အမျိုးသားဒီမိုကရေစီအဖွဲ့ချုပ်၊ ပညာရေးကွန်ရက် ရန်ပုံငွေပေးအပ်လှူဒါန်းပွဲ...
အမျိုးသားဒီမိုကရေစီအဖွဲ့ချုပ်၊ ပညာရေးကွန်ရက် ရန်ပုံငွေပေးအပ် လှူဒါန်းပွဲ (၄.၅.၂၀၁၂)
အမျိုးသားဒီမိုကရေစီအဖွဲ့ချုပ်၊ အမေ့အိမ်ပညာရေး ကွန်ရက်မှ ရန်ကုန်တိုင်းအတွင်းရှိ အမေ့အိမ် ပညာဒါနကျောင်း (၂၅) ကျောင်းအား (၂၀၁၂-၁၃) ပညာသင်နှစ်အတွက် ပညာရေးရန်ပုံငွေ ပေးအပ်လှူဒါန်းပွဲ အခမ်းအနားကို ရွှေဂုံတိုင် အဖွဲ့ချုပ်ရုံးတွင် ယနေ့(၄.၅.၁၂) မွန်းလွဲ (၁း၀၀)နာရီမှာ စတင်ကျင်းပပြီး အလှူရှင် မိဘပြည်သူများမှ စုပေါင်းလှူဒါန်းငွေ ကျပ်သိန်း(၉၀) ကိုကျောင်းများသို့ ခွဲဝေလှူဒါန်းခဲ့ပါသည်။
အခမ်းအနားသို့ အဖွဲ့ချုပ်နာယကများ ဖြစ်ကြသော ဦးတင်ဦး၊ ဦးဝင်းတင်နှင့် ပညာရေးကွန်ရက်မှ တာဝန်ရှိသူများ အမေ့အိမ်ကျောင်း(၂၅)ကျောင်းမှ ကျောင်းတာဝန်ခံနှင့် ကော်မတီဝင်များ စုံညီစွာ တက်ရောက်ခဲ့ကြပါသည်။ အမေ့အိမ်ကျောင်းများကို ခြေခံမူ (၄) ချက်ဖြင့် Group(၃) ခုခွဲခြား သတ်မှတ်ပြီး A group မှ ကျောင်း(၅) ကျောင်းကို တစ်ကျောင်းလျှင် (၆)သိန်းကျပ်၊ B group မှကျောင်း(၁၀) ကျောင်းကို တစ်ကျောင်းလျှင် (၄)သိန်းကျပ်၊ C group မှကျောင်း(၁၀)ကို တစ်ကျောင်းလျှင်(၂) သိန်းကျပ်နှင့် ဗလာစာအုပ်ဒါဇင် (၅၀၀) ကိုလည်း မျှဝေလှူဒါန်း ပေးအပ်ခဲ့ပါသည်။
ပညာရေးကွန်ရက်
အမျိုးသားဒီမိုကရေစီအဖွဲ့ချုပ်
ကိုငယ်..
