ဒီမိုဝေယံ သို့ ပေးပို့သော တိုင်ကြားစာများ သတင်းများ ကို microsoft word ဖိုင်များဖြင့် ပေးပို့ပေးပါရန် လေးစားစွာတောင်းပန်အပ်ပါသည်။ ပေးပို့လာသော စာများကို အချိန်မှီဖော်ပြပေးနိုင်ရန်ကြိုးစားပါမည်။

ဖေဖော်ဝါရီ ၆ရက်နေ့ တောင်ကြီး မြို့မဈေးကြီးတွင် မီးလောင်မှု ဖြစ်ပွား...

ဖေဖော်ဝါရီ ၆ ရက်နေ့၊နေ့လည် ၃း၁၀ မိနစ်တွင် တောင်ကြီးမြို့ ၊ဗိုလ်ချုပ်အောင်ဆန်းလမ်းပေါ်ရှိ မြို့မ သုံးထပ်ဈေးကြီးတွင် မီးလောင်မှု တစ်ခုဖြစ်ပွားခဲ့ကြောင်း သတင်းရရှိသည်။ ဖြစ်ပွားပုံမှာ ဇန်န၀ါရီ ၄ ရက်နေ့က စတင်ဖွင့်လှစ်ထားသည့် သုံးထပ်တိုက်အပေါ်ဆုံးတိုက်ရှိ မြတ် ဈေးဝယ်စင်တာ (ယခင် ကျောက်ဝိုင်နေရာဟောင်း) တွင် ဆိုင်ဖွင့်ရောင်းချရန်ပြင်ဆင်နေသည့် အထည်ဆိုင် မှ ၀ရိန်ဆော်ရာမှ ထွက်ရှိလာသည့် မီးစ ၊မီးပွားများ အနီးရှိ တာပင်တိုင် ပုံးတွင်းသို့လွင့်စင်ရာမှ မီးထလောင်ခဲ့ခြင်းဖြစ်ကြောင်း ဆိုင်ရှင်ဖြစ်သူ ကပြောသည်။

 ဈေးဝယ်စင်တာသည် ဈေးအပေါ်ဆုံထပ်တွင်တည်ရှိကြောင်း၊ မီးလောင်မှုဖြစ်ပွားသည်ကို သိလျှင်
 သိခြင်း အခြားဆိုင်ခန်းမှ ဈေးသူ၊ဈေးသားများကလန့်ပြီး အောက်ထပ်ဆင်းရန် လှေကားမှ အလုအယှက်ဆင်းကြသည့်အတွက် ညပ်ပိတ်မှုများရှိကြောင်း မျက်မြင်ဆိုင်ခန်းပိုင်ရှင်များက ဆိုသည်။ အဲကွန်းဖွင့်ထားခြင်း၊ မှန်ကာဆိုင်ခန်းများ ဖြစ်ခြင်း ဖြစ်သည့်အတွက် မီးခိုးများ အပြင်ဘက်သို့မထွက်နိုင်ကြောင်း ၊ ပြတင်းမှန်များ ၊မျက်နှာကျက်ဘေးရှိ မှန်များ ရိုက်ခွဲခဲ့ရကြောင်း ဈေးမိ၊ဈေးဖ အဖွဲ့ဝင်များကပြောသည်။

 မီးလောင်ကျွမ်းခြင်း ဖြစ်ဖြစ်ခြင်း မီးသတ်ဦးစီးဌာနသို့ ဖုန်းဆက်ခဲ့ကြောင်း ၊ မီးသတ်ကား ရောက်ရှိလာသော်လည်း ရေပါမလာကြောင်း၊ ရေမပါလာသဖြင့် ဈေးမီးသတ် ရေလှောင်ကန်မှ
 ရေများဖြည့်ရာ ၁၅မိနစ်နှင့်လည်း ရေမပြည့်လာ၊ နာရီဝက်ဖြင့်လည်း ရေမပြည့်လာ အချိန်အတော်ကြာကြောင်း၊ မီးသတ်ကား ၀င်ရောက်လာရာ လမ်းတလျှောက်တွင်လည်း ပျံကျဈေးသည်မျာဖြင့် ပိတ်နေသဖြင့် ခက်ခက်ခဲခဲ အချိန်ယူဝင်ရောက်ရကြောင်း၊ မီးသတ်ရေလှာင်ကန် အနီးတွင်ပင် ပျံကျဈေးဆိုင်ခန်းများ ပြည့်နေကြောင်း ၊ စည်ပင်မှ ခွင့်ပြုပေးထားသည့်အတွက် မိမိတို့ အနေဖြင့် ဘာမှမပြောလိုကြောင်း၊ သို့သော်လည်း စနစ်တကျ ဖြစ်သင့်ကြောင်း ၊ မီးလောင်ရာနေရာသည် ဈေးအပေါ်ဆုံးထပ် ဖြစ်နေသည့်အတွက် မီးသတ်ကား မတက်နိုင်ကြောင်း ၊ တက်ရန်လှေကားလည်း မီးသတ်ကားတွင်မပါလာကြောင်း မျက်မြင် ဈေးမိ၊ဈေးဖ အဖွဲ့ဝင်များကပြောသည်။
  လောင်ကျွမ်းချိန် မိနစ် ၂၀ခန့်သာကြာမြင့်ကြောင်း ၊ မှန်လုံခန်းများ ဖြစ်နေသည့်အတွက် မီးခိုးများအူနေကြောင်း၊ ထိခိုက်ဒဏ်ရာရရှိသူ မရှိကြောင်း ဈေးသူ၊ဈေးသားများကပြောသည်။ ယင်းဖြစ်စဉ်နှင့်ပတ်သတ်ပြီး ပျက်ဆီးဆုံးရှုံးမှု တန်ဖိုးအား မီးသတ်ဦးစီးဌာနသို့မေးမြန်းရာ ပျက်စီးမှု စုစုပေါင်း တန်ဖိုး ကျပ်သုံးသောင်းသာရှိကြောင်း အမည်မဖော်လိုသူ တာဝန်ရှိသူတစ်ဦးက ပြန်လည်ပြောကြားသည်။

 မီးလောင်ကျွမ်းမှုဖြစ်စဉ်အား တောင်ကြီးမြို့ အမှတ်(၁) ရဲစခန်း မှ ၀ရိန်ဆော်သူ ကိုရဲထွန်းနိုင် အား (ပ) ၃၃/၂၀၁၃ ပြစ်မှုပုဒ်မ ၂၈၅ ဖြင့်အမှုဖွင့် အရေးယူထားကြောင်း သိရှိရသည်။

 ဂျွန်ချစ်ငြိ်မ်း(တောင်ကြီး) 

ရတနာပေးပို့သည်...။