လွတ်လပ်ငြိမ်းချမ်း ပန်းရဲ့လမ်း.. (သတင်း၊ ဓာတ်ပုံ)
လွတ်လပ်ငြိမ်းချမ်း ပန်းရဲ့လမ်း
မြန်မာပြည်တွင် စစ်ငြိမ်းချမ်းရေးအတွက် အမျိုးမျိုး ဖော်ဆောင်နေကြရာမှ လွတ်လပ်ငြိမ်းချမ်း ပန်းရဲ့လမ်း ဆိုတဲ့ လူမှုကွန်ယက်အဖွဲ့ကတော့ ၃-၆-၂၀၁၂ ညနေပိုင်းတွင် ကချင်စစ်ဘေးဒုက္ခသည်များ အတွက် ရန်ကုန်တိုင်း ရန်ကင်းမြို့နယ်၊ ရန်ကင်းစင်တာရှေ့တွင် တေးသီးချင်းများဖြင့် ရန်ပုံငွေလိုက်လံရှာဖွေ၊ ဖျော်ဖြေပွဲ ကျင်းပခဲ့ပါတယ်..။
၈၈-ကျောင်းသား ခေါင်းဆောင် ကိုမင်းကိုနိုင်၊ ကိုမြအေး၊ မမီးမီးတို့အဖွဲ့မှ ပါဝင်ကူညီ ဖျော်ဖြေခဲ့ ကြသည်။
ထိုလွတ်လပ်ငြိမ်းချမ်း ပန်းရဲ့လမ်း လူမှုကွန်ယက်အဖွဲ့ကို မဇ္ဈိမလှိုင်း တေးဂီတ အဖွဲ့မှ ကိုရဲလွင်က ဦးစီးဦးဆောင်ဖွဲ့စီးထားပြီး တနင်္ဂနွေနေ့တိုင်း ရန်ကုန်၊ မန္တလေး မြို့နယ်အစုံ နေရာအနှံ့က ဖိတ်ကြားလာသော နေရာများသို့ ဖျော်ဖြေလာခဲ့ရာ အခုဆို (၈)ပတ်မြောက် ရှိခဲ့ပြီဖြစ်ကြောင်း သိရှိ ရသည်။
ထိုပွဲတွင် တာဝန်ရှိသူ ဦးအောင်သန်းမှလည်း မြန်မာပြည်အနှံ့ စစ်ပွဲတွေ မငြိမ်းချမ်းသေးသ၍ လွတ်လပ်ငြိမ်းချမ်းပန်းရဲ့ လမ်းကတော့ အဆက်မပြတ်လျှောက်လှမ်းရင်း မြန်မာပြည်အနှံ့ ၊ ကမ္ဘာအနှံ့မှာ ငြိမ်းချမ်းရေး တေးသီးချင်းတွေနဲ့ လျှောက်လှမ်း သွားမည်ဟု ပြောကြားခဲ့ပါသည်။ စစ်ပြီးတဲ့နေ့ဟာ လမ်းဆုံးတဲ့နေ့ ဆိုတာကိုလည်း တဆက်တည်းပဲ ပြောကြားပါသည်။
ထိုပွဲနဲ့ပတ်သက်၍လည်း အခုလာမည့် (၉) ရက်နေ့မှာ ရန်ကုန်တိုင်း၊ ဗဟန်းမြို့နယ်၊ ဒို့ရိုးရာ မြန်မာစားသောက်ဆိုင်တွင် ကချင်ဒေသ တစ်ကျော့ပြန် စစ်ဘေးသင့် တစ်နှစ်ပြည့်ပွဲကို နေ့လည် ၁း၀၀ မှ ၃း၀၀ ထိ ပြုလုပ်သွားမည်ဖြစ်ကြောင်း သိရှိရပါသည်။
သတင်း၊ဓာတ်ပုံ လင်းဆက်
မြန်မာပြည် အမြန်ငြိမ်းချမ်းပါစေ..
အိမ်ကြက်ချင်း ခွပ်နေရတဲ့ ကချင်တိုင်းရင်းသား ဒေသက စစ်ပွဲတွေ အမြဲရပ်စဲပါတော့...။ ဒီစစ်ပွဲတွေကို အမြန်ရပ်ဆဲနိုင်အောင် စွမ်းဆောင် လုပ်ဆောင်နိုင်တဲ့ မြန်မာအစိုးရရဲ့ တာဝန်ရှိပုဂ္ဂိုလ်တွေ တိုင်းရင်းသားတွေ ယုံကြည်အောင် စေတနာအမှန်နဲ့ လုပ်ဆောင်ပေးဖို့ တိုက်တွန်းပါတယ်..။ အစိုးရနဲ့ KIA နှစ်ဘက်စလုံးမှ ခေါင်းဆောင်များလည်း ငြိမ်းချမ်းရေး အမြန်ရရှိအောင် လုပ်ဆောင်ပေးကြဖို့ မေတ္တာရပ်ခံအပ်ပါတယ်..။
ဖြစ်ပေါ်လာတဲ့ စစ်ပွဲတိုင်းမှာ လူကြီးတွေရဲ့ ဆုံးဖြတ်ချက်ကြောင့် လူငယ်တွေ အသက်စတေးခံပြီး တိုက်ခိုက်နေရသလို စစ်ပွဲတွေတိုင်းမှာ အဓိက မြေဇာပင်ဖြစ်ရတာက ပြည်သူတွေပါ..။ နှစ်ဘက်စလုံး တရက် အမြန်ရပ်ဆဲနိုင်လေ ပြည်သူတွေ တရက် သက်သာရာရလေပါ..။ မြန်မာပြည် အမြန်ငြိမ်းချမ်းပါစေ..
ဒီမိုဝေယံ
