ရန်ကုန်တော့ ဖြည်းဖြည်းပေါ့... ရန်ကုန်တော့ ဖြည်းဖြည်းပေါ့... ရန်ကုန် မရောက်လည်း အရေးမကြီးပါဘူး...

မန္တလေး ဈေးချိုတော်ရှေ့ ဗုံးပေါက်ကွဲမှု မြင်ကွင်း (ဓာတ်ပုံ AP,Reuters)

မြန်မာပြည်ရဲ့ အခုလို ဗုံးရာသီ... အဲမှားလို့ မိုးရာသီ ရောက်ရင်တော့ ကျွန်တော်တို့ ငယ်ငယ်က နာမည်ကျော် သီချင်းလေးတစ်ပုဒ်ကို ကလေးတို့ ဘာသာဘာဝ ဆိုခဲ့ဖူးတာလေး သတိရမိပါတယ်.. ဘာတဲ့ လေယာဉ်ပျံကို ခဲနဲ့ ပေါက်ရင်ထိလိမ့်မယ်... ဘူတာရုံမှာ သဘောင်္ကြီးတွေ ဆိုက်လိမ့်မယ် မယုံမရှိနဲ့ ဆိုလားပဲ... နောက်ဆုံးမှာ ဝိုင်းဆိုကြတာ ကတော့ အာလူးလာမပေးနဲ့ လေကိုနည်းနည်းလျှော့တဲ့...။ အဲ့ဒီသီချင်းနာမည်ကြီးပြီး မကြာခင်မှာပဲ ပြည်မြို့မှာ ဧရာဝတီမြစ်ရေကြီးလို့ ပြည်ဘူတာရုံအထိ လှေတွေ သမ္ဗာန်တွေ ကပ်လို့ရတယ်ဆိုလား သတင်းစာမှာ ပါလာတယ်လို့ လူကြီးတွေ ပြောဘူးပါတယ်...။

ထားပါတော့ဗျာ ခုဒီနေ့ပဲ အလုပ်ကနောက်ကျပြီး အိမ်ပြန်ရောက်လာတော့ အင်တာနက်ဖွင့်ဖွင့်ချင်းပဲ... မန္တလေး၊ မေမြို့နဲ့ ကြပ်ပြေးနေပြည်တော်မှာ ဗုံးတွေပေါက်လို့တဲ့...။ မြန်မာပြည်ရဲ့ ၂၃နှစ်တာ ကာလအတွင်း တိုင်းပြည်နိုင်ငံရေး ဒီရေ အတက်အကျပေါ် မူတည်ပြီး ဗုံးတွေ မိုးကြိုးပစ်သလို ဟိုနေရာကျ ဒီနေရာကျပေါ့... တချို့ဗုံးတွေက ပေါက်ပြီးနာရီပိုင်းအတွင်း တရားခံကို ချက်ချင်းစွပ်စွဲ ကြေငြာနိုင်တာ မြန်မာပြည် ထောက်လှမ်းရေးရဲ့ အားသာချက်ပါပဲ...။ စွပ်စွဲလိုက်ရင်လည်း နယ်စပ်က KNU၊ ကျောင်းသားတပ်မတော်၊ ပြည်ပြေး အစရှိတဲ့ အတိုက်အခံ အဖွဲ့ပေါင်းစုံကို လက်တံတွေးဆွတ် နံကြား လက်ထောက် မကောင်းသူထိပ် ကောင်းသူထိပ်ဆိုပြီး စွပ်စွဲနေတာ အလွတ်ကို ရနေလောက်အောင် ပြည်သူတွေ နောကြေနေကြပါပြီ။ တခါတခါ နယ်စပ်က မရှိတဲ့စခန်း၊ မရှိတဲ့ လူနာမည်တွေကို ထည့်ပြီး စွပ်စွဲနိုင်တာလည်း မြန်မာပြည်က သက်ဆိုင်ရာ အာဏာပိုင်တွေရဲ့ စေ့စပ်သေချာမှုတွေပါပဲ...။  ခုလတ်တလော နယ်စပ်က တိုင်းရင်းသား လက်နက်ကိုင်တွေနဲ့ တိုက်ပွဲတွေ ဖြစ်ပျက်နေတာတွေ နောက် လူထုခေါင်းဆောင် ဒေါ်အောင်ဆန်းစုကြည်ရဲ့ ပြည်တွင်းခရီးစဉ်တွေ မစမှီမှာ တိုက်တိုက်ဆိုင်ဆိုင် ဖော်မြူလာဗုံးတွေ ဆက်တိုက် ပေါက်နေတာကလည်း စဉ်းစားစရာပါပဲ...။

