NARUSE CHU GAKO ကျောင်းနဲ့ အနီးအနားမှာရှိတဲ့ အိမ်တွေ ဆူနာမီကြောင့် ပျက်စီးတဲ့ပုံတွေ (ကားတွေက ကျောင်းရှေ့မှာ လာစုပုံနေတယ်)
ပြီးခဲ့တဲ့ အဂါင်္နေ့က မြန်မာစေတနာရှင်များနဲ့ ဂျပန်အလှူရှင်များမှ လှူဒါန်းတဲ့ ၁၀တန်ကား တစ်စီးစာ ခေါက်ဆွဲခြောက် အထုပ် ၅၀၀၀ကျော်၊ ရေနံ၊ ဒီဇယ်၊ ဓါတ်ဆီ၊ လီတာ၈၀၀၊ ဆေးဝါး အ၀တ်အထည် ခြုံစောင် အခြားပစ္စည်းမျိုးစုံတွေကို ဆူနာမီဒဏ် ခံခဲ့ရတဲ့ nobiru , miya ko shima , oonagawa မြို့သုံးမြို့သို့ မြန်မာတစ်ဦးနဲ့ ဂျပန်၅ဦးတို့မှ ကိုယ်တိုင်ကိုယ်ကျ သွားရောက် လှူဒါန်းခဲ့ပါတယ်။ အဆိုပါ သွားရောက် လှူဒါန်းရာမှာ ပါဝင်လုပ်ဆောင်ပေးခဲ့တဲ့ ကိုစိုးနိုင်မှ ပေးပို့လာတဲ့ သတင်း၊ မှတ်တမ်း ဓာတ်ပုံများ ဖော်ပြလိုက်ပါတယ်..။
NOBIRU AZA YAMAGISHI မီးသတ်စခန်းလေး
ကျွန်တော်တို့ NOBIRU AZA YAMAGISHI မီးသတ်စခန်းလေးမှာ ဆယ်တန်ကားတစ်စီးစာ ပါလာတဲ့ ပစ္စည်းတွေကို nobiru , miya ko shima , oonagawa မြို့သုံးနေရာစာအတွက် ခွဲဝေပါတယ်။ ပစ္စည်းတွေက ခေါက်ဆွဲခြောက် အထုပ် ၅၀၀၀ကျော် ရေနံ ဒီဇယ် ဓါတ်ဆီ လီတာ800 ဆေးဝါး အ၀တ်အထည် ခြုံစောင် အခြားပစ္စည်းမျိုးစုံပဲ လိုအပ်တာနဲ့ ကိုယ်ပေးလိုက်နိုင်တာ မကာမိပါဘူး။ ခေါက်ဆွဲခြောက်ထုတ် ၅၀၀၀ကျော်နဲ့ ၁၀တန်ကားက မြန်မာစေတနာရှင်တွေရဲ့ အလှူပါ။ မလောက်ငမှုကတော့ နာဂစ်အတိုင်းပဲ တခုပဲထူးတယ် အာဏာပိုင်တွေက အစစအရာရာ ကူညီဖေးမပေးတယ်ဗျ။ ဟု ကိုစိုးနိုင်မှ ပြောပြပါတယ်..။
မြင်တွေ့ရတဲ့ မြင်ကွင်းတွေအရ ဆိုရင် နာဂစ်နဲ့ ကွာခြားတာကတော့ ယူနီဖောင်းတကားကား ခြေကားရား လက်ကားရာနဲ့ ဟန်ရေးပြနေတဲ့ ပုဂ္ဂိုလ်တွေကို မြင်တွေ့ရခြင်း မရှိပါဘူး။ ဆက်လက်ပြောဆိုရာမှာတော့ "
နေရာတိုင်းမှာ လှူသမျှပစ္စည်း အစိုးရကလှူလှူ ကျနော်တို့လို အလှူရှင်တွေကပဲ လှူလှူ သူတို့က လက်ခံပါတယ်။ ပြီးမှ ခွဲဝေပေးတယ် မြို့မိမြို့ဖတွေပေါ့.. အစိုးရတာဝန်ရှိသူတွေက ဦးစီးတာ မဟုတ်တာကတော့ သေချာတယ်။"
နာဂစ်မုန်တိုင်း တိုက်ခတ်ပြီး ရက်သတ္တပတ် တော်တော်ကြတဲ့ အထိ မြန်မာပြည်မှ အာဏာပိုင်ဆိုသူများမှ ကိုယ်တိုင် မြေမြုပ်သိမ်းဆည်းခြင်း မရှိသည့်အပြင် မြစ်များ၊ လယ်ကွင်းများနဲ့ နေရာဒေသအနှံအပြားမှာ သေဆုံးသူတွေရဲ့ ရုပ်အလောင်းများအား ပစ်စလက်ခတ် ပရမ်းပတာ စွန့်ပစ်ထားခဲ့ကြတာ အားလုံး မှတ်မိကြဦးမှာပါ။ ဒါ့အပြင် မြေမြုပ်သဂြိုလ်ပေးတဲ့ စေတနာ့ ဝန်ထမ်းများအားလည်း ဖမ်းဆီးအရေးယူ ထောင်ချခဲ့တဲ့ အထိ လုပ်ဆောင်ခဲ့ကြပါတယ်...။
