ဗိုလ်ချုပ်အောင်ဆန်း ပြန်လာပြီ (အပိုင်း ၁)(ကဗျာရှင် ခရမ်းပြာထက်လူ)
(အပိုင်း ၁)
(ကဗျာရှင် ခရမ်းပြာထက်လူ)
ဗိုလ်ချုပ်အောင်ဆန်းဟာ
သွေးအိုင်ထဲက ပြန်ထလာတယ်။
ဒီလိုမှန်းသိ
ဒီလွတ်လပ်ရေးအကြောင်း ငါမတွေးခဲ့ပါဘူး
ဘိုကေကို ကျကျနနဖြီး အိုင်စီအက်စ် လေဟုန်မှာ စီးနေခဲ့မှာပေါ့။
ဒီလိုမှန်းသိ
ငါဟိုင်နန်ကျွန်းမှာ ဒုက္ခရစရိယာ သွားမကျင့်ခဲ့ပါဘူး
ဘန်ကောက်လုံချည် တရွှမ်းရွှမ်း ပိုးအကျီ တိုက်ပုံအလွမ်းစားနဲ့
ငါ.. ကောင်မလေးတွေရှေ့ လေကလေးချွန် ဖြတ်လျှောက်နေမှာပေါ့။
ဒီလိုမှန်းသိ
ဒီလိုမှန်း မသိခဲ့တာတွေ စုစည်းခေါင်းစဉ်တပ်
ဒန်တေရဲ့
ငရဲခန်း ကမ္ဘာကျော် ကဗျာရှည်ကြီး တစ်ပုဒ်
စောင့်ရေးခဲ့မှာပေါ့လို့ ရင်ထုမနာပြောရင်း။
ကျုပ်ပြောခဲ့သားပဲ
အာဏာနိုင်ငံရေးနဲ့ ကျုပ်မဖြစ်ပါဘူးလို့
ခုကျုပ်ဒီအရပ်မှာ လက်ပိုက်ပြီး ရယ်နေရပြီ၊ ကျုပ်ပြောခဲ့တဲ့ အတိုင်း။
ကျူပ်ပြောခဲ့တဲ့ အတိုင်း
" ပြဲနေအောင်လုပ်ကာမှ တော်ကာကျမယ်"
ဒီထက်မှန်တဲ့ ဟောစာတမ်း တွေ့ဖူးလား
ဖာသည်နိုင်ငံကြီး ဖြစ်သွားမယ်
ဒီနှစ်သင်္ကြန်မှာရော သိကြားမင်း ဘာကိုင်ဆင်းလာမလဲ
ကျုပ်ပြောမယ်..
ကျည်ဆန်နဲ့ မီးတောက် ဒါကလွဲပြီး ဘာရှိဦးမလဲ။
ကျုပ်ပြောခဲ့တာပဲ
ဒါကြောင့် ကျုပ်ကို တချို့က ဘုရားလို့တောင် ထင်ခဲ့ကြသေး။
ပထမတော့ အဲ့ဒီဓားပေါ်တင်ခဲ့တဲ့ ကျုပ်လက်ဟာ
ဂျပန်စစ်သေနာပတိကြီး ဗိုလ်မှူးကြီး ဆူဇူကီးအတွက်ပဲ
ခုတော့ ဒီဓားဟာ အေဗရာဟင် လင်ကွန်းရဲ့ ပုဆိန်ဖျားမှာ
ဗန်ပိုင်းယားတွေ သွေးတွေ ဖြာဆင်းသွားသလို
ဒီဓားဟာ
ကျုပ်နဲ့ ကျုပ်တိုင်းပြည်ကို မျှဉ်းမျှဉ်းသတ်နေတဲ့
ဒင်းတို့အတွက် ဖြစ်တော့မယ်။
ငါ့မျက်နှာကိုလည်း အိုးမည်းသုတ်ခဲ့တယ်
အိမ်ကြက်ချင်းကိုလည်း အိုးမည်းသုတ် ခွပ်ခိုင်းခဲ့တယ်။
မှောင်နေတဲ့ တိုင်းပြည်ကိုတော့
ကန်းသွားအောင် တစ်ခါတည်း
ခါးကသေနတ် ဆွဲထုတ် တည့်တည့် ပစ်ချလိုက်တော့တယ်။
ဒုတ်ခနဲ ဒုတ်ခနဲ ဒုက္ခကျည်ဆန်တွေ ပစ်သွင်းနေတဲ့အသံ
ငါ့ဆီ ပျံသန်းလာနေတယ်
ငါကြားတယ်ဟေ့ ငါကြားနေရတယ်။
မြို့ကြီးတွေ မီးလောင် ယမ်းငွေ့တွေ ဖုံးလွှမ်း
လူသေတွေ ပြာကျငါတွေ့.. တွေ့နေရတယ် ငါသားတို့
အိမ်ထောင်စု ဇယားထိပ်က အဖေ့နာမည်ကို ဖြုတ်ရခဲ့သူတို့
အဖေမပေါ်ဘဲ မွေးခဲ့သူတွေကို အထင်ခံခဲ့ရတာကို
ဂုဏ်ယူတဲ့အထိ ရဲရင့်ခဲ့သူတို့။
ခရမ်းပြာထက်လူ
ဗိုလ်ချုပ်အောင်ဆန်း ပြန်လာပြီ
(အပိုင်း ၂)
ဆက်လက် ဖော်ပြပါမည်။
ဒီမိုဝေယံ