အင်းငယ်ငယ်က သီချင်းလေးလို မြို့တော်အထင်ကရ နေပြည်တော်မှာ ဗုံးခဏခဏ ပေါက်တာကြားဘူးပြီ မယုံမရှိနဲ့ပေါ့..။  ကြည့်ရတာ နေပြည်တော်ဆိုတာ ဝင်ချင်တိုင်းဝင် ထွက်ချင်တိုင်းထွက် ဗုံးတွေသယ်ချင်တိုင်း သယ်လို့ရတဲ့  လက်နက်မှောင်ခိုတွေ ခရီးတထောက်နားရာ ဒုစရိုက်မြို့ကြီးလားပဲ...။ ဗုံးတွေကတာ့ မိုးရာသီမှာ ကြေငြာနေတဲ့ မြန်မာ့အသံရဲ့ မိုးလေဝသ သတင်းလိုပေါ့ မန္တလေးမြို့နှင့် အနီးတဝိုက်တွင် နေရာကွက်ကြား ဗုံးထစ်ချုန်း ရွာမည်...။  ကိုအောင်မျိုးထွန်း ပေးပို့လာတဲ့ စိုင်းထီးဆိုင်ရဲ့ နာမည်ကြီး သီချင်းတစ်ပုဒ်လို ဆိုပြရရင်တော့..

♫ ♫ ♫   ရန်ကုန်တော့ ဖြည်းဖြည်းပေါ့... ရန်ကုန်တော့ ဖြည်းဖြည်းပေါ့... ရန်ကုန် မရောက်လည်း အရေးမကြီးပါဘူး... ရန်ကုန်တော့ ဖြည်းဖြည်းပေါ့... ရန်ကုန်တော့ ဖြည်းဖြည်းပေါ့... ရန်ကုန်မြို့ကြီး ထွက်မပြေးပါဘူး... ♫ ♫ ♫ တဲ့

ရန်ကုန်မြို့နဲ့ အနီးတဝိုက်တွင်ကတော့ ရွာရန် ရာခိုင်နှုန်းကတော့ သက်ဆိုင်ရာ အာဏာပိုင်တွေ အပေါ်မှာ မူတည်ပါသည်ပေါ့။ နောက်နေ့တွေမှာ ဒီဗုံးပေါက်ကွဲမှုနဲ့ ပတ်သက်ပြီး အက်ကြောင်းထပ်နေတဲ့ သတင်းစာ ရှင်းလင်းပွဲတွေ ကြေငြာချက်တွေ မထုတ်ခင်မှာ ထပ်ပြီး ပြောလိုက်ပါဦးမယ် အာလူးလာမပေးနဲ့ လေကိုနည်းနည်းလျှော့လို့......

ကျွန်တော်တို့ ပြည်သူပြည်သားတွေ ဘေးရန်ကင်းကြပါစေ...။
ဒီမိုဝေယံ

နေပြည်တော် သပြေကုန်းရပ်ကွက် ငုဝါလမ်းရှိ အိမ်တစ်အိမ်၌ ဖြစ်ပွားခဲ့သော ပေါက်ကွဲမှုဖြစ်စဉ်ကို တွေ့ရစဉ် ဓာတ်ပုံ Eleven Media Group

နေပြည်တော်က Police ...

ပြင်ဦးလွင်မြို့ ရပ်ကွက်ကြီး ၃ အကွက်အမှတ် ၄ရှိ နေအိမ်တစ်ခုတွင် ဗုံးပေါက်ကွဲမှု ဖြစ်ပွားပြီးနောက် မြင်ကွင်းအား တွေ့ရစဉ် ဓာတ်ပုံ... Eleven Media Group

ဓာတ်ပုံများ AP,Reutersနှင့် Eleven Media Group မှရယူပါတယ်..။