“ကျွန်တော်က တစ်ခုခု လုပ်လိုက်တယ်လို့ တိုက်ရိုက် စွပ်စွဲချက်မျိုးမရှိဘူး”

ABSDF (ဗဟို) ဥက္ကဋ္ဌဟောင်း ဒေါက်တာနိုင်အောင် နှင့် တွေ့ဆုံခြင်း

အစိုးရ၏ ဖိတ်ကြားမှုကြောင့် ပြည်ပရောက် နိုင်ငံရေး အင်အားစု အချို့မှ ခေါင်းဆောင်များ မြန်မာနိုင်ငံ ပြန်လာမည် ဖြစ်ရာ ၎င်းင်းတို့၏ မြန်မာနိုင်ငံ ခရီးစဉ် ဖြစ်ပေါ်လာရသည့် အကြောင်းအရင်းနှင့် အစိုးရအဖွဲ့နှင့် တွေ့ဆုံရန် အစီအစဉ်တို့ အပါအ၀င် ABSDF (မြောက်ပိုင်း) ( မြန်မာနိုင်ငံလုံး ဆိုင်ရာ ကျောင်း သားများ ဒီမိုကရက်တစ် တပ်ဦး) လူသတ်မှု အပေါ် အမြင်များကို သိရှိ နိုင်စေရန်အတွက် ယခု ခရီးစဉ်တွင် တစ်ဦး အပါအ၀င်ဖြစ်ပြီး ABSDF (မြောက်ပိုင်း) လူသတ်မှုများ ဖြစ်ပွားချိန်တွင် ABSDF (ဗဟို) ဥက္ကဋ္ဌ အဖြစ် တာဝန် ယူခဲ့သူ ဒေါက်တာနိုင်အောင်နှင့် The Voice Weekly တို့ ဖုန်းဖြင့် ဆက်သွယ် မေးမြန်း ထားသည်များမှ ကောက်နုတ် ဖော်ပြ အပ်ပါသည်။

Voice : ထိုင်းနိုင်ငံကနေ ပြန်လာမယ့် ငါးဦး ရှိတယ်လို့ သိထားပါတယ်။ ဒေါက်တာနိုင်အောင်တို့ ငါးဦးစလုံး တစ်ရက် တည်း အတူတူလာဖို့ စီစဉ် ထားပါသလား။
Dr.NA : ကျွန်တော်နဲ့ ကိုညိုအုန်းမြင့် ရယ်၊ ဒေါက်တာ သောင်းထွန်းရယ် အရင် ပြန်လာမယ်။ ၃၁ ရက်နေ့ မွန်းလွဲ ၂ နာရီ ရောက်မယ်။ ကိုအောင်မိုးဇော်က ၃ ရက်နေ့မှ ရောက်မယ်။ ကိုမောင်မောင် က ၃ ရက်နေ့မှ ဗီဇာ လျှောက်မယ်။

Voice : အခု မြန်မာနိုင်ငံ ခရီးစဉ်က အလည် သက်သက်လား။ ဘာအတွက် လာတာပါလဲ။
Dr.NA : ကျွန်တော်တို့ကို အကျိုးဆောင်တွေ ပြောကြားချက် ကတော့ သမ္မတကြီးရဲ့ဖိတ်ကြားချက်ပေါ့။ သမ္မတနဲ့ တွေ့ဖို့။ နောက် အစိုးရပိုင်းက တာဝန်ရှိသူတွေနဲ့ တွေ့ဖို့ပါ။ ကျွန်တော်တို့က ဒီမိုကရေစီ အရေးနဲ့ အမျိုးသား ပြန်လည် သင့်မြတ်ရေး အမြင်တွေ ဆွေးနွေးမှာပါ။ သူတို့က တစ်ဦးချင်း ဖိတ် တော့ တစ်သီး ပုဂ္ဂလလိုဖြစ်နေတယ်။ အဖွဲ့အစည်းကို ကိုယ်စားပြုပြီး လာတာ မဟုတ်ပါဘူး။

Voice : အခုလာမယ့်အဖွဲ့က အမေရိကကလာမယ့် ကိုမိုးသီးဇွန်တို့ရဲ့ PDM နဲ့ ညှိနှိုင်းပြီးလာတာလား၊ သီး ခြားစီလာတာလား။
Dr.NA : အကျိုးဆောင်တွေ စီစဉ် ပေးချက်အရ လာတာကတော့ သီးခြား စီပါပဲ။ ဒါပေမဲ့လို့ အစိုးရနဲ့ တွေ့ဖို့က တော့ အတူတူပဲ။

