းရဲတဲ့ ဆရာဝန်တွေရဲ့ အနာဂတ်လမ်းကို ပိတ်လိုက်သလိုပါပဲ။

ယခုကိစ္စကိုသက်ဆိုင်သူ၊ တာဝန်ရှိသူ တွေအနေနဲ့ ထိထိရောက်ရောက်ကူညီ ဆောင်ရွက်ပေးစေ လိုပါတယ်။ ဆရာဝန်တိုင်း အခက်အခဲမရှိ ပေးဆောင်နိုင်မဲ့ EC ပမာဏကို ပြောင်းလဲ သတ်မှတ်ပေးဖို့ လူငယ်ဆရာဝန်အားလုံးရဲ့ ကိုယ်စားတောင်းဆိုအပ်ပါတယ်။

အနာဂတ်လမ်း ပိတ်နေတဲ့ လူငယ်ဆရာဝန်များ... 

ခရီးသွားလာနေသည့် အချိန်အတွင်း ရောက်ရှိလာသော ပေးပို့ တိုင်ကြားစာများအား အချိန်နဲ့ တပြေးညီ ဖော်ပြမပေးနိုင်မှုအား အနှူးအညွတ်တောင်းပန် အပ်ပါသည်..။

ဒီမိုဝေယံ