ပန်းမြတ်ဧကရီ ( ၀ါ ) ဒေါ်အောင်ဆန်းစုကြည် ကဗျာရှင် (ဗမာ့သွေး)
မွန်မြတ်တဲ့ နှလုံးအလှနဲ့
ဖြူစင်လှတဲ့ ကိုယ်ကျင့်တရားကြောင့်
လူအများက လေးစားသော အားဖြင့်
ပန်းတွေရဲ့ အမည်နဲ့ အမေ့ကို တင်စား
အချို့က နှင်းဆီနီ
အချို့က သဇင်နီ
ကြုံလာသမျှ ဒဏ်တွေကို ကြံကြံခိုင်လို့
ဗေဒါပန်း လို့ ဂုဏ်ယူဝင်ကြွားကြပြန်တယ်…….။
အာဏာဆိုတဲ့ နွံထဲမှာ မနစ်ဘဲ
ဇွဲများနဲ့ အမြဲရုန်းထလို့ အဆင်းလှတဲ့ အမေကို
ကြာပန်းတပွင့်ပါတဲ့……။
သူတို့ကို အားကျလို့ အမေ့သားလည်း
ပန်းမြတ် ဧကရီ လို့ တင်စားပါရစေ………….အမေ။
အမေ့နူတ်ဖျားက ရွတ်ဆိုလိုက်တဲ့
ငြိမ်းချမ်းရေး တေးသံတွေက
ပြည်သူများရဲ့ နားထဲကို
ချိုသာစွာ စီးဝင်သွားခဲ့ပေမယ့်
မဟုတ်တာ အကုန်လုပ်ကာ
ယုတ်မာနေကြတဲ့ လက်နက်ကိုင် လူတစုက
ကြောက်ဒူးတွေ တုန်နေတာကိုက
အမှန်တရား အတွက် ခွန်အားပေမို့
သားတို့များစွာ အားတက်ခဲ့မိပါတယ်…..အမေ ။
နူးညံ့လှတဲ့ မိန်းမသား တစ်ယောက်ပေမယ့်
ကြောက်ရွံ့ခြင်းတွေကို အပြီးတိုင်မောင်းထုတ်
အာဏာရှင်စနစ်ကို စက်ဆုပ်ရွံရှာ
ဒီမိုကရေစီ မရသမျှတော့
ပြည်သူတွေ နစ်နာနေမှာကို တွေးပူ
တိုင်းပြည် အတွက် ပေးဆပ်
ကြီးမြတ်တဲ့ ဥာဏ်ပညာဖြင့်
ချင့်ချိန်လို့ တွေးပြ
ပြည်သူတွေကို လမ်းမှန်ပြတာ
အားရစရာ သိပ်ကိုကောင်းလို့
အမေ ကျန်းမာချမ်းသာပါစေလို့
သားတို့လည်း အမြဲ ဆုတောင်းလျှက်ပါ ……အမေ ။
အသက်နဲ ခန္ဓာ တည်နေသမျှတော့
ဒီမိုကရေစီ ၀ါဒ ခေတ်စားအောင်
မရရအောင် ကြိုးစားလုပ်ဆောင်မယ်ဆိုတဲ့
အမေ့ရဲ့ ရည်ရွယ်ချက်တွေ
အထမြောက် ရှင်သန်စေဖို့
အမေသွားရာ လမ်းတလျှောက်မှာ
ဘယ်သူ့ကိုမှ နင်းချမသွားဘဲ
ကိုယ်တိုင်က အနစ်နာခံ
စံပြအဖြစ် နေထိုင်ခဲ့လို့
ကမ္ဘာတ၀ှမ်းက ပညာရှင်လို့သတ်မှတ်
ဆုတံဆိပ်တွေ အမျိုးမျိုးပေးအပ်ခဲ့လို့
သားတို့တိုင်းပြည် အတွက်
ဂုဏ်တက်ခဲ့ရပါတယ်…………..အမေ…. ။
သယံဇာတတွေ ပေါကြွယ်ဝတဲ့
သားတို့ရဲ့ ဗမာပြည်ကြီးမှာ
လူ့မိစ္ဆာတွေရဲ့ အာဏာနဲ့ လောဘရမ္မက်
ထိုးနှက်ချက်ကြောင့် အမေ့ရဲ့
ရင်သွေးငယ်လေးတွေ
အနာဂတ်ခရီး အတွက် စမ်းတ၀ါးဝါးနဲ့
ဒုက္ခကြီးစွာ ခရီးဆက်နေကြရပြီ အမေရယ်…။
