အဖွဲ့ချုပ်ဟာ မိမိရဲ့ ဆုံးဖြတ်ချက်တွေကို ခိုင်ခိုင်မာမာ ရပ်တည်ရမယ်ဟု လူထုခေါင်းဆောင် ဒေါ်အောင်ဆန်းစုကြည်ပြောဆို
လူထုခေါင်းဆောင် ဒေါ်အောင်ဆန်းစုကြည်မှ အဖွဲ့ချုပ်၏ ၂၉ရက်နေ့က တညီတညွတ်တည်း ဆုံးဖြတ်လိုက်သည့် ပါတီမှတ်ပုံမတင်ရေး ဆုံးဖြတ်ချက်အား ကျေနပ်ကြောင်းနှင့် အဖွဲ့ချုပ်အနေနဲ့ မိမိရဲ့ ဆုံးဖြတ်ချက်တွေကို ခိုင်ခိုင်မာမာ ရပ်တည်ဖို့ ယနေ့ အကျိုးဆောင်ရှေ့နေကြီးများ ဖြစ်ကြသည့် ဦးကြည်ဝင်း၊ ဦးဥာဏ်ဝင်းတို့နှင့် ၂နာရီခန့် တွေ့ဆုံခွင့်ရစဉ် ပြောဆိုလိုက်ပါတယ်။ဒီကနေ့နေ့လည် ၁နာရီကနေ ၃နာရီအအထထိ ဒေါ်အောင်ဆန်းစုကြည်နဲ့ ၂နာရီလောက် တွေ့ခွင့်ရပါတယ်။ အထူးအယူခံကိစ္စအတွက် ဥပဒေအကြောင်းအရာ အချက်(၇)ချက်ထဲက (၅)ချက်တော့ ညှိနှိုင်းပြီးစီးသွားပြီး.. ကျန်တဲ့ (၂)ချက်ကတော့ နောက်တခါသွားမှ ဥပဒေတွေမှာ ရှာဖွေပြီး ပြန်ညှိရမယ်။ ဒီနေ့ဒေါ်အောင်ဆန်းစုကြည်နဲ့ အဖွဲ့ချုပ်ကိစ္စစကားပြောဖြစ်ပါတယ်။ ပြီးခဲ့တဲ့လ (၂၉)ရက်နေ့က ဆုံးဖြတ်လိုက်တဲ့ နိုင်ငံရေးပါတီများ မှတ်ပုံတင်မတင်ကိစ္စကို အဖွဲ့ချုပ်ဝင်တွေ တညီတညွတ်တည်း ဆုံးဖြတ်နိုင်တာ ဝမ်းသာ.. ကျေနပ်တယ်... နောက်မနေ့က အဖွဲ့ချုပ်က ထုတ်ပြန်တဲ့ ပြည်သူသို့ ပန်ကြားချက်ကို သဘောတူတယ်။ ... နောက်အဖွဲ့ချုပ်ဟာ မိမိရဲ့ ဆုံးဖြတ်ချက်တွေကို ခိုင်ခိုင်မာမာ ရပ်တည်ဖို့ မှာကြားလိုက်ပါတယ်။ နောက်ဒေါ်အောင်ဆန်းစုကြည် မှာလိုက်တဲ့ အဖွဲ့ချုပ်ရဲ့ ဥပဒေကြောင်းအရ လုပ်ဆောင်ရမယ့် အချက်တွေကို.. အန်ကယ်တို့ သင်္ကြန်ပိတ်ရက်တွေ ပြီးရင်လုပ်ဆောင်ပါမယ်။ နောက် အဖွဲ့ချုပ်နဲ့ ပတ်သတ်တာတွေ မှာလိုက်တယ်... နောက်ပုဂ္ဂိုလ် တစ်ဦးချင်းအလိုက် မှာလိုက်တာတွေလည်း ရှိပါတယ်။ လုပ်ဆောင်စရာတွေ လုပ်ဆောင်ပြီးရင် အန်ကယ် ပြောပြနိုင်ပါမယ်။ ဟု အမျိုးသားဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ရှေ့နေကြီးဦးဥာဏ်ဝင်းက ပြောဆိုသွားပါတယ်။
ယနေ့ အဖွဲ့ချုပ်ရုံးမှာ ပြုလုပ်တဲ့ သတင်းစာရှင်းလင်းပွဲ ဓာတ်ပုံ မျှဝေသူ မြတ်လေးငုံအမျိုးသားဒီမိုကရေစီအဖွဲ့ချုပ်ဟာ စစ်အစိုးရရဲ့ မတရားတဲ့ ရွေးကောက်ပွဲ ဥပဒေ ထွက်ရှိလာပြီးတဲ့နောက် ပါတီမှတ်ပုံတင်မတင်၊ ရွေးကောက်ပွဲ ဝင်မဝင်ကိစ္စနဲ့ ပတ်သတ်ပြီး အကြပ်အတည်းများနဲ့ ယှဉ်ဆိုင်ခဲ့ရပြီး ပြီးခဲ့တဲ့ မတ်လ (၂၉)ရက်နေ့က ကျင်းပတဲ့ ပြည်နယ်နှင့်တိုင်းက ဗဟိုအလုပ်အမှုဆောင် ၁၀၀ကျော် အစည်းအဝေးမှာ ပါတီမှတ်ပုံမတင်ရန်နှင့် ရွေးကောက်ပွဲ မဝင်ရန်တညီတညွတ်တည်း ဆုံးဖြတ်ချက် ချနိုင်ခဲ့ပါတယ်။ စစ်အစိုးရမှ သတ်မှတ်ထားသည့် နိုင်ငံရေးပါတီများ မှတ်ပုံတင်ရမည့်ရက် နောက်ဆုံးရက်မှာ လာမည့်မေလ (၇)ရက်နေ့ နောက်ဆုံးဖြစ်ပါတယ်။
သတင်း ဒီမိုဝေယံ....
