ဂျော်ဒန်ရောက် CMI အထည်ချုပ်စက်ရုံရှိ မြန်မာ အလုပ်သမားများ၏ ဆန္ဒပြမှုပြဿနာဖြစ်စဉ်..

 

ဂျော်ဒန်ရောက် CMI အထည်ချုပ်စက်ရုံရှိ မြန်မာ အလုပ်သမားများ၏
ဆန္ဒပြမှု ပြဿနာဖြစ်စဉ် (ဓာတ်ပုံ ဧရာဝတီ)

(13.2.2012)(wed)တွင် စက်ရုံမှကျွေးသော ထမင်းကိုစား၍ အလုပ်သမားများ ၀မ်းလျှောခဲ့ ကြပါသည်။ နောက်တစ်ရက်(14.2.2012)(Thu) တွင်ဝမ်းလျှောသည့် သူများအတွက် ဆေးခွင့် တောင်းရာ ဆေးခွင့်မပေးခဲ့ပါ။ ဒါကိုရုံးခန်းသို့ သူတို့ကျွေးတဲ့ထမင်း၊ ဟင်းပန်းကန် ကိုယူပြီးကောင်းမွန်စွာ ပြောပြီးတင်ပြခဲ့သော်လည်း တာဝန်ရှိသူတရုတ်လူမျိုးမှ ရိုင်းပြစွာပြောဆိုဆက်ဆံပြီး အမူအရာကြမ်းတမ်း စွာဖြင့် ခုံကိုလက်သီးဖြင့်ထုခဲ့ပါသည်။ 
ထိုကြောင့် မြန်မာတာဝန်ခံ ဦးရဲထွန်းမှစက်ရုံတွင်း၌ အလုပ် သမားများ အုံကြွလာမှုမဖြစ်စေရန် မြန်မာအလုပ်သမား အမျိုးသား/အမျိုးသမီး အယောက် (၂၀)ကျော်အား တိုင်ပင်ဆွေးနွေးရန်ခေါ်ဆောင်ခဲ့ပါသည်။
ထိုအစည်းအဝေးတွင် တောင်းဆိုချက် (၃) ချက်ကို မြန်မာအလုပ်သမားများမှ တစ်ညီ တစ်ညွတ်တည်း တောင်းဆိုခဲ့ပါသည်။
(၁) အခြေခံလစာကို မြန်မာနိုင်ငံမှ လာရောက်ခေါ်ယူစဉ်နှုန်းထားဖြစ်သော (US $ 200) သို့ ပေးအပ်ရန်။ (မှတ်ချက်။ အလုပ်စတင်လုပ်ခဲ့စဉ်ကတည်းက ရရှိလစာငွေ =( US $ 155 ) ငွေကြေးလဲလှယ်နှုန်း - (JD $ 0.7 = US $ 1) ဖြစ်သဖြင့် လစာကိုလည်း အမေရိကန် ဒေါ်လာဖြင့် နှိမ် ပေးခဲ့ပါသည်။
(၂) လူမျိုးခွဲခြားဆက်ဆံခြင်းများမပြုလုပ်ပဲ အခြားလူမျိုးများနှင့်တန်းတူဆက်ဆံ ပေးရန်၊
(၃) ကျန်းမာရေးနှင့်ညီညွက်ပြီး မြန်မာလူမျိုးများနှင့် ကိုက်ညီသောအစားအသောက်များကျွေးရန်၊
အလုပ်သမား များသည် စက်ရုံမှကျွေးသော ထမင်းဟင်းများလည်းမကောင်းသောကြောင့် ကိုယ်တိုင် ချက်ပြုတ် စားသောက်ရခြင်း၊လုပ်အားခနှင့် သုံးစွဲမှုကုန်ကျစရိတ်မမျှတမှုစသည့် အခက် အခဲများနှင့် ရင်ဆိုင်နေရပါသည်။ ယခုနှစ်တွင် ကုန်ဈေးနှုန်းပိုမြင့်လာသဖြင့် မှုလအဆင်မပြေမှုအပြင် အခက်အခဲအကြပ်အတည်းများဖြင့်သာ လုံးပန်းနေရသဖြင့် မိသားစုထံသို့ ငွေပို့နိုင်ရန်မဆိုထားနှင့် ဂျော်ဒန်နိုင်ငံတွင်ပင် နေထိုင်စားသောက်ရန် အချိန်ကုန်၍ လူပင်ပန်းမှုများသာဖြစ်နေကြရပါသည်။ သို့ဖြစ်ပါ၍ အလုပ်သမားများမှ ယင်းဒုက္ခများမခံစားနိုင် မခံမရပ်နိုင်သောကြောင့် အဆုံးတွင် အလုပ်သမားများအားလုံးမှ အထက်ပါ အချက်အလက်များအား အသနားခံတောင်းခံခဲ့ကြပါသည်။