ထိုကဲ့သို့သော အခြေအနေမျိုး သွားရောက်ခဲ့ရာမှာ မြင်တွေ့ရခြင်းရှိမရှိ မေးမြန်းခဲ့ရာမှာတော့... "
ဂျပန်ဆူနာမီဒဏ်ခံ တဲ့ ဒေသမြင်ကွင်းက ဗမာပြည်နဲ့ကွာတာ လူသေအလောင်း ပိုးလိုးပက်လက်တွေ လုံးဝကိုမရှိတာပါပဲ တာဝန်ရှိသူတွေက တာဝန်ရော စေတနာနဲ့ ကိုပါလုပ်တယ် လူပျောက်တွေ သတင်းပို့ဖို့ ကြေညာတာလည်းအမြဲပဲ... လိုက်လဲရှာနေကြတာပဲ..။ မြစ်ရိုးချောင်းရိုး တလျှောက်မှာ ဆယ်ယောက် ငါးယောက်အဖွဲ့တွေခွဲပြီး ပိုက်စိပ်တိုက်ရှာကြတယ်။ ပါတ်ဝန်းကျင်က လူတွေကလည်း သွားရင်းလာရင်း ရှာကြတယ်။ ဂျပန်စစ်တပ်ကလည်း သူတို့ရှာမယ် ကယ်ဆယ်မယ် သေချာတယ်ဗျ.. ကျနော်ထင်တယ် တပ်မတစ်တပ်စာ ထက်တောင်များဦးမယ် တစ်ကီလိုမီတာလောက် ကွင်းထဲမှာ စစ်ကားကအပြည့်ပဲ။"
နာဂစ်မုန်တိုင်း အပြီးလမ်းမပေါ်မှာ လဲကျပြိုကျနေတဲ့ သစ်ပင်တွေ၊ ဓာတ်တိုင်တွေကြားမှာ မြန်မာပြည်သူတွေနဲ့ သံဃာတော်တွေမှ ကိုယ့်အားကိုယ်ကိုး ခုတ်ထွင်ရှင်းလင်းပြီး လမ်းဖြစ်အောင် လုပ်ခဲ့ရတာပါ.. နောက်ပိုင်းမှာ ယူနီဖောင်းဝတ်တွေ အစိမ်းရောင်ဝတ်တွေက တီဗီဖန်သားရှေ့မှာ ဟန်ရေးတပြပြ ဓားမကိုယ်စီ၊ ပေါက်တူး၊ ဂေါ်ပြားကိုယ်စီနဲ့ မှတ်တမ်းတင်ခဲ့ ကြပါတယ်... ကိုစိုးနိုင်ပြောပြတဲ့ ဂျပန်နိုင်ငံမှာ လယ်ကွင်းထဲထိ ကားလမ်းရှိတဲ့ ဆူနာမီဒဏ်ခံခဲ့ရတဲ့ ဒေသတွေက လမ်းပန်း ဆက်သွယ်ရေး အခြေအနေကတော့ "
ယန္တယားကားမျိုးစုံနဲ့ (စစ်ရောင်နဲ့ကားချည်း) ကားလမ်းကို မောင်းလို့ ရအောင်လုပ်တာ စစ်တပ်ဖြစ်ဖို့များတယ်။ နည်းတာမဟုတ်ဘူး ဂျပန်မှာ ကားလမ်းက နေရာတိုင်းရှိတာလေ.. လမ်းတိုင်း ကိုရှင်းနေတာပဲ လမ်းဘေးမှာ လမ်းပေါ်တင်ခဲ့တဲ့ အမှိုက်တွေ ရှင်းပြီး ပုံထားတာ တောက်လျောက်ပဲ "
ကိုစိုးနိုင်။....။ " ဆီအခက်အခဲကြောင့် ဆန်းဒိုင်မှာ ကားတွေတန်းစီနေရတာ ဆီဆိုင်တခုကို ကားတန်းအရှည် တစ်ကီလီမီတာလောက်ရှည်တယ် ညအိပ်စောင့်ပြီး တန်းစီရတယ် တချို့နေရာတွေမှာ ဆိုင်ကယ်ကားတွေ မောင်းလာဖို့တောင် ဆီမရှိလို့ လက်ကိုင်ဆီတိုင်ကီလေးတွေနဲ့ လူတွေတန်းစီရတယ် အထူးသဖြင့် ဆိုင်ကယ်တွေပေါ့..။ "
ဆူနာမီရေလှိုင်းတွေ ဝင်လာတော့ တီဗီမှာ ပြသွားတဲ့ မြင်ကွင်းတစ်ခုက အနောက်မှာ လှိုင်းတွေ ရေတွေလာနေပြီ.. ရှေ့မှာကားတန်းကြီးက ပိတ်နေတယ်.. အသက်အန္တရာယ် ကြုံတွေ့နေရတာတောင် ဘယ်သူမှ ကျော်တက် မောင်းပြေးတာမျိုးမရှိပဲ စည်းကမ်းရှိရှိ တန်းစီပြီး စောင့်နေကြတဲ့ မြင်ကွင်းကတော့ လက်ဖျားခါရပါတယ်..။ ကြည့်ရတဲ့သူတွေတောင် ရင်တမမလေ...
