ဒေါ်အောင်ဆန်းစုကြည်နှင့် အကျိုးဆောင် ရှေ့နေ(၄)ဦး တနင်္လာနေ့ နေ့လည် (၁)နာရီမှာ တွေ့ခွင့်ရမည်။

မနက်ဖြန် တနင်္လာနေ့နေ့လည် (၁)နာရီမှာ ဒေါ်အောင်ဆန်းစုကြည်၏ အယူခံ အမှုအတွက် အကျိုးဆောင် ရှေ့နေ(၄)ဦးလုံး တွေ့ခွင့်ရမည် ဖြစ်ကြောင်း ဒေါ်အောင်ဆန်းစုကြည်၏ အကျိုးဆောင်ရှေ့နေလည်းဖြစ်ပြီး အမျိုးသားဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ရှေ့နေကြီးဦးဥာဏ်ဝင်း ကပြောဆိုပါတယ်။

" မနက်ဖြန်နေ့လည် (၁)နာရီမှာ ဒေါ်အောင်ဆန်းစုကြည်နဲ့ အန်ကယ်တို့ရှေ့နေ(၄)ဦး ဗဟိုတရားရုံး မှာ အယူခံတင်သွင်းဖို့ ကိစ္စနဲ့ ပတ်သတ်ပြီး တွေ့ခွင့်ရပါမယ်။ ပြီးခဲ့တဲ့ သောကြာနေ့ ကစာတင် တောင်းဆိုခဲ့တာပါ။ ဒီတခါတော့ ရှေ့နေ(၄)ဦးလုံး တွေ့ခွင့်ရမှာပါ။ အဓိကကတော့ အယူခံအမှုအတွက် ပြန်တင်ဖို့အတွက် ဆွေးနွေး ညှိနှိုင်းဖို့ ဖြစ်ပါတယ်"။ ဟု ရှေ့နေကြီးဦးဥာဏ်ဝင်း ကပြောဆိုပါတယ်။

.....ပြီးခဲ့တဲ့ ရက်ပိုင်းများက အယူခံကိစ္စအတွက် ဒေါ်အောင်ဆန်းစုကြည်နှင့် တွေဆုံခွင့်ပြုရန် အကျိုးဆောင်ရှေ့နေများ တောင်းဆိုစဉ်က အာဏာပိုင်များက ရှေ့နေ(၄)ဦး စလုံးအား တွေ့ခွင့်မပေးပဲ (၂)ဦးစီသာ ခွဲပြီး တွေ့ခွင့် ပေးခဲ့တဲ့အပေါ် ဒေါ်အောင်ဆန်းစုကြည်မှ ကန့်ကွက်ခဲ့ပါတယ်။ ပြီးခဲ့တဲ့ အောက်တိုဘာလ (၂)ရက်နေ့က တိုင်းတရားရုံးက ဒေါ်အောင်ဆန်းစုကြည်၏ အယူခံအမှုကို ငြင်းပယ်ခဲ့ပါတယ် ။ ယခု ဗဟိုတရားရုံးကို ဆက်လက်အယူခံ တင်သွင်းဖို့အတွက် အကျိုးဆောင်ရှေ့နေများမှ ဒေါ်အောင်ဆန်းစုကြည်နှင့် ညှိနှိုင်းဆွေးနွေးရန်အတွက် တွေ့ဆုံခွင့်ရရန် တောင်းဆိုခဲ့ခြင်း ဖြစ်ပါတယ်။..။

သတင်း...ဒီမိုဝေယံ