NLD ဗဟိုအလုပ်အမှုဆောင်သစ်များဖြင့် ရှေ့ဒီမိုကရေစီ ခရီးဆက်မည်..

NLD ဗဟိုအလုပ်အမှုဆောင်သစ်များဖြင့် ရှေ့ဒီမိုကရေစီ ခရီးဆက်မည်

မြစ်မခ
by Myit Makha Mediagroup on 10 Mar, 2013

NLD ဗဟိုအလုပ်အမှုဆောင်သစ်များဖြင့် ရှေ့ဒီမိုကရေစီ ခရီးဆက်မည်မတ်လ ၁၀ရက်နေ့ နံနက်ပိုင်းမှာ   ဒေါ်အောင်ဆန်း စုကြည်   အပါအ၀င် ဗဟိုအလုပ်အမှုဆောင်အဖွဲ့သစ်ကို ရွေးချယ်ပြီး NLD ရှေ့ခရီးလမ်းဆက်မည်ဖြစ်ကြောင်း ဥက္ကဌ   ဒေါ်အောင်ဆန်းစုကြည်က ပြောသည်။

ဗဟိုအလုပ်အမှုဆောင်များအနေဖြင့် ၁၅ ဦး ရွေးချယ်ခဲ့ကြပြီး အရံ ၅ ဦးဖြင့်စုစုပေါင်း ဗဟိုအလုပ်အမှုဆောင် ၂၀ ဦးဖြင့် NLD ပါတီက ရှေ့ဒီမိုကရေစီရေးအတွက် ပီပီပြင်ပြင် ဆောင်ရွက်သွားကြမည်ဖြစ်ကြောင်းသိရှိရသည်။

ပိတ်ပွဲ အခမ်းအနားတွင် ဒေါ်အောင်ဆန်းစုကြည်က မိန်းခွန့်ပြောကြားခဲ့သည်။`ရှေ့ဆက်ရမဲ့ လုပ်ငန်းစဉ်တွေကို ပီပီပြင်ပြင်လုပ်ဆောင်နိုင်မဲ့ သူတွေ၊အရည်အချင်းနဲ့ ပြည်စုံတဲ့ သူတွေကို ကြည့်တဲ့အပြင်တိုင်းရင်းသားတွေနဲ့ အမျိုးသမီးတွေလည်း ပါဝင်အောင် ရွေးချယ်ခဲ့တယ်၊ ဒီကနေ ဘယ်လောက်ထိပီပီပြင်ပြင်ထိထိရောက်ရောက် စတင်လုပ်ဆောင်ရပါတော့မယ်`ဟုဒေါ်အောင်ဆန်းစုကြည်က ပြောသည်။

ရွေးချယ်ပြီး စီအီးစီ ၂၀ ထဲတွင် ယခင် စီအီးစီဟောင်း ၇ဦးပါဝင်ခဲ့ပြီး ယခင်စီစီဟောင်း ၈ ဦးနှင့် အရံစီအီးစီ ၅ ဦးတို့ဖြင့်ဖွဲ့စည်းခြင်းဖြစ်သည်။

အဆိုပါ ဗဟိုအလုပ်အမှုဆောင်အဖွဲ့တွင် ဒေါ်အောင်ဆန်းစုကြည်အပါအ၀င် အမျိုးသမီးဗဟိုအလုပ်အမှုဆောင် ၅ ဦး၊ လွှတ်တော်ကိုယ်စားလှယ် ၇ ဦး ပါဝင်ခဲ့ပြီးအဖွဲ့ဝင်သစ်ပါဝင်မှု နည်းပါးကြောင်း သိရှိရသည်။

ထို့ပြင် ဒေါ်အောင်ဆန်းစုကြည်က ပြည်သူလူထု၏ ထောက်ခံချက်မှာတကြိမ်ရရှိရုံဖြင့် မပြီးဘဲ အမြဲတမ်း ပြည်သူလူထု   ထောက်ခံချက်ရရှိအောင်  ကြိုးပမ်းရမည်ဖြစ်ကြောင်း၊ ပြည်သူလူထု၏ ထောက်ခံချက်မှ နေရာအတွက် မဟုတ်ဘဲ၊ ဒီမိုကရေစီရေး လုပ်ပိုင်ခွင့်အတွက် ပြည်သူလူထု ထောက်ခံချက် လိုအပ်ကြောင်းမိန့်ခွန်းတွင် ထည့်သွင်း ပြောကြားသွားခဲ့သည်။

ပိတ်ပွဲအပြီး ဒေါ်အောင်ဆန်းစုကြည်နှင့် မီဒီယာသီးသန့်တွေ့ဆုံရာတွင်ဒေါ်အောင်ဆန်းစုကြည်က စီအီးစီအဖွဲ့တွင် အဖွဲ့ဝင်သစ်ပါဝင်မှုနည်းပါးခြင်းမှာအရည်အချင်းရှိရုံနဲ့ မရဘဲ၊ ပါတီအပေါ်သစ္စာရှိမှုနှင့်ပါတီအတွေ့အကြုံရှိဖို့က အရေးကြီးသောကြောင့် စီအီးစီထဲမှာတော့လူငယ်လူသစ် ပါဝင်မှုနည်းပါးရခြင်းဖြစ်ကြောင်း ပြောကြားခဲ့သည်။.

ဗဟိုကော်မတီဝင်များတွင် လူငယ်လူသစ်ပါဝင်မှုမှာ ၃၅% ထိရှိကြောင်း သိရှိရသည်။