ဒီမိုဝေယံ သို့ ပေးပို့သော တိုင်ကြားစာများ သတင်းများ ကို microsoft word ဖိုင်များဖြင့် ပေးပို့ပေးပါရန် လေးစားစွာတောင်းပန်အပ်ပါသည်။ ပေးပို့လာသော စာများကို အချိန်မှီဖော်ပြပေးနိုင်ရန်ကြိုးစားပါမည်။

မြန်မာပြည်တွင်းမှ လူငယ်လူရွယ်များရဲ့ နိုင်ငံရေး အကျဉ်းသားများအလုံး ချွင်းချက်မရှိ လွတ်မြောက်ရေး လှုပ်ရှားဆောင်ရွက်မှု (သတင်း၊ ဓာတ်ပုံများ)






နိုင်ငံရေး အကျဉ်းသားများအားလုံး ချွင်းချက်မရှိ အမြန်ဆုံး လွတ်မြောက်ရေးအတွက် လှုပ်ရှားမှုများ ဆောင်ရွက်ကြရာတွင် ယနေ့ မနက်ပိုင်းက ရန်ကုန်မြို့နယ် အနှံ့တွင် တက်ကြွစွာ လှုပ်ရှား ဆောင်ရွက်နေကြသော လူငယ်လူရွယ်များ စုပေါင်း၍ နိုင်ငံရေးအကျဉ်းသားများ လွတ်မြောက်ရေး လှုပ်ရှားမှုတစ်ရပ် အနေဖြင့် အများပြည်သူများ လက်မှတ်ရေးထိုး တောင်းဆိုမှု ပြုလုပ်ကြရန် ပန်ကြားထားသည့် စာများအား စာအိတ်များတွင် ထည့်သွင်းပေးပို့ခြင်းများ၊ အမျိုးသားခေါင်းဆောင်ကြီး လွတ်လပ်ရေးဖခင်ကြီး ဗိုလ်ချူပ်အောင်ဆန်းရုပ်ပုံနှင့်တကွ ဖေါ်ပြထားသော “နိုင်ငံရေးအကျဉ်းသားများ လွှတ်ပေးရေး” အစရှိသည့် စာသားပါ စာရွက်စာတမ်းများအား အများပြည်သူများ စည်ကားသွားလာရာ နေရာများတွင် ပေးဝေခြင်း ဖြန့်ချီခြင်းများ ပြုလုပ် ဆောင်ရွက်ခဲ့ကြပါတယ်။

ဤလှုပ်ရှားမှုအား ဇွန်လ (၁၄) ရက်နေ့မှ စတင်ဆောင်ရွက်ခဲ့ပြီး ယနေ့တွင်လည်း ယခုကဲ့သို့ ထပ်မံဆောင်ရွက်ခြင်း ဖြစ်ပါတယ်။ ရန်ကုန်မြို့ ပတ်ဝန်းကျင်တွင် လုံခြုံရေးများ တင်းကြပ်နေသည့်ကြားမှပင် အဆိုပါလူငယ်လူရွယ်များမှ အစုအဖွဲ့ များ ခွဲပြီး ပြုလုပ်ခဲ့ခြင်း ဖြစ်ပါတယ်။ ယခုလှုပ်ရှားမှုနှင့် ပတ်သက်၍ -

"မထသ (၁၀၂) ကားပေါ်တွေ၊ ပန်းခြံတွေမှာပါ ဖြန့်ဝေပါတယ်။ ဒီအပြင် စစ်ရုံးဘေးမှတ်တိုင်တွေ၊ နဝဒေးရုပ်ရှင်ရုံရှေ့တွေ၊ (၂၉) လမ်း မဂိုလမ်းနဲ့ မြေနီကုန်းဘက်တွေမှာ ဖြန့်ဝေကြပါတယ်။ မြောက်ဥက္ကလာပက ဆေးရုံတွေရဲ့ စာသင်ဆောင်တွေမှာလည်း စာရွက်စာတမ်းတွေကို ကပ်ခဲ့ကြတယ်။ စာသင်ဆောင် ဆေးကျောင်းသားတွေနေရာ မြောက်ဥက္ကလာပက အထက (၁) နဲ့ (၂) ကျောင်းတွေဘက်ပါ ဖြန့် ဝေခဲ့ကြပါတယ်” လို့  ပြောကြားပါတယ်။

နိုင်ငံရေး အကျဉ်းသားများ လွတ်မြောက်ရေး လှုပ်ရှားမှု တစ်ရပ်အနေဖြင့် အများပြည်သူများ လက်မှတ်ရေးထိုး တောင်းဆိုမှုပြုလုပ်ကြရန် ပန်ကြားထားသည့် စာများအား စာအိတ် အရေအတွက် (၂၀၀၀) ၀န်းကျင် ဖြန့်ဝေခဲ့ပါတယ်။ စာထဲမှာ ရေးသားထားတဲ့ စာသားတွေကတော့ 

