ဒီမိုဝေယံ သို့ ပေးပို့သော တိုင်ကြားစာများ သတင်းများ ကို microsoft word ဖိုင်များဖြင့် ပေးပို့ပေးပါရန် လေးစားစွာတောင်းပန်အပ်ပါသည်။ ပေးပို့လာသော စာများကို အချိန်မှီဖော်ပြပေးနိုင်ရန်ကြိုးစားပါမည်။

မဲပုံးလို့ သူတို့ပြောတဲ့အမှိုက်ပုံးတွေကို တိုင်းနှင့် ပြည်နယ် မဲဆန္ဒနယ်တွေကို ပို့နေပြီ

၂၀၁၀ ၊ နိုဝင်ဘာ ၇ ရက်နေ့မှာ နအဖစစ်အစိုးရက လုပ်မယ့်ရွေးကောက်ပွဲတွင် ဆန္ဒမဲပြား ထည့်ရန်အတွက် မဲပုံးတွေကို တိုင်းနှင့်ပြည်နယ် မဲဆန္ဒနယ်တွေကို ပို့နေပြီလို့သိရပါတယ်။ မြန်မာတပြည်လုံးမှာရှိတဲ့ တိုင်းနှင့်ပြည်နယ် အသီးသီးရှိ မြို့နယ်များတွင်လည်း မဲထည့်ခြင်းနှင့် ပတ်သက်တဲ့ လေ့ကျင့်ရေးလုပ်ငန်းတွေ၊ သင်တန်းတွေကိုလည်း နအဖစစ်အစိုးရက အတင်းအကျပ်ပြုလုပ် စေခိုင်းနေကြောင်း၊ ရန်ကုန်မြို့တော်ဝန် (စစ်အရေခွံလဲ) အောင်သိန်းလင်းကလည်း နာရေးကူညီမှုအသင်းတွေကို မြို့နယ်တိုင်း၊ ရပ်ကွက်တိုင်းတွင် အတင်းအကျပ် ဖွဲ့စည်းခိုင်းနေကြောင်း၊ ယင်းအသင်းများ တည်ဆောက်ဖို့ မြေနေရာများကိုလည်း နအဖစစ်အစိုးရမှ မြေကွက်နေရာများ အလကားချပေးနေကြောင်း၊ ရန်ကုန်မြို့တော်ဝန်အောင်သိန်းလင်း ကိုယ်တိုင် ၄င်း၏ဇာတိချက် ကြွေမွေးရပ်မြေဖြစ်သော ရန်ကုန်မြို့၊ တောင်ဥက္ကလာပမြို့နယ်တွင် နာရေးကူညီမှုအသင်းရုံးချုပ်ကို တည်ထောင်မည်ဖြစ်ကြောင်း၊ လက်ရှိအောင်မြင်နေသော စာရေးဆရာ၊ ဒါရိုက်တာဦးသုခ စတင်တည်ထောင်ပေးခဲ့သော ယခု ရုပ်ရှင်သရုပ်ဆောင်၊ ဒါရိုက်တာအကယ်ဒမီဦးကျော်သူ၏
နာရေးကူညီမှုအသင်း(ရန်ကုန်)ကိုယှဉ်ပြိုင်၍ ရန်ကုန်မြို့သူ၊မြို့သားများ၏ ဆန္ဒမဲကိုရအောင်ယူမည်ဟု ကြွေးကြော်နေကြောင်း ခိုင်လုံတိကျသော သတင်းရပ်ကွက်မှ သတင်းရရှိပါသည်။

သုတစွယ်စုံမှ ကြံ့ဖွတ်စွယ်စုံအဖြစ် ပြောင်းသွားတဲ့ ဒေါက်တာတင်ထွန်းဦး...

