ကောင်းဘွိုင်မျောက်....

ပြည်တွင်းမှ ပရိသတ်များ ကောင်းဘွိုင်မျောက်.... ရုပ်သံ ဒေါင်းလုပ်လုပ်ချင်ရင်... http://www.mediafire.com/?88kim9guh82o5e5

နိုင်ငံရေးသတင်းတွေ ကြားထဲကနေ စာဖတ်ပရိသတ်အတွက် ကိုယ်သိထားတဲ့ ရယ်စရာမောစရာ သတင်းလေးတစ်ခုကို မျှဝေပေးချင်လို့ ဒီရုပ်သံလေးကို ဖော်ပြလိုက်ပါတယ်...။ မနေ့က ဂျပန်သတင်းဋ္ဌာန တစ်ခုက ပြသွားတဲ့  ဂျပန်နိုင်ငံ နယ်ဘက်ခိတဂါဝမြို့က တောဝက်တွေ မွေးထားတဲ့ ခြံထဲမှာ လာရောက် သောင်းကျန်းနေတဲ့ မျောက်တကောင် အကြောင်းပါပဲ...။ မျောက်ပါးဝတယ် ပြောမလား .... အကျဉ်းချုပ် ပြောရရင်တော့  ခြံပိုင်ရှင်က တောဝက်တွေ အစာကျွေးချိန် မနက်ပိုင်းမှာ ဒီမျောက်က တောထဲကနေ ခိုးကြောင်ခိုးဝှက် ရောက်လာပါလေကောဗျာ။ တောဝက်တွေ ကျွေးတဲ့အစာကိုလည်း စားပေါ့ ... ပြီးတော့ တောဝက်တွေကျောပေါ် ကောင်းဘွိုင် ပုံစံတက်စီးပါလေကော...။ တစ်ခါ.... တက်စီးရတာ အဆင်မပြေရင် သူက စိတ်ပျက်တဲ့ ပုံစံနဲ့ ပိုစ့်လုပ်ပြပါသေးတယ်...။ (အနှေးပြကွက် ပြန်ပြထားပါတယ်...) အဲ့လိုအဆင်မပြေတဲ့အခါ သူက ဟင်းသီးဟင်းရွက် တွေစားပြီး ပြန်အားယူပါတယ်တဲ့ဗျာ... နောက် တောဝက်တွေ ကျောပေါ်ပြန်တက်စီးပေါ့ တောဝက်တွေလည်း နေ့စဉ်နဲ့ အမျှ ဒီမျောက်ဒဏ်ကို ခံစားနေရတာလေ...။ ကောင်းဘွိုင်သေလို့ ဝင်စားတဲ့ မျောက်ထင်ပါတယ်...။ အဆိုပါမြို့မှာတော့ တမြို့လုံး ဟာသကို ဖြစ်လို့တဲ့.. ရယ်လည်း ရယ်ရ စိတ်လည်းဝင်စားဖို့ ကောင်းတဲ့ရုပ်သံလေးပါ...

ဒီရုပ်သံကို ကြည့်ပြီး ကျွန်တော်တို့ မြန်မာပြည်မှာလည်း ဒီမျောက်ရဲ့ အမျိုးအနွယ်တွေ ထင်ပါရဲ့.. ဗျာ..။ မြန်မာပြည်သူတွေ ကျွေးတဲ့ထမင်းစားပြီး ဂုတ်ပေါ်တက်ခွစီးနေတာ (၂၃)နှစ်ကြာပြီဆိုပဲ...။ စိန်မျောက်မျောက်တို့ ရွှေမျောက်မျောက်တို့ဆိုလားပဲ.... မျောက်နေပြည်တော် ဆိုလား ဘာလား ရှိတယ်ဆိုပဲ..။ မျောက်ရှုံးအောင် စားတယ်လို့လဲ ကြားမိပါရဲ့..။ နောက်ပိုင်း လူတွေ ဂုတ်ပေါ်တက်ခွစီးတာ တင်မက မတန်မရာ ဘုရင်ထိုင်တဲ့ ပလ္လင်တောင် တက်ထိုင်မယ် ဆိုလားပဲ..။  မြန်မာပြည်က မျောက်တွေ သောင်းကျန်းပုံတွေ ကြားမိတာလေးပါဗျာ....။

တလက်စတည်း ဘလော့(ဂ်)ဂါ တစ်ယောက်ရဲ့ မျောက်ကဗျာလေး ပြန်ဖတ်ချင်ရင် Click

စာဖတ်သူတွေ အားလုံးချမ်းမြေ့ကြပါစေ....

ဒီမိုဝေယံ