တိုင်းရင်းသားပအို့ဝ်ဒေသမှ လူ့အခွင့်အရေးချိုးဖောက်မှုများနှင့် စစ်ရာဇဝတ်မှုများ

တိုင်းရင်းသားပအို့ဝ်ဒေသမှ လူ့အခွင့်အရေးချိုးဖောက်မှုများနှင့် စစ်ရာဇဝတ်မှုများ

ရှမ်းပြည်တောင်ပိုင်း ပအို့ဝ်ဒေသမှာ စစ်အစိုးရမှ လူမဆန်တဲ့ ရက်စက်ကြမ်းကြမ်းမှုနဲ့ စစ်ရာဇဝတ်မှုတွေ ပြုလုပ်နေပါတယ်။ ရှမ်းပြည်တောင်ပိုင်း ပအို့ဝ်ဒေသက ပင်းပတ်တောင် ဝန်းကျင်ဒေသဟာ လွတ်လပ်ရေး ရပြီးစကတည်း ကသံသတ္တုရိုင်းတွေ ထွက်ရှိခဲ့ပါတယ်။ ၂၀၀ရခုနှစ်ကစပြီး အဲဒီဒေသမှာ ရုရှားနဲ့ ဖက်စပ်ပြီးတော့ စူးစမ်းရှာဖွေမှုတွေ ပြုလုပ်ခဲ့ရာမှာ ယူရေနီယံတွေ ထွက်ရှိခဲ့တဲ့ အတွက် သတ္တုသန့်စင်စက်ရုံ အမည်ခံပြီး စက်ရုံများဆောက်လုပ်ပြီး စမ်းသပ်မှုတွေပြုလုပ်လာပါတယ်။

ထိုသတ္တုစက်ရုံမှ ထွက်ရှိတဲ့ ခဲဆိပ်ပါတဲ့ စွန့်ပစ်ရေတွေကို ပအို့ဝ်ဒေသခံ တွေကိုသုံးစွဲစေပါတယ်။ ထိုခဲဆိပ်ပါတဲ့ ရေတွေကို သုံးစွဲရတဲ့ ကလေးသူငယ်များမှ လူကြီးအဆုံး အရေပြားရောဂါများ ရရှိခံစားနေရပါတယ်။(အရေပြားရောဂါ ခံစားနေရတဲ့ ကလေးငယ်များပုံ ဆက်လက်ဖော်ပြပါမည်)

ထိုသို့စစ်အစိုးရမှ လျှို့ဝှက်လုပ်ဆောင်နေတဲ့ ယူရေနီယံ ထုတ်လုပ်ရေး စီမံကိန်း အနီးအနားမှ ရွာများအား ပြောင်းရွှေ့စေလိုတဲ့ အတွက်ကြောင့် ရွာသူကြီးအပါအဝင် ရွာသားများအား ပအို့ဝ်လက်နက်ကိုင် တပ်တွေနဲ့ ဆက်သွယ်တယ် ဆိုတဲ့ အကြောင်းပြချက်နဲ့ လူကိုဓားနဲ့ ထိုးသတ်ခြင်း၊ အလောင်းကို အပိုင်းပိုင်းဖြတ်ပြခြင်းများ စတဲ့ လူမဆန်တဲ့ စစ်ရာဇဝတ်မှု (War Crime) တွေပြုလုပ်နေပါတယ်။

