ဒီမိုဝေယံ သို့ ပေးပို့သော တိုင်ကြားစာများ သတင်းများ ကို microsoft word ဖိုင်များဖြင့် ပေးပို့ပေးပါရန် လေးစားစွာတောင်းပန်အပ်ပါသည်။ ပေးပို့လာသော စာများကို အချိန်မှီဖော်ပြပေးနိုင်ရန်ကြိုးစားပါမည်။

ကြည့်သော သူမြင်၏...

နတ်ချုပ်ကြီရှိခိုး နှင်းတောတိုး မပူဇော်ထိုက်သူကို ပူဇော်ခြင်းသည် အမင်္ဂလာ တစ်ပါး....
 ကြည့်သော သူမြင်၏... (ရန်နောင်)

မြန်မာစကားပုံလေး တစ်ခုရှိပါတယ်။ မီးဆိုတာ ပူမှန်းလူတိုင်း သိပါတယ်။ ဒါပေမယ့် ကိုယ်တိုင် လောင်ဘူးမှသာ ဘယ်လောက် ပူတယ်ဆိုတာ သိတာပါတဲ့။ ခုလည်း ဒီစကားပုံ လိုပါပဲ ချုပ်ချုပ်ရွှေကြီးလဲ ခုသူ့အကျိုးဆောင်ကြီး နှင်းတောင်မှာ ပိတ်မိတော့ ယိုးဒယားက ရဟတ်ယာဉ်ကို ခေါ်ကယ်ခွင့်ပြုတယ်တဲ့။

နာဂစ်မုန်တိုင်းကြီး တိုက်ခတ်ပြီးခါစ ဧရာဝတီတိုင်းမှာ လူပေါင်းသိန်းချီပြီး သောက်ရေ၊ဆေးဝါး၊ ရိက္ခာတွေ ပြတ်တောက် နေတုန်းက ကိုယ့်စရိတ်နဲ့ ကိုယ်ရဟတ်ယဉ်တွေနဲ့ လာကူညီ ကယ်ဆယ်မယ် ဆိုတုန်းက လုံခြုံရေးကို အကြောင်းပြပြီး ဆတ်ဆတ်ခါ ငြင်းခဲ့ပြီး လူပေါင်းများစွာကို အငတ်ဘေး ဆိုက်စေခဲ့တဲ့ ချုပ်ချုပ်ရွှေကြီး၊ အချိန်မှီ ဆေးကုသမှုမရလို့ ဘဝပေါင်းများစွာကို သေကြေပျက်ဆီးစေခဲ့တဲ့ ချုပ်ချုပ်ရွှေကြီး ခုတော့ သူမုန်းလှပါပြီ၊ ကြောက်လှပါပြီဆိုတဲ့ ယိုးဒယားက ရဟတ်ယာဉ်ကို မြန်မာပြည်အတွင်းပိုင်းထဲ ထိဝင်ရောက် ခွင့်ပေးပါသလဲ။ (တေဇက သူ့ပိုက်ဆံနဲ့သူ ရဟတ်ယာဉ် ငှါးတယ်ဆိုဦးတော့ ချုပ်ချုပ်ကြီး ခွင့်ပြုမှ မြန်မာပြည်ထဲ ဝင်ခွင့်ရတာပါ။)

ဆရာအာခံ အာဂေါင်လှံစူးဆိုသလို၊ တလောက အနောက်နိုင်ငံတွေရဲ့ စက်ပစ္စည်းတွေ မဝယ်ဘဲ တန်ပြန်စီးပွားရေး ပိတ်မယ်လို့ အာချောင်ခဲ့တဲ့ ကောင်ဟာ ခုတော့ အနောက်နိုင်ငံကလုပ်တဲ့ ရဟတ်ယဉ်ကိုစီးပြီး ဒုက္ခဖြစ်နေလို့ ယိုးဒယားကနေ အနောက်နိုင်ငံလုပ် ရဟတ်ယာဉ်ကိုဘဲ ခေါ်ပြီး ကယ်ဆယ်ခိုင်း ရပြန်ပြီ)။ ကျွန်တော်တို့ အားလုးံ သိကြတဲ့အတိုင်းပါဘဲ ချုပ်ချုပ်ရွှေကြီးဟာ မိသားစုရေးအတွက်ဆို အဝိစိကို ကျွမ်းထိုးသွားမယ့် လူမျိုးပါ။ ဒါကြောင့် တေဇကို သူလုးံဝ အသေမခံနိုင်ပါဘူး။ တေဇငရဲရောက်သွားရင် တောင်လိုက်ခေါ်မှာပါ။ ဘာလို့လဲဆိုတော့ တေဇက ချုပ်ချုပ်ကြီးတို့မိသားစု အတွက် ပြည်တွင်းမှာရော၊ ပြည်ပမှာပါ စီးပွားရေးလုပ်ငန်းတွေ၊ အိမ်တွေကို အမည်ခံပေးနေသူ ဆိုတော့ ချုပ်ချုပ်ကြီးအတွက် တေဇက သေနှင့် မစေ့သေးပါဘူး။ တေဇအရင် မိန်းမနဲ့ သားနှစ်ယောက် အမွေဝိုင်းလုရုံနဲ့တင် ကြိုင်ကြိုင်သေလောက်တယ်။