 “လွတ်လပ်ရေးဖခင်ကြီး ဗိုလ်ချူပ်အောင်ဆန်းရဲ့ သမီးဖြစ်သူ ဒေါ်အောင်ဆန်းစုကြည်ရဲ့ ယခုကျရောက်မည့် (၆၆) နှစ်မြောက် မွေးနေ့တွင် အများပြည်သူများမှ ည (၇) နာရီတိတိအချိန်တွင် မိမိတို့ အိမ်ဘုရားတွင် ဖရောင်းတိုင် (၅) တိုင် ထွန်းညှိပြီး မွေးနေ့ဆုတောင်းပေးကြပါရန်နှင့် မြန်မာပြည်သူပြည်သားများ အတွက် စစ်မှန်သော ဒီမိုကရေစီ ရရှိဖို့ တိုက်ပွဲဝင်းရင်း အာဏာရူးများရဲ့ မတရားဖမ်းဆီးမှုကို ခံနေကြရသော နိုင်ငံရေး အကျဉ်းသားများအားလုံး အမြန်ဆုံးလွတ်မြောက်စေဖို့ ဆုတောင်း မေတ္တာပို့ပေးကြပါရန် ဆိုပြီး ရေးသားထားပါတယ်" လို့  ပြောဆိုပါတယ်။

ယခုဆောင်ရွက်သော နိုင်ငံရေးအကျဉ်းသားများ လွတ်မြောက်ရေးလှုပ်ရှားမှုအား အဆိုပါ လူငယ် လူရွယ်များ အနေဖြင့် လက်ရှိလုံခြုံရေး တင်းကြပ်စွာ ချထားမှုများကြားထဲမှ ခက်ခက်ခဲခဲ လုပ်ကိုင်ကြရခြင်းဖြစ်တယ်လို့ လည်း ပြောဆိုပါတယ်။ "ကျတော်တို့ သူငယ်ချင်းတွေအားလုံး စုပေါင်းပြီး ၀ိုင်းဝန်းကူညီကြတဲ့ လူငယ်အားလုံးပေါင်း (၁၀) ဦးကျော်ကျော် ပါဝင်ပါတယ်။ နောက်ပြီး ဗိုလ်ချုပ်အောင်ဆန်းပုံပါ “နိုင်ငံရေးအကျဉ်းသားများ အမြန်ဆုံးလွှတ်” ဆိုပြီး စာသားတွေပါတဲ့ စာရွက်တွေကိုတော့ လက်ကမ်းစာစောင်တွေ၊ နံရံကပ် စာရွက်တွေအနေနဲ့လည်း ပြုလုပ်ဖြန့်ဝေခဲ့တာ ဖြစ်ပါတယ်၊ ပြီးတော့ အရင်က လုပ်ခဲ့ကြတဲ့ မျိုးဆက်သစ်လူငယ်များအစည်းအရုံး (Generation Wave – GW) ရဲ့ လုပ်ဆောင်မှုတွေကိုလည်း ကျွန်တော်တို့  လေးစားတယ် အားကျတယ်" လို့  အခက်အခဲများကြားမှ ဆောင်ရွက်ခဲ့ကြသူ လူငယ်လူရွယ်များထဲမှ တစ်ဦးက ပြောဆိုခဲ့ပါတယ်။

ယခုဆောင်ရွက်သော နိုင်ငံရေးအကျဉ်းသားများ လွတ်မြောက်ရေးလှုပ်ရှားမှု စုပေါင်းဆောင်ရွက်ခဲ့ကြသော လူငယ်လူရွယ်များမှာ ၂၀၀၇ ခုနှစ် “ရွှေဝါရောင်တော်လှန်ရေး သံဃာတော်များ လှုပ်ရှားမှု” မှ စတင်သန္ဓေတည် ပေါက်ဖွားခဲ့ပြီး ယနေ့ထိတိုင် အာဏာရူးများအား နည်းလမ်းပေါင်းစုံဖြင့် ဆန့်ကျင်တိုက်ပွဲဝင်နေကာ တိုင်းပြည်နှင့် လူမျိုး အာဏာရှင်လက်အောက်မှ လွတ်မြောက်ရေး၊ အမိမြန်မာနိုင်ငံ ငြိမ်းချမ်းသာယာရေးနှင့် မြန်မာပြည်သူပြည်သားများ လူ့အခွင့်အရေး ရရှိရေးအတွက် ဆောင်ရွက်ကြိုးပမ်းနေကြသော အမျိုးသားရေး စိတ်ဓါတ်ပြည့်ဝကြသည့် လူငယ်လူရွယ်များ ဖြစ်ကြပါတယ်။

ပေးပို့ပေးတဲ့ ကိုနစ်အား ကျေးဇူးတင်ပါသည်။ ပြည်တွင်းမှ အမျိုးသားရေး စိတ်ဓါတ်အပြည့်ဖြင့် လှုပ်ရှား ဆောင်ရွက်နေကြသော လူငယ်လူရွယ်များအား လေးစား ဂုဏ်ပြု မှတ်တမ်းတင်အပ်ပါသည်။

Subscribe to: Post Comments (Atom)