ဒီမိုဝေယံ သို့ ပေးပို့သော တိုင်ကြားစာများ သတင်းများ ကို microsoft word ဖိုင်များဖြင့် ပေးပို့ပေးပါရန် လေးစားစွာတောင်းပန်အပ်ပါသည်။ ပေးပို့လာသော စာများကို အချိန်မှီဖော်ပြပေးနိုင်ရန်ကြိုးစားပါမည်။

ကမ္ဘာ့ ဒီမိုကရေစီလူငယ်များနေ့ နှင့် ၈၈ ကျောင်းသားခေါင်းဆောင် ကိုမင်းကိုနိုင် မွေးနေ့ အထိမ်းအမှတ် ပြည်တွင်း၌ လှုပ်ရှားမှု သတင်း၊ ဓာတ်ပုံ..

ယနေ့(၁၉.၁၀.၂၀၁၀)တွင် ကျရောက်သော ကမ္ဘာ့ဒီမိုကရေစီ လူငယ်များနေ့နှင့် ၈၈မျိုးဆက် ကျောင်းသားခေါင်းဆောင် ကိုမင်းကိုနိုင်၏ မွေးနေ့အထိမ်းအမှတ် အဖြစ် ၂၀၀၇မျိုးဆက်ကျောင်းသားသမဂ္ဂ ကျောင်းသားများက ရန်ကုန်မြို့ရှိ တန်ခိုးကြီး ဘုရားစေတီများတွင် နှင်းဆီပန်းအ၀ါများ ကပ်လှူ၍ မြန်မာနိုင်ငံအတွင်း ဒီမိုကရေစီရေးလှုပ်ရှားမှုများကြောင့် ထောင်သွင်း အကျဉ်းချခံ နေရသော မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် တကွကျောင်းသား၊ လူငယ်နိုင်ငံရေး အကျဉ်းသားများ လွတ်မြောက်ရေး ဆုတောင်းပွဲများ ပြုလုပ်ခဲ့ကြကြောင်း သတင်းရရှိသည်။ ထို့ပြင်ယနေ့နံနက်တွင် ရန်ကုန်မြို့ရှိ လုံခြုံစိတ်ချရသောနေရာ တခုတွင် ဗမာနိုင်ငံလုံးဆိုင်ရာ ဒီမိုကရေစီရေးလှုပ်ရှား တက်ကြွသူများ တပ်ပေါင်းစုဝင် ကျောင်းသားလူငယ်များက ကမ္ဘာ့ဒီမိုကရေစီ လူငယ်များနေ့နှင့် ၈၈မျိုးဆက် ကျောင်းသားခေါင်းဆောင် ကိုမင်းကိုနိုင်၏ မွေးနေ့အထိမ်းအမှတ် ဟောပြောဆွေးနွေးပွဲ ပြုလုပ်ခဲ့ကြောင်းလည်း သိရှိရသည်။ ၄င်းလှုပ်ရှားမှုတွင် ပါဝင်ခဲ့သူ၂၀၀၇ မျိုးဆက်ကျောင်းသားသမဂ္ဂမှ ကိုမင်းသွေးသစ်က ပြောကြားရာတွင်” ကျွန်တော်တို့ဘုရားတွေမှာ ဆုတောင်းပွဲ လှုပ်ရှားမှုကို လုံခြုံရေးအရ ရွှေတိဂုံလို လုံခြုံရေး တင်းကြပ်တဲ့ ဘုရားမျိုးတွေမှာ မလုပ်ပဲ တခြားတန်ခိုးကြီးဘုရား တချို့မှာ ဘုရားတဆူကို လူလေးယောက်ခွဲပြီး ပြုလုပ်ခဲ့ပါတယ်။ ပုဇွန်တောင် ရွှေဘုန်းပွင့်ဘုရား၊ ဗိုလ်တထောင်ဘုရား၊ သင်္ကန်းကျွန်း ကျိုက်ကဆံဘုရား၊ သန်လျင်ကျိုက်ခေါက်ဘုရား၊ ကျိုက်ဒေးယုံဘုရားနဲ့ တခြားဘုရားအချို့မှာ ပြုလုပ်ခဲ့ပါတယ်။ ဆွေးနွေးပွဲကိုတော့ ဗဒတတပ်ပေါင်းစု လူငယ်ပေါင်း (၃၇)ယောက်မှ တက်ရောက် ဆွေးနွေးခဲ့ကြပါတယ်။ အဲဒီဆွေးနွေးပွဲမှာ စစ်အစိုးရက သမိုင်းဖျောက်ထားတဲ့ (၇)ဇူလိုင်အရေးအခင်းနဲ့ တံတားနီ အရေးအခင်းလို ယနေ့ခေတ် ကျောင်းသားလူငယ် တွေမသိမမှီခဲ့တဲ့ သမိုင်းကြောင်းတွေကို ဆွေးနွေး ဟောပြောခဲ့ကြပါတယ်။ စစ်အစိုးရက ဒီမိုကရေစီရေး တောင်းဆိုလှုပ်ရှားခဲ့ကြတဲ့ ကျောင်းသားလူငယ်တွေကို ဘယ်လိုမျိုးအကြမ်းဖက် နှိမ်နင်းခဲ့တယ်ဆိုတာနဲ့အဲဒီအရေးအခင်းတွေမှာ ကျဆုံးခဲ့တဲ့ ကျောင်းသား လူငယ်ပေါင်းများစွာ ကိုဒီနေ့လိုကမ္ဘာ့ ဒီမိုကရေစီလူငယ်များ နေ့မှာ သူတို့ရဲ့ စွန့်လွှတ်ပေးဆပ်မှုတွေကို ဂုဏ်ပြုတဲ့အနေနဲ့ ဆွေးနွေးပွဲ ပြုလုပ်ခဲ့ခြင်းဖြစ်ပါတယ်။ ဆွေးနွေးပွဲအပြီးမှာ ကျွန်တော်တို့ လူငယ်တွေ သဘောတူညီချက်တခု ချမှတ်ခဲ့ပါတယ်။ အဲဒါကတော့ ကျွန်တော်တို့ နိုင်ငံဒီမိုကရေစီရရှိရေးအတွက်အရင်က နောင်တော်ကြီးတွေရဲ့ လမ်းစဉ်အတိုင်း ကျွန်တော်တို့ရဲ့ အသက်တွေ၊ သွေးတွေ၊ ချွေးတွေ ပေးဆပ်ပြီး မြန်မာနိုင်ငံမှာ အမြစ်တွယ်နေတဲ့ စစ်အာဏာရှင်စနစ် ပြုတ်ကျပြီး ဒီမိုကရေစီရရှိသည်.. အထိ လှုပ်ရှားဆောင်ရွက်ကြမယ်လို့ သံဓိဌာန်ချခဲ့ကြပါတယ်။ လှုပ်ရှားမှုနှစ်ခုစလုံးကို သိုသိုသိပ်သိပ် လုပ်ဆောင်ခဲ့ကြတဲ့အတွက် အာဏာပိုင်တွေရဲ့ နှောက်ယှက်တာ၊ ဖမ်းဆီးတာမရှိခဲ့ပါဘူး” ဟုပြောကြားသွားပါသည်။ ၂၀၀၇မျိုးဆက်ကျောင်းသားသမဂ္ဂ ကျောင်းသားများသည် ဗမာနိုင်ငံဒီမိုကရေစီရေး တက်ကြွလှုပ်ရှားသူများ တပ်ပေါင်းစုတွင်ပါဝင်ပြီး ၂၀၁၀ရွေးကောက်ပွဲ ဆန့်ကျင်ရေးနှင့် ၂၀၁၀အလွန်ကာလတွင်လည်း ၂၀၀၈ဖွဲ့စည်းပုံ အခြေခံဥပဒေ ဆန့်ကျင်ရေးများ ဆက်လက်ပြုလုပ် သွားကြမည်ဖြစ်ကြောင်း သိရှိရသည်။

ဗမာနိုင်ငံဒီမိုကရေစီရေး တက်ကြွလှုပ်ရှားသူများ တပ်ပေါင်းစုတွင် မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီး၊ NEW GENERATION၊ ရွှေဝါရောင်မျိုးဆက်အဖွဲ့၊ ၂၀၀၇မျိုးဆက်ကျောင်းသားများ သမဂ္ဂ၊ မြေလတ်ကျောင်းသားများအဖွဲ့၊ ရန်ကုန်တိုင်းအတွင်း ဒီမိုကရေစီရေး တက်ကြွလှုပ်ရှားသူ ကျောင်းသားလူငယ်အင်အားစုများနှင့် ၉၀ခုမျိုးဆက်အဖွဲ့ စသည့်အဖွဲ့ ပေါင်းခုနှစ်ဖွဲ့ ပါဝင်သည်။
ပေးပို့လာသူအား ကျေးဇူးတင်ပါသည်...
Subscribe to: Post Comments (Atom)