Voice : အခု ခရီးစဉ်က အစိုးရနဲ့ တွေ့ဖို့ သက်သက် ပဲလား၊ သီးခြား အစီအစဉ်တွေ ရှိပါသေးသလား။
Dr.NA : ကျွန်တော် မြန်မာနိုင်ငံ ရောက်ရင် အစိုးရ တာဝန် ရှိသူတွေနဲ့ တွေ့ဖို့လည်း ရှိတယ်။ အခြား နိုင်ငံရေး အင်အားစု တွေကိုလည်း တွေ့ဖို့ရှိတယ်။ နောက် လူမှု အသင်းအဖွဲ့ တွေကိုလည်း တွေ့ချင်ပါတယ်။ လူထု အသံတွေ၊ လူထု အခြေအနေ တွေကိုလည်း လေ့လာချင် ပါတယ်။

Voice : အစိုးရသစ် တက်လာခါစက အစိုးရရဲ့ ပြုပြင် ပြောင်းလဲမှုတွေကို သံသယ ဖြစ်တယ်လို့ ပြောတာ မျိုးတွေ တွေ့ရပါတယ်။ အခုကော အစိုးရရဲ့ ပြုပြင် ပြောင်းလဲမှုတွေကို အမှန်တကယ် ပြောင်းလဲနေပြီလို့ မြင်ပါသလား။
Dr.NA : မြန်မာနိုင်ငံ ပြင်ပမှာက နိုင်ငံရေးပဲ လုပ်နေတာဆိုတော့ ကိုယ့် တိုင်းပြည် အရေးကို စဉ်ဆက်မပြတ် လေ့လာ ဖြစ်နေပါတယ်။ သုံးသပ်မှုတွေ အမြဲတမ်း လုပ်ပါတယ်ခင်ဗျ။ အခုဟာ က သမ္မတက တွေ့ချင်တယ် လို့ဆို ထားတော့ ကျွန်တော်တို့က အပြောင်း အလဲကို သွားမယ့် အလင်းရောင်တွေ မြင်နေပြီ။ အပြောင်းအလဲအတွက် ခြေလှမ်းစနေပြီလို့ ထင်ပါတယ်။ အပြောင်းအလဲက ဘယ်သူပဲ တာဝန်ယူ လုပ်လုပ်ပေါ့။ ဒီလိုအချိန်မျိုးမှာ စိန်ခေါ် မှုတွေလည်း ကြုံနေဦးမှာပဲ။ အခက်အခဲ တွေလည်း ကြုံနေဦးမှာပဲ။ ကျွန်တော်တို့ ဘက်ကလည်း အပြောင်းအလဲကို ဒီထက် ပိုကောင်းအောင် ဘာတွေလုပ် သင့်တယ်ဆိုတဲ့ အမြင်ကို တင်ပြမယ်။ နောက် အစိုးရဘက်ကလည်း ဘာတွေ လုပ်နေလဲဆိုတာလည်း နားထောင် မယ်။ အဲဒီအထဲကမှ ဘာတွေ ပူးပေါင်း ဆောင်ရွက်သွားနိုင်မလဲ ဆိုတာတွေ ရှာဖွေ သွားရမှာပေါ့။
အပြောင်းအလဲဆိုတာ ဘက် ပေါင်းစုံ၊ ရှုထောင့်ပေါင်းစုံက ကြည့်ဖို့ လိုသလို ပါသင့် ပါထိုက်တဲ့ သူတွေပါပြီး လုပ်တော့ အမြင်ကောင်းကောင်း၊ လူအင်အား ကောင်းကောင်းနဲ့လုပ်တော့ ပိုကောင်းတာပေါ့။ တစ်ခါတလေမှာ အယူအဆ ကွဲလွဲတာတွေလည်း ရှိနိုင် တာပေါ့။ ဒါပေမဲ့ မတူတဲ့ အမြင်တွေကို လက်ခံပြီး အကောင်းဆုံး ဘယ်လို ပူးပေါင်း လုပ်မလဲ ဆိုတဲ့ ယဉ်ကျေးမှုကို ရောက်ကြပြီလား ဆိုတာတော့ စကား ပြောကြည့်မှ သိနိုင်မှာပေါ့။