ထိုကြောင့် ထိုဒေသမှာရှိတဲ့ ပအို့ဝ်တိုင်းရင်းသားတွေ မိမိတို့ နေထိုင်လုပ်ကိုင် စားသောက်နေရတဲ့ ရွာတွေမှ စွန့်ခွာထွက်ပြေးနေကြရပြီး လူ့အခွင့်အရေးချိုးဖောက်ခံနေရမှုများ၊ စစ်ရာဇဝတ်မှု ကျူးလွန်မှုများကို ဆိုးရွားစွာ ခံစားနေရပါတယ်။ ယခုကဲ့သို့ လူ့အခွင့်အရေးချိုးဖောက်ခံရခြင်း၊ စစ်ရာဇဝတ်မှု ကျူးလွန်ခြင်းများဟာ ပအို့ဝ်ဒေသ တခုတည်းသာမဟုတ်ပဲ စစ်အစိုးရလက်ထက် နိုင်ငံနှင့်အဝှမ်းဖြစ်ပေါ်နေတယ်။ နောက်စစ်အစိုးရနဲ့ ရုရှားတို့ ဖက်စပ်ပြုလုပ်နေတဲ့ ယူရေနီယံ သန့်စင်ထုတ်လုပ်ရေးဟာ အိမ်နီးချင်းနိုင်ငံများနဲ့ ဒေသတွင်း လုံခြုံရေးကိုပါ ခြိမ်းခြောက်လာနိုင်ကြောင်း (NCGUB) အလုပ်သမားဝန်ကြီးနဲ့ အမျိုးသားဒီမိုကရေစီအဖွဲ့ချုပ် သထုံမြို့နယ် ရွေးကောက်ခံ လွှတ်တော်ကိုယ်စားလှယ် ဦးခွန်မြင့်ထွန်းက ပြောဆိုသွားပါတယ်။
ဂျပန်နိုင်ငံမှာ ကျင်းပတဲ့ ရွှေဂုံတိုင်ကြေငြာစာတမ်း နှီးနှောဖလှယ်ပွဲမှာ ဦးခွန်မြင့်ထွန်းမှ ပအို့ဝ်ဒေသမှ လူ့အခွင့်အရေးချိုးဖောက်မှုများ၊ စစ်ရာဇဝတ်မှုများ၊ စစ်အစိုးရရဲ့ ယူရေနီယံစက်ရုံ၊ ဖျက်ဆီးခံရတဲ့ ပအို့လ်ရွာများ အနှိပ်စက်ခံရတဲ့ ပအို့လ်ပြည်သူများအကြောင်းကို ဓာတ်ပုံ Slide Show များနဲ့ရှင်းလင်း ပြသသွားရာ တက်ရောက်လာကြတဲ့ ဧည့်သည်တော်များနှင့် သတင်းမီဒီယာများ စိတ်ပါဝင်စားစွာ ကြည့်ရှု လေ့လာ မှတ်သားသွားပါတယ်။

ပအို့ဝ်ရွာသူကြီးဦးဒီးရယ်အား ပအို့ဝ်လွတ်မြောက်ရေးတပ်မတော်(PNLA)မှ ဆေးကုသပေးနေပုံ

ဓာတ်ပုံပါ ပအို့ဝ်ရွာသူကြီး ဦးဒီးရယ်ဟာ နအဖစစ်တပ်ရဲ့ ဖမ်းဆီးနှိပ်စက်ပြီး ခြေထောက်တွေကို ဝါးလုံးနဲ့လှိမ့်ခြင်း၊ ဓားနဲ့မွှမ်းတာတွေကို ခံခဲ့ရပါတယ်။ နအဖ စစ်တပ်နဲ့ ပအို့ဝ်လွတ်မြောက်ရေးတပ်မတော်(PNLA)တို့ တိုက်ပွဲဖြစ်ပွားချိန်မှာ ထွက်ပြေး လွတ်မြောက်လာတာ ဖြစ်ပါတယ်။

ပအို့ဝ်လွတ်မြောက်ရေးတပ်မတော်(PNLA)မှ ပအို့်လ်ပြည်သူများအား တတ်နိုင်သလောက် ကူညီစောင့်ရှောက် ပေးနေပါတယ်။

ဓာတ်ပုံတွေကတော့ ... The Human Rights Documentation Unit (HRDU) ကပါ။

သတင်းကတော့.......... ပအို့ဝ်လူငယ်အစည်းအရုံး (PYO) ၊ကိုခွန်အောင်မြတ် ၊ ပအို့ဝ် လွတ်မြောက်ရေးတပ်မတော်(PNLA) တို့ဖြစ်ပြီး ...

ဖြေဆိုပြောပြပေးတဲ့ (NCGUB) အလုပ်သမားဝန်ကြီးနဲ့ အမျိုးသားဒီမိုကရေစီအဖွဲ့ချုပ် သထုံမြို့နယ် ရွေးကောက်ခံ လွှတ်တော်ကိုယ်စားလှယ် ဦးခွန်မြင့်ထွန်းအား ကျေးဇူးအထူးတင်ပါသည်။

ဓာတ်ပုံများ ဆက်လက်ဖော်ပြပါမည်။

သတင်း.... ဒီမိုဝေယံ