မပြောချင်ပဲပြောရအုံးမယ်…..အပိုင်း(၁) ...မင်းသုည(ဗုဒ္ဓတက္ကသိုလ်)

မပြောချင်ပဲပြောရအုံးမယ်….. အပိုင်း(၁)

မင်းသုည(ဗုဒ္ဓတက္ကသိုလ်)

အခုတလော ရွှေည၀ါဆရာတော်ကိစ္စနဲ့ ပတ်သတ်ပြီး မ ဟ န ဆရာတော်ကြီးများ အကြောင်းကို တော်တော် များများ ဝေဖန်ပြောဆို ရေးသားလာကြတယ်။ ပြောနေကြသူတွေ အားလုံးကိုမေးကြည့်ရင် မပြောချင်ပဲ ပြောနေကြရတာ ဖြစ်ပါတယ်။ ကိုယ့်သာသနာရဲ့ ထေရ်ကြီးဝါကြီး ဆရာတော်ကြီးများကို မည်သူမဆို ကောင်းသတင်းကိုသာ ပြောချင်ကြပေမည်။ မကောင်းသတင်းကို မပြောချင်လို့ အောင့်အီးသည်းခံခဲ့ ကြသည်မှာ ကာလတော်တော် ကြာခဲ့ပါပြီ။ ကြာလေဆိုးလေ ဖြစ်လာလို့ အခုတော့အားလုံးက မပြောချင်ပဲပြောလာ ကြရပေပြီ။ စာရေးသူကိုလည်း သတင်းဌာနတစ်ခုက မေးလို့ မပြောချင်ပဲ ပြောလိုက်ရသေးတယ်။ မပြောမပြီး မတီးမမြည်၊ ပြောရေးရှိက ပြောအပ်လှ၏ ဆိုသလို ပြောမှပြီးမည့်အရာများကို မပြောချင်လည်း ပြောကိုပြောရပေမည်။ မြတ်စွာဘုရားရှင်၏ ဂုဏ်တော် ကိုးပါးမှာ တစ်ပါးအပါအ၀င်ဖြစ်တဲ့ သုဂတ ဂုဏ်မှာ မြတ်စွာဘုရားရှင်သည် စကား ၆ ခွန်းရှိသော်လည်း ၄ ခွန်းကိုပယ်ပြီး ၂ ခွန်းကိုတော့ ဘယ်လိုပဲဖြစ်ဖြစ်ပြောဆိုပါတယ်။

မြတ်စွာဘုရားပြောဆိုတဲ့ စကားနှစ်ခွန်းကတော့

(၁) မှန်တယ် သူများ မနှစ်သက်ဘူး အကျိုးရှိတယ် စကားတစ်ခွန်း။

(၂) မှန်တယ် သူများနှစ်သက်တယ် အကျိုးရှိတယ် စကားတစ်ခွန်း နှစ်ခွန်းဖြစ်ပါတယ်။

နံပါတ်တစ်စကားနဲ့ ပတ်သက်ပြီး မြတ်စွာဘုရားကို ပုဏ္ဏားတစ်ယောက်က မေးဘူးတယ် မြတ်စွာဘုရား မှန်တယ် အကျိုးရှိတယ် ဆိုတာတော့ ဟုတ်ပါပြီ ဒါပေမဲ့ သူများမှ မကြိုက်နှစ်သက်တာ ဘာလို့ ပြောတာလဲဘုရားလို့ လျှောက်ပါတယ်။ မြတ်စွာဘုရားက ဥပမာပေးပြီး ပြန်မေးပါတယ်။ အသင်ပုဏ္ဏား သင်ရဲ့ရှေ့မှာ ကလေးတစ်ယောက်က အိုးချမ်းကွဲတစ်ခုကို မျိုချလိုက်တယ်ဆိုပါစို့ လည်ချောင်းမှာ တစ်နေရင် သင်ဘယ်လို လုပ်မလဲတဲ့… ပုဏ္ဏားကတပည့်တော် ရအောင်ကြိုးစား ထုတ်ရမယ်ဘုရား။ ကလေးရဲ့ခေါင်းကို သေသေချာချာကိုင် ထားပြီး သွေးသံရဲရဲနဲ့ပဲ ရအောင်ထုတ်ရမယ်လို့ လျှောက်ပါတယ်။ ကလေး မနှစ်သက်ပဲနဲ့ ဘာလို့ အဲဒီလို လုပ်ရပါသလဲ ပုဏ္ဏားလို့ မေးတော့ ကလေးရဲ့ချမ်းသာရရေး အကျိုးကိုကြည့်ပြီး မနှစ်သက်ပေမဲ့ လုပ်ရပါတယ် ဘုရားလို့လျှောက်တော့ မြတ်စွာဘုရားက ဟုတ်တယ်ပုဏ္ဏား တစ်ခါတစ်ရံမှာ မကြိုက်နှစ်သက်လဲ အကျိုးကိုကြည့်ပြီး ပြောရတယ်လို့ မိန့်ဆိုခဲ့ဘူးပါတယ်။