Voice : တစ်လောက မောင်မောင် (ရွှေကရ၀ိတ်)ရေးတဲ့ ကျွန်တော်သိသော ခေတ်သစ် ဟင်္သာကိုးသောင်း ပုံပြင်ဆိုတဲ့ စာအုပ်မှာ ABSDF မှာဒေါက်တာနိုင်အောင် ဥက္ကဋ္ဌ တာဝန်ယူချိန် ABSDF (မြောက်ပိုင်း) မှာ လူသတ်မှုတွေ အဖွဲ့အတွင်း ဖြစ်ပေါ် ခဲ့တယ်။ ဒီအတွက် ဥက္ကဋ္ဌ တစ်ယောက် အနေနဲ့ တာဝန်ရှိတယ် ဆိုတာမျိုး ဝေဖန် တာတွေရှိပါတယ်။ ဒါနဲ့ ပတ်သက်ပြီး ဖြေရှင်း ချင်တာမျိုး ရှိပါသလား။
Dr.NA : မေးရင်တော့ ပြောချင်ပါ တယ်။ အမှန်တော့ လူနာမည် နည်းနည်း လွဲနေတာရှိတယ်။ အဲဒီအချိန်တုန်းက ကျွန်တော်က ဗဟိုဥက္ကဋ္ဌပေါ့။ ကျွန်တော် တို့ ABSDF က အကွဲအပြဲတွေ ဖြစ်နေ ချိန်ပေါ့။ အဲဒီကိစ္စတွေ အားလုံး ကျွန်တော် က ဖြစ်ပြီးမှ သိရတာပါ။ အားလုံးက ကျွန်တော်တို့ အမိန့် ကျွန်တော်တို့ ညွှန်ကြားချက်နဲ့ ဆောင်ရွက်တာမျိုး လုံးဝ မဟုတ်ပါဘူး။ ကျွန်တော်တို့ အဖွဲ့အစည်း က တတ်နိုင်သမျှ လိုက်ပြီး တာဝန်ယူရတဲ့ အပိုင်းပါ။ ကျွန်တော် ဥက္ကဋ္ဌ ဖြစ်နေချိန် မှာ ကျွန်တော် ကိုယ်တိုင် သိတာ၊ နောက် ကျွန်တော် ကိုယ်တိုင် ဆုံးဖြတ်တာ ဘာတစ်ခုမှ မရှိပါဘူး။ နောက်တစ်ခုက မြောက်ပိုင်း ကိစ္စလို ဟာမျိုးက လူ့အခွင့်အရေး ချိုးဖောက်မှုတွေ ရှိတယ်ဆိုတာ တွေကို တရားဥပဒေ စိုးမိုးချိန်မှာ လွတ်လပ်တဲ့ စုံစမ်းရေး ကော်မရှင်တွေ ဖွဲ့စည်းပြီး ပြန်လည် ဖော်ထုတ် သင့်တယ်လို့ ယူဆ ပါတယ်။ ကျွန်တော်လည်း အတတ်နိုင် ဆုံး၊ အကောင်းဆုံး ပြည့်ပြည့်၀၀ ပူးပေါင်း ပါဝင်သွားမှာပါ။ နောက် ဒီလိုလူ့ အခွင့်အရေး ချိုးဖောက်မှုတွေ ရှိတယ် ဆိုတာ သိလိုက်ရတော့ ကျွန်တော်လည်း လုံးဝ စိတ်မကောင်းပါဘူး။ ၀မ်းနည်းပါ တယ်လို့ ပြောချင်ပါတယ်။

Voice : အဲဒီ စာအုပ်နဲ့ ပတ်သက်ပြီး ပြောချင်တာ၊ စွပ်စွဲတယ်လို့ မြင်တာ ရှိပါသလား။
Dr.NA : ကိုမောင်မောင်ရေးတဲ့ အဲဒီ စာအုပ်မှာ သူသွားတဲ့ အချိန်မှာ တွေ့ခဲ့မြင်ခဲ့လို့ ရေးထားတဲ့ မြောက်ပိုင်း က လူတွေနဲ့ ပတ်သက်တာတွေတော့ ရေးတာတွေ့တယ်။ ကျွန်တော့် နာမည်နဲ့ ကျွန်တော်တို့ အဖွဲ့အစည်းက ဥက္ကဋ္ဌ လည်းဖြစ်တဲ့ မဥမ္မာ နာမည်နဲ့ ရှင်းလင်း ထားတာတွေ့တယ်။ ဒါပေမဲ့ ကျွန်တော် က တစ်ခုခု လုပ်လိုက်တယ်လို့ တိုက်ရိုက် စွပ်စွဲချက်မျိုး (ရေးထားတာမျိုး) မရှိဘူး၊ မတွေ့ဘူး။ နောက်စာအုပ်ထဲမှာ ရေး ထားတာကလည်း ကျွန်တော်တို့ ပြန်လာခါနီးမို့ ဒီစာအုပ်ကို ထုတ်တယ် ပေါ့လေ။ တကယ်တမ်း ပြောမယ် ဆိုရင်တော့ ပွင့်လင်းတဲ့ အခြေအနေမျိုး ပွင့်ပွင့်လင်းလင်း နဲ့ ဆောင်ရွက်မှာ ဖြစ်သလို မှားတာတွေ ကို စွပ်စွဲတယ် ဆိုရင်လည်း တာဝန်ယူမှု၊ တာဝန်ခံမှု ရှိရမယ်လို့ပဲ ပြောချင်ပါတယ်။