ဂျော်ဒန်နိုင်ငံရှိ အလုပ်သမားရုံးသို့တိုင်ကြားစာသွားရောက်ပို့ရာတွင် အလုပ်သမားရုံးမှ အကြီးအကဲနှင့်မတွေ့ခဲ့ရဘဲ ရုံးတာဝန်ခံ(ဂျော်ဒန်နိုင်ငံသား)နှင့်သာတွေ့ပြီး ၄င်း၏ပြောကြားမှုများ ဟုဆိုကာ မြန်မာတာဝန်ခံ ဦးရဲထွန်းမှ စကားပြန်ပေးခဲ့ပါသည်။ ( ''မင်းတို့ ခုလိုတောင်းဆိုချင်ရင် ဒီအလုပ်သမားရုံးနဲ့ မင်းတို့အခု အလုပ်လုပ်နေတဲ့ စက်ရုံကို (၁၄)ရက်ကြိုတင် အကြောင်းကြား ပြီးတင်မှ တရားဝင်တယ်။ ဒီတော့အခု မင်းတို့က(၁၄)ရက်ကြိုတင်အကြောင်းမကြားပဲ ဒီလို လုပ်တဲ့အတွက် တရားမ၀င်တာကြောင့် မင်းတို့ကိုတရားစွဲပြီးဒဏ်ကြေးပေးဆောင်ခိုင်းလို့ ရတယ်။ ဒါကြောင့် အလုပ်ပြန်ဆင်းပါ ၊ မဆင်းရင် ပထမဆုံးရက်ကို JD $ 50 ဖြတ်မယ်။ နောက်ရက်တွေထပ်ပျက်ရင် တစ်ရက်ကို JD $ 5 နှုန်းနဲ့ဖြတ်သွားလိမ့်မယ်'' ) ဟုဦးရဲထွန်း မှ ပြန်လည်ပြောကြားခဲ့ပါသည်။

နောက်တစ်ရက် (19.2.2013)(Sun) တွင် အဆောင်၌အထက်ပါသတိပေးစာ လာကပ်ထားပါသည်။ အလုပ်သမားများ၏လစာရငွေမှာ US $ဒေါ်လာဖြစ်ပြီး ဖြတ်မည့်ငွေမှာ JD $ ဟု ဆိုသဖြင့် မတရားမှုမှာ သိသာလှပါသည်။

ယင်းကိစ္စနှင့်ပတ်သက်၍ မြန်မာလူမျိုးတို့၏ တာဝန်ခံဖြစ်သူ မြန်မာပြည်သား တာဝန်ရှိသူ company ပိုင်ရှင်သူဌေးနှင့် တွေ့ဆုံဆွေးနွေးပေးမည်ဟုဆိုကာ ခေါ်ဆိုသဖြင့်(25.2.2013) (Mon)နေ့လယ်နှစ်နာရီတွင် အစည်းအဝေးခန်းမသို့ အလုပ်သမား ၂၀ ကျော်မှ အလုပ်သမားများ ၏ကိုယ်စားသွားရောက်ခဲ့ပါသည်။ ဂျော်ဒန်နိုင်ငံအလုပ်သမားရုံးမှ တာဝန်ရှိသူ(၂)ဦးအရင်လာ ရောက်ခဲ့ရာ အလုပ်သမားများမှ မှတ်တမ်းတင် ဗွီဒီယို၊ဓါတ်ပုံရိုက်သောအခါတွင် လုံးဝလက်မခံပဲ ခါးသီးစွာ ငြင်းပယ်ခဲ့ပါသည်။ အစည်းအဝေး လာရောက်သူများမှာ ယောင်္ကျားလေးများဖြစ်သည်ကို အကြောင်းပြ၍ မိန်းကလေး (၅)ဦးအားခေါ်ဆောင်ခိုင်းကာ အချိန်ဆွဲပြီး အစည်းအဝေးကို ခေတ္တ ရပ်ဆိုင်းထားပါသည်။ 