ဒီလို ဆယ်တန်ကား ပစ္စည်းအပြည့်နဲ့ သွားရောက် လှူဒါန်းခဲ့ကြတာပါ...။
မြန်မာလူမျိုးတွေရဲ့ စေတနာ သဒ္ဒါတရားထက်သန်ပုံတွေပါ..။ ကိုယ့်တိုင်းပြည်မှာတော့ အစိုးရဆိုသူတွေက ကိုယ်ကလည်းမလှူ လှူတဲ့လူကိုလည်း ဘယ်အဖွဲ့အစည်း နာမည်တပ်လှူမှဆိုသလို လှူတဲ့ပစ္စည်းကိုလည်း အလွဲသုံးစားလုပ်..။ ပြီးတော့ ဟိုလက်ညိုးထိုး ဒီလက်ညိုးထိုး စေတနာကမပါ...ပြည်သူပေးတဲ့ အခွန် ပြည်သူကျွေးတဲ့ ထမင်းစားပြီး ပြည်သူကို အခိုင်းအစေလို မတူမတန်သလို မြင်နေတာလေ....
မြန်မာတွေ လှူတဲ့ မီးစက်ပါ မီးစက်နဲ့ ဓာတ်ဆီလာရောက် လှူဒါန်းတဲ့ အတွက် အထူးဝမ်းသာသွားကြတယ်လို့ ဆိုပါတယ်။ လှူဒါန်းတဲ့သူတွေလည်း ဝမ်းသာ ပီတိဖြစ်ကြရပါတယ်တဲ့။ ဆူနာမီဒဏ်ကြောင့် အဆိုပါဒေသတွေမှာ လျှပ်စစ်မီးတွေ ပြတ်တောက်နေပါတယ်..။
မြန်မာပြည်မှာလည်း နေ့စဉ် ဆူနာမီဒဏ်ကြောင့် မီးတွေ အလှည့်ကျ ပေးနေပါတယ်..။ စစ်အစိုးရကလည်း နေ့စဉ် သတင်းစာတွေထဲမှာ မီးတွေပေးနေပါတယ်..။ ရေစိုခံ သတင်းစာကြောင့် သတင်းစာထဲမှာ မီးတွေရနေပါတယ်...။
ကိုစိုးနိုင်။...။ MIYAKOSHIMA တံငါရွာကို မော်တော်နှစ်စီးနဲ့ ပစ္စည်းပို့တဲ့ပုံတွေ (အဲဒီ့ရွာမှာ လူဘယ်လောက် ရှိတယ်မသိဘူး ကျန်တာ ၈၀၀လောက်ပဲကျန်တယ် စောင်မလောက်လို့ ကျနော်တို့အတွက် ယူသွားတဲ့ စောင်တွေတောင် ပေးလိုက်ရတယ် အဲ့ဒီအထိ လိုက်မသွားနိုင်ဘူး လိုက်လို့လဲ မရဘူးလေ ကိုယ့်ကြောင့် ဝန်ထုပ်ဝန်ပိုး ဖြစ်မှာလဲဆိုးလို့ အနေအစား ဆင်းရဲတယ် .. လိုက်သွားတဲ့ နှစ်ယောက်ပြောတာ သခွားသီးတလုံးပဲ စားခဲ့ရတယ်တဲ့)
လှေပေါ်မှာ အကျီအ၀ါနဲ့တယောက်ပါသွားတာ တွေ့တယ် မဟုတ်လား.. သူက ခေါင်းဆောင် သူမွေးတဲ့ရွာကျွန်တော်တို့ သွားတဲ့ ၆ယောက်ထဲကပေါ့... MOUMA SAN လို့ခေါ်တယ်..။သူက အဲဒီနယ်ရဲ့ ဆာမူရိုင်း ခေါင်းဆောင်မျိုးရိုးရဲ့ ၁၈ဆက်မြောက် မျိုးဆက်ပေါ့။
သူ့နယ်အတွက် သူ့မှာ တာဝန်ရှိတယ်ဆိုပြီး သူသိတဲ့သူတွေဆီက အလှူခံပြီးသွားပို့တာလေ..။
သဘောင်္တွေ ကားလမ်းမမှာ ပါကင်လာထိုးပြီး ကားတွေကတော့ ရေဆင်းချိုးကြတဲ့ ဆူနာမီရဲ့ မြင်ကွင်းတွေ