တချို့တွေက လမ်းမပေါ်မှာ အသက်ပျောက် ကုန်ကြတယ်
အချို့က အကျဉ်းထောင်ထဲမှာ လွတ်ရက်တွေကို လက်ချိုးရေတွက်နေကြတယ်
တချို့က တိုင်းတပါးကို ထွက်ပြေး တိမ်းရှောင်သွားကြရတယ်…..။
တချို့က တိုင်းတပါးမှာ ကျွန်ခံစားဖို့ လဘ်ထိုးသွားနေကြရပြီ ………..အမေရေ။
ကမ္ဘာ့အလယ်မှာ တခါက သိပ်လှပါတယ်ဆိုပြီး
ထင်ပေါ်ခဲ့တဲ့ဗမာနိူင်ငံလေးဟာ
အရေကို လွှာ အသားကို လှီး
ဂုတ်သွေးစုပ်တာ အားမရလို့
ကလီစာကို ဖောက်ထုတ်တဲ့ပြင်
ချဉ်ဆီကိုပါ စုပ်ချင်ကြတဲ့
ယုတ်မာတဲ့ လူတစုကြောင့်
ဆိုးဝါးလှတဲ့ ဝေဒနာ တရပ်ကို
ရင်မှာ ဖက်ကာ နောက်ဆုံး မျှော်လင့်ချက် အဖြစ်
မခံမရပ်နိူင်တဲ့ ဟန်ပန်နဲ
နာကြည်းစွာ ငြီးတွားပြနေပြီ…...အမေ ။
အာဏာကို အကြောင်းပြု
လူတစုရဲ့ ထောင်းထုချက်
ကြမ်းကြုတ်လို့ ယုတ်မာပက်စက်တဲ့ဒဏ်
ခံနေရတာ ကံကြမ္မာကြောင့်ပါလို့
တခါလေးမှ မတွေးခဲ့ဘဲ
ဥာဏ်နဲ့ ယှဉ်ကာ အစဉ်ကြိုးစားပြီး
မတရားတာ မှန်သမျှကို
ရှေ့တန်းကနေ ဆန့်ကျင်ပြလို့
သူရဲကောင်း ပီသ
လွန်းလှပါတယ်...အမေ ။
လူမိုက်တို့ ကြီးစိုးနေသမျှ
အမှန်တရားကို လက်ကိုင်ထားသူများ
ဆင်းရဲဒုက္ခများတာ သိနေပါလျှက်နဲ့
တချက်လေးမှ နောက်မတွန့်ဘဲ
ချီတက်ရဲတဲ့ အမေ့သတ္တိကို
လေးစားလွန်းလို့ တမ္ဘာလုံးမှ
ပညာရှင် အများစုက အမေ့ကို သူရဲကောင်းပါလို့
ခေါ်ဆိုသံကို ကြားရတိုင်း... အနှိုင်းအဆမဲ့ ဂုဏ်ယူမိပါတယ်...အမေ။
၆၆ နှစ် အရွယ် မငယ်တော့တဲ့
အမေ့ရုပ်သွင်မှာ ရဲရင့်ခြင်းမာန်တွေဝင်
သိမ်မွေ့တဲ့ အပြင်အဆင် နဲ့
အမှန်တရားကို လက်ကိုင်ထားကာ
တိုက်ပွဲဝင်နေတဲ့ သူရဲကောင်းတို့မိခင်ရဲ့
အနာဂတ် ဘ၀ခရီးလမ်းမှာ
ကိုယ်စိတ်နှပါး ကျန်းမာ ရွှင်လန်းစွာဖြင့်
ဗမာဆိုတဲ့ သားတို့ တိုင်းပြည်လေးကို
ကမ္ဘာအလယ့်မှာ ၀င်ကြွားနိူင်ဖို့
ဒီမိုကရေစီ အနှစ်သာရ ပြည့်ဝတဲ့
တိုင်းပြည်တစ်ခုအဖြစ်သို့ အမြန်ဆုံး တည်ဆောက်နိူင်ပါစေ အမေ...။
ခင်မင်လေးစားလျှက်
ဗမာ့သွေး + ဗမာ့သွေး ချစ်သူ
ဒီကဗျာလေးနဲ့ ပတ်သက်လို့ မိတ်ဆွေတို့ ခံစားရတာကို ရင်ဖွင့်ပြချင်တယ် ဆိုရင် ဒီလင့်လေးကို နှိပ်ကာ လာရောက် ပြောကြားနိူင်ပါတယ် ခင်ဗျာ .။
