ဒီမိုဝေယံ သို့ ပေးပို့သော တိုင်ကြားစာများ သတင်းများ ကို microsoft word ဖိုင်များဖြင့် ပေးပို့ပေးပါရန် လေးစားစွာတောင်းပန်အပ်ပါသည်။ ပေးပို့လာသော စာများကို အချိန်မှီဖော်ပြပေးနိုင်ရန်ကြိုးစားပါမည်။

၈၈၈၈ အရေးအခင်း အောက်မေ့ ၀မ်းနည်းဖွယ် အထိမ်းအမှတ်..

8888
၈၈၈၈ အရေးအခင်းအောက်မေ့ဝမ်းနည်းဖွယ်အထိမ်းအမှတ်

၈.၈.၂၀၁၀ နေ့မှာဖြင့် ၈၈၈၈ သမိုင်းဝင်ခေတ်ပြောင်းတော်လှန်ရေးကြီးသည် (၂၂) နှစ်တိတိ ပြည့်မြောက်ခဲ့ပါပြီ။
တစ်ပါတီအာဏာရှင်စနစ်ကို တော်လှန်ဖြုတ်ချကာ ဒီမိုကရေစီစနစ်သစ်ကို ပြောင်းလဲ တည်ဆောက်ရေး အတွက် အသက်သွေး၊ ချွေးပေါင်းများစွာ ပေးဆပ်ခဲ့ကြရပြီး တိုက်ပွဲဝင်ခဲ့ကြတဲ့အတွက် တစ်ပါတီ အာဏာရှင်စနစ်ဟာ အဆုံးသတ်သွား ခဲ့ရပါတယ်။ မြောက်များစွာသော ကျောင်းသားလူငယ်တွေ၊ ရဟန်းသံဃာတော်တွေ၊ ပြည်သူလူထုတွေ ရဲ့ ခံယူချက်ပြင်းပြတဲ့ သံမဏိစိတ်ဓါတ်တွေနဲ့ ဦးနေ၀င်းရဲ့  တစ်ပါတီ အာဏာရှင်စနစ်ကို ဖြုတ်ချနိုင်ခဲ့ပေမဲ့ ပိုမိုဆိုးဝါးတဲ့ စစ်အာဏာရှင်စနစ်ဟာ ပေါ်ပေါက်လို့လာပါတယ်။ ယနေ့ဗမာပြည်မှာ ချုပ်ကိုင်စိုးမိုးကြီးစိုးနေတဲ့ စစ်အာဏာရှင်တွေသည် မဆလတစ်ပါတီခေါင်းဆောင် ဦးနေ၀င်း မွေးထုတ်ပေးခဲ့တဲ့ ခေတ်သစ်ဖက်ဆစ် အာဏာရှင်များသာ ဖြစ်ကြပါသည်။ ဗမာပြည်၏ ဖြစ်စဉ်သမိုင်းကို ပြန်လည် စစ်ဆေးကြည့်သည့်အခါ ဆရာပြီးလျှင်တပည့်၊ အဖေပြီးရင် သား၊ အကိုပြီးရင် ညီဆိုတဲ့ အစဉ်အလာဟာ ရှေးဘုရင်မင်းများ လက်ထက်မှ စတင်ကာ ယနေ့အထိ အရိုးစွဲအတ္တကြီးစွာ လက်ကိုင် ထားနေကြဆဲပင်ဖြစ်သည်။ ကျွန်တော်တို့ တစ်တိုင်းပြည်လုံးရှိ ပြည်သူပြည်သား ၊ရဟန်းရှင်၊ ကျောင်းသားများ အနေဖြင့် တစ်စုတစ်ဝေးတည်း စည်းလုံးညီညွတ်စွာဖြင့် လက်ရှိမတရားသဖြင့် အုပ်စိုးနေသော နအဖစစ်အာဏာရှင် လက်တစ်ဆုပ်စာ လူစုကိုကျူပင်ခုတ် ၊ကျူငုတ်ပါ မကျန်အောင် တိုက်ထုတ်ကြပါရန် ကျွန်တော်တိုက်တွန်း ပြောကြားလိုပါတယ်။ ဗမာပြည်အတွင်းမှာ လှုပ်ရှားနေကြတဲ့ လူမှုရေးလုပ်နေကြသူတွေ၊ နိုင်ငံရေးလုပ်နေကြသူ တွေအနေနဲ့ ပိုမို၍ သတိကြီးမားစွာထားပြီး ပြည်သူ့အကျိုးအတွက်၊ ဘာသာသသနာ အကျိုးအတွက် တကယ်သာဆောင်ရွက် လုပ်ကိုင်ကြပါရန်လည်း မေတ္တာရပ်ခံပါသည်။ လူမှုရေးလိုလို၊ နိုင်ငံရေးလိုလို၊ ဟိုလိုလို၊ ဒီဒီလိုလိုနဲ့မလုပ်ကြပဲ မိမိတို့ရည်ရွယ် ဦးတည်သည့် လမ်းကြောင်းကိုသာ မည်သူ့ကိုမှမတွန်းမတိုက်၊ မတိုက်မခိုက်ပဲ ဖြောင့်တန်းစွာ လျှောက်လှမ်းကြပါရန်လည်း လေးစားစွာဖြင့် ဤစာမျက်နှာထက်မှ မေတ္တာရပ်ခံ နှိုးဆော်လိုက်ပါတယ်။ ဗမာနိုင်ငံ ပြည်သူပြည်သားများ အတွက် လိုအပ်ခဲ့ပါရင် ကျွန်တော်၏အသက်ကို ပေးဆပ်ရန်အတွက် များစွာ ၀န်လေးမှု မရှိပါကြောင်းကိုလည်း မြေ၀သုန္ဒရီ ကိုသက်သေအမှုတည်၍ ထပ်လောင်း ပြောဆိုလိုက်ပါသည်။ ၈.၈.၈၈ ခုနှစ်နေ့၌ ကျဆုံးခဲ့ကြသော အဌမတန်းကျောင်းသူလေး မ၀င်းမော်ဦးနှင့်တကွ ရဟန်းရှင်လူကျောင်း သားပြည်သူအပေါင်းတို့အား ကျွန်တော်ပြုခဲ့သော ကုသိုလ် ကံကောင်းမှုတို့ဖြင့် အမျှပေးဝေပါ၏။
အားလုံးကြားကြားသမျှ… အမျှ…..အမျှ…..အမျှ………………..
လေးစားဦးညွှတ်လျှက်
BP

Subscribe to: Post Comments (Atom)