မိန်းကလေးများရောက်လာသော်လည်း ''သူဌေးက ၄င်း၏အလုပ်မပြီးသေး သဖြင့် ခဏစောင့်ပါ''ဟုပြောခဲ့ပါတယ်။ ထိုသို့စောင့်နေစဉ်တွင် အဆောင်မှကျန်ရှိနေခဲ့သော မိန်းကလေးတစ်ဦးအား ခေါ်ဆောင်လာခဲ့ပါသည်။ ယင်းမိန်းကလေးမှာ မည်သည့်အကြောင်း ကြောင့်ခေါ်လာမှန်းမသိပဲ အထက်လူကြီးမှခေါ်သဖြင့်လိုက်လာခဲ့ခြင်းသာဖြစ်ပါသည်။ အမှန်မှာ ဦးရဲထွန်းမှ ၄င်းတို့၏လူအဖြစ်ခေါ်ဆောင်လာခြင်းသာဖြစ်ပြီး အလုပ်သမားအချင်းချင်း သူ့ဘက်ကိုယ့်ဘက် သူ့လူကိုယ့်လူ ဤသို့ဖြစ်ကာသွေးကွဲစေရန် လိမ်ညာမှုတစ်ခုသာဖြစ်ပါသည်။ အလုပ်သမားများမှာ၂ နာရီ စမည့်အစည်းအဝေးကို ၄နာရီအထိ စောင့်ဆိုင်းခဲ့သော်လည်းဤသို့ အချိန်များဆွဲ၊ သူဌေးလည်းရောက်မလာ ၊ ဦးရဲထွန်းမှလည်း မူမမှန်သော အပြုအမူ လုပ်ဆောင် မှုများကြောင့်မယုံသင်္ကာဖြစ်ကာ ဆက်လက် မစောင့်ဆိုင်းတော့ပဲ ပြန်လာခဲ့ကြပါတယ်။

 ထိုအချိန်မှ စ၍ မြန်မာတာဝန်ခံဦးရဲထွန်းကို ယနေ့အချိန်ထိမတွေ့ရတော့ပဲ ပုန်းရှောင်နေပါသည်။(27.2.2013) (Wed) နေ့လယ် 12:00 နာရီအချိန်တွင်သူဌေးနှင့်တွေ့ပေးမည်ဟု အေးဂျင်းကိုစိုင်း မှ ချိန်းဆိုသဖြင့် အဆောင်အောက်တွင်အလုပ်သမားများမှစောင့်ဆိုင်းနေစဉ် CMJ စက်ရုံမှလွှတ် လိုက်သည်ဟုဆိုကာ ဤနိုင်ငံမှရဲများရောက်လာပါသည်။ ဤသည်မှာတဖက်လှည့်ဖြင့် အလုပ် သမားများ ထိတ်လန့်ဆူပူပြီး အပြစ်ဖြစ်အောင်လုပ်ခြင်းဖြစ်ပါသည်။ အေးဂျင်ကိုစိုင်းမှ အလုပ် သမားများအားမခေါ်ပဲ '' CMJ စက်ရုံသို့သွားရောက်ကာသူဌေးနှင့်တွေ့ခဲ့ပြီးပြီ။ သူဌေးက အလုပ်သမားများအား အလုပ်ပြန်ဆင်းရန်နှင့်မဆင်းပါက မည်သို့မျှ တာဝန်ယူဖြေရှင်းပေးမည် မဟုတ်'' ဟုဆိုသည့် ၄င်း၏နှုတ်ထွက်စကားကိုသာကြားခဲ့ကြရပါသည်။

(ပြဿနာဖြစ်ချိန်ကာလမှစ၍ ယနေ့အချိန်ကာလထိ သူဌေးဆိုသူနှင့်တိုက်ရိုက် တွေ့ဆုံ ပေးခြင်းမရှိဘဲ ဦးရဲထွန်း ၊အေးဂျင့်ကိုစိုင်း တို့၏လိမ်ညာမှုများဖြင့်သာ အချိန်ဆွဲ လှည့်စားခံနေ ကြရပါသည်။ မည်သူထံမှလည်း ယခုအချိန်ထိ အကူအညီရရှိခဲ့ခြင်း မရှိခဲ့ပါ။)

E mailတို့သို့ဆက်သွယ်ကူညီပေးပါရန် .........
Ph (Jordan) 00962-787372905, 00962-777813917, 00962-7774174109,
00962-777429461, 00962-777865365,
(Yangon) 09-42018196 , 09-773248400, 09-43024847
E-Mail decemberei0899@gmail.com, kyawzinlinn4@gmail.com
Facebook myawathan@gmail.com .