နောက်ဆက်တွဲ သတင်းအနေဖြင့် ကြားသိရသည်မှာ စာပေပညာရှင်၊ စာအုပ်ထုတ်ဝေသူ၊ သုတစွယ်စုံစာအုပ်ကို ထုတ်ဝေရေးသားနေသော (ဒေါက်တာတင်ထွန်းဦး)က ကြံ့ဖွတ်ပါတီကနေ၊ ပုဇွန်တောင်မြို့နယ် ကိုယ်စားလှယ်အဖြစ် ၀င်ရောက်အရွေးခံမယ်လို့ သိရပါတယ်။ ဒေါက်တာတင်ထွန်းဦးသည် ပညာရေး၊ ကျန်းမာရေး၊ အားကစား စသည့်ဖွံ့ဖြိုးရေး ဗဟုသုတစာပေများစွာကို ရေးသားခဲ့သော စာပေပညာရှင်တဦးဖြစ်ပါတယ်။ သို့သော် ယင်းစာပေပညာရှင်ကြီးကို ၄င်း၏စာပေပရိတ်သတ်မှ ထူးချွန်ထက်မြက်သော ပညာရှင်တယောက်အဖြစ် ယုံကြည်ထားခဲ့ကြရာ ယခုမူအထင်နှင့်အမြင် တက်တက်စင်အောင် လွဲချော်သွားခဲ့ပါသည်။ ယခုကဲ့သို့စာတတ်၊ ပေတတ်ပညာရှင် ကြီးပင် နအဖစစ်အစိုးရ၏ ခါးပိုက်ဆောင်တပ်ဖြစ်သော ကြံ့ဖွတ်ပါတီအတွင်းသို့ မည်သို့မည်ပုံ ရောက်ရှိသွားပါသလဲဟု ပြည်သူအများက စဉ်းစားရ အလွန်ကြပ်သွားပါသည်။ အများလက်ခံ ယုံကြည်ထားခဲ့သော စာပေပညာရှင် ဒေါက်တာတင်ထွန်းဦး မှ ပြည်တွင်းမှ ထုတ်ဝေသောဂျာနယ် တစ်ခုသို့ အင်တာဗျူး ဖြေကြားခဲ့ပုံလေးကို အောက်မှာ ဖော်ပြလိုက်ပါတယ်။

မေး။ ။၂၀၁၀ မတ်လ ၈ ရက်မှာ ရွေးကောက်ပွဲဥပဒေများ ထွက်လာပါတယ်။ မြန်မာနိုင်ငံစာပေနှင့် စာနယ်ဇင်းအဖွဲ့ ရွေးချယ်ပွဲက မေလ ၁၆ ရက် နဲ့ ၁၇ ရက်မှာလုပ်ခဲ့ပါတယ်။ စာပေနှင့်စာနယ်ဇင်းမှာ ဒေါက်တာတင်ထွန်းဦး ၀င်အရွေးခံခဲ့တယ်ဆို တော့ စာနယ်ဇင်းရွေးပွဲ အချိန်ထိ နိုင်ငံရေးလုပ်မယ်လို့ စိတ်ကူးမရှိခဲ့ဘူး ထင်တယ်...

ဒေါက်တာတင်ထွန်းဦး။ ။ အဲ့ဒီစာပေနှင့် စာနယ်ဇင်းအဖွဲ့မှာ ပြန်လည်ရွေးချယ်ခံခဲ့ရတဲ့ မေလ လောက်တုန်းက နိုင်ငံရေးနယ်ပယ်ကို ၀င်ရောက်ဖို့ တိတိကျကျ မဆုံးဖြတ်ရသေးပါဘူးတဲ့ အဲ့လိုဖြေကြားခဲ့ပါတယ်။ ဒီလိုပညာတတ်၊ စာတတ်၊ ပေတတ်ပုဂ္ဂိုလ်တယောက် အနေနဲ့ အမျှော်အမြင်ရှေ့ကို စဉ်းစားဆုံးဖြတ်တဲ့ အသိဥာဏ်ပညာတွေဟာ ဘယ်ဝယ်ဘယ်ဆီ ရောက်သွားပါသလဲ ဒေါက်တာရယ်လို့ မေးလိုက်ချင်ပါတယ်။ ဒီလိုစာတတ်၊ ပေတတ်၊ ပညာရှင်တွေက အမှန်တရားကို မသိချင်ယောင်ဆောင်၊ ဂုဏ်ငွေစည်းစိမ် ရာထူးအတွက် တပ်မက်စွာနဲ့ နအဖစစ်အစိုးရ ခိုင်းသမျှကို ခေါင်းညိမ့် ကျွန်ခံနေမယ်ဆိုရင်၊ ဒီလိုလူတွေဦးဆောင်မဲ့ မြန်မာပြည်ရဲ့အနာဂတ် နိုင်ငံရေး၊ စီးပွားရေး၊ ပညာရေး၊ ကျန်းမာရေး၊ လူမှုရေးတွေသည် တိုးတက်လာစရာ မရှိသည့်အပြင် ဆုတ်ယုတ် သထက်ဆုတ်ယုတ် သွားမှာ သေချာနေပါကြောင်း၊ ယင်းကဲ့သို့ပုဂ္ဂိုလ်မျိုးများနှင့် လက်ရှိ ၀င်အရွေးခံမဲ့ပါတီတွေကို ပြည်သူတွေအနေနဲ့ ယုံကြည်သင့်ပါသလား၊ ဆန္ဒမဲ ပေးသင့်ပါသလား ဆိုတာကို အသေအချာ စဉ်းစား ဆုံးဖြတ်တော် မူကြပါခင်ဗျာ။

လေးစားဦးညွှတ်လျှက်
BP

Subscribe to: Post Comments (Atom)