အခုလဲ မ ဟ န ဆရာတော်ကြီးများကို သာသနာ့အကျိုး နိုင်ငံအကျိုးကို ကြည့်ပြီး မပြောချင်လဲ ပြောရအုံးမှာ ဖြစ်ပါတယ်။

ဦးဇင်းရဲ့ဆရာတော် တစ်ပါး မ ဟ န ဆရာတော်တွေနဲ့ ပတ်သက်ပြီး ပြောပြတာလေးကို အမှတ်ရနေမိပါတယ်။ ဆရာတော်က မြတ်စွာဘုရား လက်ထက်က ဒေ၀ဒတ်သည် မြတ်စွာဘုရားထံမှာ သံဃာတော်တွေကို အုပ်ချုပ်ဖို့ အာဏာလွဲပေးဖို့ တောင်းတော့ မြတ်စွာဘုရားက ပြောတယ်။ ..ငါ့ရှင်ဒေ၀ဒတ် ငါဘုရား ကိုယ်တော်တိုင် သံဃာတော်တွေကို အာဏာထားပြီး မအုပ်ချုပ်ဘူး၊ သူတို့ မှာကိုယ်စီကျင့်ကြံဖို့ ဓမ္မနဲ့ဝိနယ ရှိနေတယ်လို့ ပြောခဲ့ပါတယ်။ မြတ်စွာဘုရားကိုယ်တိုင် မလွဲခဲ့တဲ့ အာဏာ မ ဟ န ဆရာတော်တွေ လက်ထဲရောက် ပျက်ပြီပေါ့ကွ။ ဒီအဖွဲ့ကြီး ပေါ်လာပြီးတဲ့ နောက်ပိုင်း ကောင်းကျိုးထက် ဆိုးကျိုးက ပိုများတယ်လို့ ဆရာတော်က ဆိုပါတယ်။ ကျောင်းလုမှုတွေ ပိုများလာတယ်။ မလိုလားအပ်ပဲ ကျောင်းတွေကို အာဏာသုံးပြီး ချိတ်ပိတ်ပြစ်လာတယ်။ သမိုင်းကို ပြန်ကြည့်ပြန်ရင်လည်း အမြဲတမ်းလိုလို သံဃာတော်များဘက်က သာသနာတော်ဘာက်က မကြည့်ဘဲ န အ ဖ စစ်ဗိုလ်ကြီးများ ခိုင်းတဲ့အတိုင်း အမြဲတမ်း လိုက်လုပ်တာကို တွေ့ရပါမယ်။

တရုတ်ဘုန်းကြီးများအား ဤသို့..

မန္တလေးမှာ ၁၉၉၀ ခုနှစ်တုန်းက ကျဆုံးသွားကြတဲ့ သံဃာတော်တွေ ကျောင်းသားပြည်သူတွေ ကိုရည်စူးပြီး သံဃာ့ဒါန ဆွမ်းလောင်းလှူပွဲကြီး လုပ်ပါတယ်။ ဒါကို န အ ဖ စစ်အစိုးရက စစ်တပ်ကို လွှတ်ပြီးသေနတ်နဲ့ ပစ်သတ်ခိုင်းလို့ သံဃာတော်တွေ သွေးမြေကျခဲ့ ရတာကြောင့် ထင်ရှားကျော်ကြားသော ဆရာတော် ဦးကောဝိဒါဘိဝံသ၊ ဆရာတော် ဦးရာဇာဓမ္မဘိဝံသ စသည့် ဆရာတော်ကြီးများ ကိုယ်တိုင်ဦးဆောင်ကာ န အ ဖ စစ်အစိုးရကို မြတ်စွာဘုရားရှင်၏ ၀ိနည်းကံနှင့်အညီ သပိတ်မှောက်ခဲ့ပါတယ်။ ရန်ကုန်၊ ပဲခူး၊ ပြည်စသည့်မြို့ကြီးများပါ ပူးပေါင်းပါဝင်လာကာ သပိတ် မှောက်ကျပါတယ်။ န.ဝ.တ စစ်တပ်က သာရေးနာရေး ဘယ်လိုပဲ ပင့်ပင့် မလိုက်ကြပါဘူး။ သပိတ်ရဲ့ ကြီးမားကျယ်ပြန့်လာမှုကို အရမ်းကြောက်သွားတဲ့ ထိုအချိန်က န.ဝ.တ စစ်အစိုးရဟာ သူ့ရဲ့လက်ကိုင်ဒုတ် ဖြစ်နေတဲ့ သံဃာ့မဟာနာယက အဖွဲ့ကြီးကို ခုတုံးလုပ်ပြီး အမိန့်ထုတ်ခိုင်း ပါတော့တယ်။ မဟာနာယကတွေ ကလည်း သူတို့အာဏာ တည်မြဲရေးကလွဲပြီး ဘာမှမစဉ်းစားဘူး သံဃာတော်တွေရဲ့ မျက်နှာ ဘုရားရှင်ရဲ့မျက်နှာ ဘာကိုမှ မကြည့်တော့ဘဲ အမိန့်ထုတ်ပေး လိုက်ပါတော့တယ်။

