ဒီမိုဝေယံ သို့ ပေးပို့သော တိုင်ကြားစာများ သတင်းများ ကို microsoft word ဖိုင်များဖြင့် ပေးပို့ပေးပါရန် လေးစားစွာတောင်းပန်အပ်ပါသည်။ ပေးပို့လာသော စာများကို အချိန်မှီဖော်ပြပေးနိုင်ရန်ကြိုးစားပါမည်။

ကြပ်ပြေးနေပြည်တော်က ဆောက်လက်စ ပါလီမာန်အဆောက်အဦး... (ဓာတ်ပုံ)

Photobucket
ကြပ်ပြေးနေပြည်တော်က ပြီးစီးတော့မယ့် ပါလီမာန် အဆောက်အဦးပုံပါ.. ၂၀၁၀ ကမ္ဘာ့ဖလားပွဲ ဘောလုံးကွင်း တည်ဆောက်သူတွေနဲ့ အပြိုင်အားသွန်ခွန်စိုက် အိတ်ထဲထည့်ပြီး တည်ဆောက်နေတာပါ။ ကမ္ဘာ့ဖလား ဘောလုံးပွဲလုပ်ခွင့်ရရင် အိမ်ရှင်နိုင်ငံက ဝင်ငွေသောက်သောက်လဲ ရသလို ဒီမှာလည်း နအဖနဲ့ အလွမ်းသင့်တဲ့ ကုမ္ပဏီတွေ ဝင်ငွေသောက်သောက်လဲ ရပါတယ်။ ဦးအောင်ဆန်းဦးရဲ့ ဇနီး ဒေါ်လဲ့လဲနွယ်သိန်းတို့ကလည်း နောက်ကျတဲ့ခြေထောက် သစ္စာဖောက် မဖြစ်ရအောင် ဦးအောင်ဆန်ဦးကို ခြေထိုးခံခိုင်းပြီး ဒေါ်လဲ့လဲနွယ်သိန်းတို့ အမျိုးတွေ ကန်ထရိုက်တွေရနေပါတယ်....။ မဆလခေတ်က စာစောင်တွေ ဖြစ်တဲ့ တေဇတို့၊ ရွှေသွေး(နေရွှေသွေးအောင်) တို့လည်း တစ်တပ်တအား ပါဝင်လှုပ်ရှားနေပါတယ်။
ကြပ်ပြေးနေပြည်တော်မှ ဆောက်လက်စ(စားလက်စ) ပါလီမာန်အဆောက်အဦ

ပြည်သူတွေအတွက် အန္တရာယ်ကင်း ပရိတ်ရေဖြန်းပေးဖို့တောင် စေတနာမရှိတာ ဒီလောက်ကြီးမားလှတဲ့ အဆောက်အဦးကြီးတွေ အများကြီးဆောက်နေတာ ဘယ်သူတွေ အတွက် ဘာအကြံနဲ့ ဆောက်နေတယ်ဆိုတာ စဉ်းစားကြည့်ရင် သိနိုင်ပါတယ်။ အာဏာရှင် သက်ဆိုးရှည်ရေးအတွက် ရေရှည်စီမံကိန်းဆိုတာ သိသာနေပါတယ်။ ကြပ်ပြေးမှာ လျှပ်စစ်မီး ထိန်ထိန်ညီးနေပြီး ပြည်သူတွေဘဝ ကတော့ ရေမရ၊ မီးမရနဲ့ မှောင်ထဲမှာ ငုတ်တုတ်နေနေရတာပါ။ စားဝတ်နေရေး အတွက် နေ့စဉ် ခက်ခဲကြမ်းတာစွာနဲ့ ရုန်းကန်နေရတာပါ... ဒီအဆောက်အဦးတွေဟာ တိုင်းပြည် ဘဏ္ဍာငွေတွေနဲ့ ပြည်သူလူထုရဲ့ အခွန်ငွေတွေနဲ့ပါ.. အာဏာရှင်တွေ ပိုင်တဲ့ငွေတွေ မဟုတ်ပါဘူး...။ တိုင်းပြည်ဘဏ္ဍာငွေ တွေကို စားရင်းမရှိ အင်းမရှိ ထင်တိုင်းကြဲ မိမိနဲ့ အမျိုးတွေ ကောင်းစားရေးအတွက် သုံးဖြုန်းနေကြတာပါ. မြန်မာနိုင်ငံမှာ လူတန်းစားနှစ်ရပ် သိသိသာသာကြီး ပေါ်ထွန်းနေပါပြီ.. မိမိတို့ရပိုင်ခွင့် လွတ်လပ်ခွင့်တွေကို တောင်းဆိုတိုက်ပွဲဝင်ပြီး နောင်လာမယ့် မိမိသားမြေးတွေရဲ့ အနာဂတ်ဟာ အခုမျိုးဆက် ပြည်သူတွေရဲ့ လက်ထဲမှာရှိနေတဲ့အတွက် အားလုံးညီညီညွှတ်ညွတ်နဲ့ ဒီအာဏာရှင် စံနစ်အောက်က အလွတ်ရုန်းကြပါစို့လို့ တိုက်တွန်းနှိုးဆော် လိုက်ရပါတယ်။

ဓာတ်ပုံပေးပို့လာသူ KSL အားကျေးဇူးတင်ပါသည်။

Subscribe to: Post Comments (Atom)