Voice : အခု ခရီးစဉ်က မြန်မာနိုင်ငံမှာ ဘယ်လောက်ကြာကြာ နေမယ်လို့ စီစဉ် ထားပါသလဲ။
Dr.NA : ကျွန်တော်တို့ လက်ရှိ အစိုးရ ခွင့်ပြု သလောက် နေသွားမှာပါ။

Voice : ဗီဇာက ဘယ်လောက် ခွင့်ပြု ထားပါသလဲ။
Dr.NA : ကျွန်တော်က နောက်လ ၂၆ ရက်နေ့ ပြန်မယ်လို့ လုပ်ထား ပါတယ်။

Voice : ဒီမှာ မီဒီယာတွေနဲ့ သီးခြား တွေ့ဆုံတာမျိုး လုပ်ဖို့ ရှိပါသလား။
Dr.NA : ဟုတ်ကဲ့၊ ကျွန်တော်တို့ ရောက်ရောက်ချင်း လေဆိပ်မှာပဲ ရှင်း လင်းပွဲ လုပ်ချင်ပါတယ်။ ဒီခရီးစဉ် အကြောင်းရော၊ နောက် လာဖြစ်သွား တဲ့အကြောင်းအရာ ရှင်းလင်းပွဲ လုပ်ချင်ပါ တယ်။ ဒါပေမဲ့ စီစဉ်ပေးတဲ့ သူတွေနဲ့ တော့ တိုင်ပင် ရဦးမှာပါ။ မြန်မာနိုင်ငံမှာ နေစဉ် ကာလမှာလည်း အစိုးရနဲ့ ဆွေးနွေး ထားတာတွေကို ပြန်ရှင်းပြဖို့ လုပ် ချင်ပါတယ်။ မီဒီယာတွေရဲ့ လွတ်လပ်မှု အခြေအနေကို သိချင်တာ ရှိသလို၊ မီဒီယာတွေ မေးသမျှ ဖြေကြား ချင်ပါ တယ်။

Voice : နောက်ဆုံး အနေနဲ့ မေးချင်တာက အစိုးရရဲ့ အမည်ပျက် စာရင်း ပယ်ဖျက်ကြောင်း ထုတ်ပြန်မှု ကို ဘယ်လို မြင်ပါသလဲ။
Dr.NA : ကျွန်တော်တို့ မြင်တာတော့ ပွင့်လင်း မြင်သာရှိဖို့ လိုတယ်လို့ ထင်ပါတယ်။ အခုကိစ္စမှာ အမည်ပျက် စာရင်း သွင်းထားတဲ့ ခြောက်ထောင်ကျော်စာရင်း၊ နောက် ပယ်ဖျက်လိုက်တဲ့ နှစ်ထောင်ကျော် စာရင်း ဘယ်သူတွေ ပါမှန်းလည်း မသိဘူး။ ဘယ်သူတွေကို ပယ်ဖျက်လိုက်မှန်းလည်း မသိဘူး။ ပါသေးလား မပါသေးလားလည်း မသိ ဘူး။ နောက် ကျွန်တော် မှတ်မိတာ ရှိတယ်။ အကြောင်း အမျိုးမျိုးကြောင့် ပြည်ပရောက်နေသူတွေ ပြန်လာဖို့ သမ္မတကြီးကိုယ်တိုင် နှစ်ကြိမ်တိတိ ပြောတာရှိတယ်။ ဒါပေမဲ့ နိုင်ငံရေး သမားတွေ ပါမပါ မရှင်းဘူး။ ကျွန်တော် ပြောချင်တာက ဒီမိုကရေစီ အရေးအတွက်၊ တိုင်းပြည် အကျိုးအတွက် ဆောင်ရွက်နေသူတွေ ပြန်လာလို့ရ အောင် ဘယ်လိုနည်းလမ်းမျိုးနဲ့ လာနိုင် တယ်၊ ဘယ်လိုလူမျိုးတွေလာနိုင်တယ် ဆိုတာ ရှင်းရှင်းလင်းလင်း သိအောင် လုပ်ပေးဖို့၊ ထုတ်ပြန်ပေးဖို့ လိုမယ်လို့ ထင်ပါတယ်။

Source: The Voice Weelky