ကိုစိုးနိုင်။....။ SHIOKAMA မြို့မှာ ကားလမ်းပေါ်အထိ သင်္ဘောတွေ ရောက်နေတယ်..။ SHICHIGAHAMA မြို့မှာ ရေက လေးမီတာလောက် အထိရောက်လာပြီး ကားကွင်းတွေက ကားတွေ ၉၈ရာနှုန်းလောက် ပျက်ဆီးကုန်တယ်..။ ISHINOMAKI DAIGAKU မှာ ကယ်ဆယ်ရေးစခန်းဖွင့်ထားတယ် စစ်ကားတွေက ကျောင်းဘေးနားမှာ စခန်းချပြီး ကယ်ဆယ်ရေးလုပ်ငန်း လုပ်ပေးတယ်။
လယ်မြေတွေထဲ ပင်လယ် ရေတွေဝင်တော့ စိုက်ပျိုးရခက်မှာ ကတော့ ဗမာပြည်အတိုင်းပဲ သူတို့ဘယ်လို ဖြေရှင်းမယ်ဆိုတာသာ မသိသေးတာ..။
သတင်း၊ ဓာတ်ပုံနဲ့ သတင်း ပေးပို့ပြောပြပေးတဲ့ ကိုစိုးနိုင်နဲ့ လှူဒါန်းခဲ့တဲ့ မြန်မာ၊ ဂျပန်စေတနာရှင်များအား အထူးကျေးဇူးတင်ပါသည်...။
မှတ်တမ်း ဓာတ်ပုံများ..
ဂျပန်ပြည်တွင်းက ဆူနာမီဒဏ်ခံရတဲ့ ဒေသက မြင်ကွင်းဓာတ်ပုံတွေပါ.. မြန်မာပြည်ကနာဂစ် မုန်တိုင်းဒဏ်ခံရတဲ့ ပြည်သူတွေနဲ့ ဂျပန်ပြည်သူတွေရဲ့ အစိုးရတွေ ကိုင်တွယ်ပုံချင်း ယှဉ်ကြည့်နိုင်ပါတယ်.။ ဆင်းရဲ ချမ်းသာ ကွာခြားတာထက် စိတ်ဓာတ်၊ စေတနာ၊ တာဝန်သိတတ်မှု၊ လူကိုလူလိုသိတဲ့ အစိုးရနဲ့ ဘယ်သူတေတေ ငတေမှာ ပြီးရော တာဝန်ယူလိုမရှိ၊ လူစိတ်မရှိ၊ အာဏာနဲ့ ငွေကိုသာသိတဲ့ အစိုးရရဲ့ ကွာခြားချက်တွေပါ..။ ဒါတောင်မှ နာဂစ်မှာ စစ်အစိုးရက လှေတွေလှူတဲ့ အကြောင်းကို မော်ကွန်းဝင် သခင်ကြီးတစ်ယောက်က သတင်းစာမှာ ချီးမွမ်းခန်း ဖွင့်လိုက်ပါသေးတယ်..။ အခုလည်း တာချီလိတ် တစ်ဝိုက်မှာ ငလျင်လှုပ်လို့ ပျက်ဆီးမှုတွေ အသက်ဆုံးရှူံးမှုတွေ ပြည်သူတွေ ကြုံတွေ့နေရပြန်ပါပြီ..။ သတင်းတွေ အမှောင်ချ ပွင့်ပွင့်လင်းလင်း မဖော်ပြပဲ သမန်ကာလျှံကာမျှသာ ဖော်ပြနေပါတယ်..။ လိုအပ်ချက်တွေ ကယ်ဆယ်ရေးတွေ ဘာမှမသိရတဲ့ အတွက် အဖြစ်မှန်တွေကို သိခွင့်မရဖြစ်နေပါတယ်..။ တစ်ပြာဖိုးလုပ်ပြပြီး တစ်ထောင်ဖိုးလောက် အမှတ်ယူပါတော့မယ်..။ ငလျင်ဒဏ်ခံနေရတဲ့ ပြည်တွင်းက ဒုက္ခရောက်နေကြတဲ့ မြန်မာပြည်သားတွေ အတွက် ပြည်ပမီဒီယာများမှ တတ်နိုင်သလောက် အများသိအောင် ဖော်ပြပေးကြပါလို့ တိုက်တွန်းနှိုးဆော် လိုက်ရပါတယ်..။
