ဒီမိုဝေယံ သို့ ပေးပို့သော တိုင်ကြားစာများ သတင်းများ ကို microsoft word ဖိုင်များဖြင့် ပေးပို့ပေးပါရန် လေးစားစွာတောင်းပန်အပ်ပါသည်။ ပေးပို့လာသော စာများကို အချိန်မှီဖော်ပြပေးနိုင်ရန်ကြိုးစားပါမည်။

စစ်ကိုင်းမြို့မှ ကိုယ်ကျိုးရှာ ယာဉ်ထိန်းရဲနှင့် နိုင်ငံတော်ပိုင် လျှပ်စစ်အား မသမာကိုယ်ကျိုးရှာ ရောင်းစားနေမှုအကြောင်း (တိုင်ကြားစာ)


စစ်ကိုင်းမြို့မှ ကိုယ်ကျိုးရှာ ယာဉ်ထိန်းရဲများနှင့် နိုင်ငံတော်ပိုင် လျှပ်စစ်အား မသမာကိုယ်ကျိုးရှာ ရောင်းစားနေမှုအကြောင်း 
(ယနေ့ ဒီမိုဝေယံသို့ တိုင်ကြားစာ)

စစ်ကိုင်းမြို့ရှိ မြို့မဈေးအရှေ့ လမ်းဆုံရှိ မော်တော်ပီကယ် လက်ပြတိုင်
အနီးတွင် စည်ပင်သာယာမှနေရာချထား
သတ်မှတ် ငှားရမ်းထားသော
ဒံပေါက်ဆိုင်သည် ညလုံးပေါက် ဘောလုံးပွဲများပြသနေသည်မှာ နှစ်ချီနေပြီဖြစ်ပါသည်။
 ဆိုင်အသုံးပြု လျှပ်စစ်မီးများအပြင် စလောင်းစက်များကိုပါ တပ်ဆင်ပြသနေသော ဆိုင်ဖြစ်ပါသည်။

၎င်းဆိုင်သည် တရားဝင်လျှပ်စစ်မီတာ လုံးဝမရှိဘဲ
လမ်းဆုံရှိ မီးပွိုင့်မှ လျှပ်စစ်မီးကိုအကျင့်ပျက်၊ ကိုယ်ကျိုးရှာ အလွဲသုံးစားလုပ်နေသော ယာဉ်ထိန်းရဲတပ်ဖွဲ့ဝင်အချို့နှင့် ပူးပေါင်းကာ လျှပ်စစ်မီးကို တိုက်ရိုက် သုံးစွဲနေသောဆိုင် ဖြစ်ပါသည်၊
ယာဉ်ထိန်းတပ်ဖွဲ့မှ အကြပ်ရာထူးရှိ ပေါက်စီနှင့်
ဆေးခါးကြီး (အမည်ပြောင်)တို့မှ နေပြီးယဉ်ထိန်းစောင့် အဆောက်အဦအတွင်းမှ လျှပ်စစ်မီးကြိုးထုတ်ပေးကာ အသုံးပြုခွင့်ပေးထားသည်ဟု သိရပါသည်။
ထိုသို့ ကိုယ်ကျိုးစီးပွားအတွက်
လျှပ်စစ်ဓါတ်အားကို ယခုကဲ့သို့ရောင်းချနေသော ၀န်ထမ်းများနှင့် ရယူသုံးစွဲနေသောဆိုင်အား 
သက်ဆိုင်ရာမှ ထိထိရောက်ရောက် အရေးယူပေးပါရန် အသိပေးတိုင်ကြားအပ်ပါသည်။
တာဝန်သိ ရွှေကိုင်းသား..