နောက်ဆုးံ ဇကာတင် စစ်ကြည့်လိုက်ရင် မြန်မာပြည်မှာ သဘာဝ ဘေးအန္တရယ်တွေကြောင့် လူပေါင်းများစွာ ဆင်းရဲဒုက္ခ ၊ အသက်ဘေးအန္တရယ် ကျရောက်ခဲ့တာတောင် မတုန်မလှုပ် ရေခဲရုပ် လုပ်ခဲ့တဲ့ ချုပ်ချုပ်ကြီး တေဇနဲ့ကြမှ Heart ထိသွားလို့ ကြပ်ပြေးမှာ ခွေခြေပူလွန်းလို့ ဓာတ်ဆီဈေးတွေ ဒီလောက် တက်နေတာတောင် မိထ္တိလာကနေ ရဟတ်ယာဉ်တွေ လွှတ်ပြီးနိုင်ငံတာဝန် တွေနေ့မအား၊ ညမအားထမ်းဆောင်နေတဲ့ တပ်မတော်သားတွေ၊ ဝန်ကြီးအဆင့် တွေကိုယ်တောင် ကယ်ဆယ်ရေး တာဝန်တွေပေးခဲ့ရတယ်။ စဉ်းစားကြည့်တော့ ကျွန်တော်တို့ မြန်မာပြည်သူတွေ ၊မြန်မာပြည်မှာ လူဖြစ်ရတဲ့ ဘဝကိုရင်နာမိတယ်။ ငါတို့က မြန်မာပြည်သားတွေဖြစ်ရက်နဲ့ မြန်မာပြည်တွင်းမှာ လူစာရင်းတောင်မသွင်းခံ

ရဘူး၊ လူလို့အဆက်ဆံမခံရဘူး။ ငါတို့ပြည်သူတွေရဲ့ အသက်ဟာ သန်းရွှေ အလိုတော်ရိတစ်ယောက်ရဲ့ အသက်လောက်တောင် တန်ဘိုးမရှိပါလား။ ၅၅သန်းသော ပြည်သူတွေ ဒုက္ခရောက်နေတာ၊ တိုင်းပြည်တွင်း နေ့စဉ်ဖြစ်နေတဲ့ မတရားမှုတွေကို မြန်မာ့တပ်မတော်သားတွေက လက်ပိုက် ကြည့်နေနိုင်ပေမယ့် မြန်မာမျိုးချစ်တွေက အသက်တွေဘဝတွေကို ပဓာနမထားဘဲ မြန်မာပြည် ဖက်ဆစ်အောက် ကလွတ်မြောက်ဖို့ တိုက်ပွဲဝင်နေတယ်ဆိုတာအသိပေးအပ်ပါတယ်။ တေဇက ချုပ်ချုပ်ကြီးကိုကျွန်တော်မှာ မမရွှေပေးတဲ့ အသက်ပဲ ရှိပါတော့တယ်။ ခုချိန်ကစပြီး မမရွှေတို့ မိသားစု စီးပွားရေးတွေကို အရင်ကလောက်ဖြတ်စား၊ လာဘ်စားမလုပ်ဘဲ ဦးဆွေး ဆံမြေ့ သစ္စာရှိရှိ အလုပ်ကျွေးပြုပါ့မယ်လို့ မမရွှေရဲ့ခြေထောက်ကို တေဇတစ်ယောက်နှိပ်ပေးနေမှာကို မြင်ယောင်မိပါသေးတယ်။


ရန်နောင် 

 ကိုရန်နောင် ပေးပို့သည်...
Subscribe to: Post Comments (Atom)