အဲဒီအမိန့်ကြော်ငြာစာနဲ့ သံဃာတော် ဖမ်းပွဲကြီး စတင်ပါတော့တယ်။ ရန်ကုန်မြို့က ဆရာတော် ဦးသုမင်္ဂလာလင်္ကာရ တိပိတကဓရ ကောဝိဒ၊ ဆရာတော်ဦးတိလောကာဘိဝံသ ရွာမပရိယတ္တိစာသင် တိုက်၊ ဦးစန္ဒနသိရီဘိဝံသ ပထမကျော် ညောင်တုန်းစာသင်တိုက်၊ အလုံအောင်မင်္ဂလာ ဆရာတော်မန္တလေးမြို့ ဦးကောဝိဒါဘိဝံသ မစိုးရိမ်တိုက်ဟောင်း ဆရာတော်၊ ဦးရာဇာဓမ္မာဘိဝံသ မစိုးရိမ်တိုက်သစ် ဆရာတော် စသည့် ရန်ကုန်၊ မန္တလေး ထင်ရှားကျော်ကြားသော ဆရာတော်ကြီးများနှင့် သံဃာကြီးငယ်လတ်စုံစွာ သံဃာ့သပိတ်မှာ ပါဝင်သော သံဃာ အများအပြားကို ဖမ်းစီးထောင်ချနှိပ် စက်ခဲ့ကြပါတယ်။ တချို့သံဃာတော်တွေ ထောင်ထဲမှာ နှိပ်စက် ညှင်းပန်းဒဏ် မခံနိုင်လို့ ပျံလွန်တော်မူ ခဲ့ကြရပါတယ်။ တချို့ဆရာတော်တွေ ထောင်ကပြန်လွှတ်ပြီး မကြာမီမှာပဲ ထောင်ထဲက ဒဏ်တွေကြောင့် ပျံလွန်တော် မူခဲ့ကြရပါတယ်။ အဲဒီကစလို့ န အ ဖ စစ်အစိုးရဟာ သံဃာတော် တွေကို နည်းမျိုးစုံသုံးပြီး နှိပ်စက်ဖြိုးခွင်းလာပါတယ်။ ၎င်းတို့စည်းရုံးလို့မရတဲ့ ၎င်းတို့ကိုတော်လှန်တဲ့ သံဃာတော်တွေကို ထောင်ထဲကို နည်းမျိုးစုံ ကလိမ် ကကျစ်ကျပြီး သွင်းပါတယ်။

သူတို့စည်းရုံးလို့ရတဲ့ ကိုယ်တော်တွေကို ကျောင်းကြီးတွေ ဆောက်ပေးတာ သစ်ပါမစ်၊ ဘိလပ်မြေပါမစ်၊ သံပါမစ်၊ ကားပါမစ်ပေးတာတွေ လုပ်လာပါတယ်။ ဘွဲ့လက်မှတ်တွေကိုလည်း တအားပေါများစွာ ပေးလာ ပါတယ်။ ဘွဲ့လက်မှတ်ရဖို့ မဟန ဆရာတော်ကြီးတွေကို ပိုက်ဆံလာဘ်ထိုး ရတာတွေ၊ မ ဟ န ဆရာတော်ကြီးများကို ကြိုးကိုင်ပြီး ခိုင်းနေတဲ့ ဦးအံ့မောင်ကို လာဘ်ထိုးရတာတွေနဲ့ သံဃာတော်တွေ အကျင့်ပျက်လာပါတယ်။ သံဃာတောတွေ သြဇာပါဝါ ကျလာအောင် ကျောင်းတိုက်တွေထဲမှာ တရားဝင် လောင်းကစားဆိုင်တွေ ခွင့်ပြုလာပါတယ်။ ဒါကို မဟန ဆရာတော်ကြီးတွေ သိသိကြီးနဲ့ လစ်လျူရှု ထားခဲ့ကြပါတယ်။ ၁၉၉၆ ခုနှစ်မန္တလေးမှာ မဟာမြတ်မုနိဘုရားကြီးကို န အ ဖ စစ်ဗိုလ် ချုပ်ကြီးများ ညဘက် လူချေတိတ်ချိန်မှာ ခိုးကြောင်ခိုးဝှက် ဗိုက်ဖေါက် ရတနာများ ခိုးယူတာနဲ့ ပတ်သတ်ပြီး သံဃာတော်များက မကျေနပ် ကြပါဘူး။

မန္တလေး လေးပြင်လေးရပ်ရှိ သံဃာတော်များ စုဝေးပြီး သပိတ်မှောက်မဲ့ အနေအထား ဖြစ်လာတော့ နအဖက အကွက်ဆင်ကာ ကုလားနဲ့လှည့်ပြီး ရန်တိုက်ပေးပါတော့တယ်။ သူတို့ကြံ့ဖွတ်တွေကို ကတုံးတုံး သင်္ကန်းဝတ်ပေးပြီး ဗလီတွေကိုလိုက် ဖျက်ဆီး ခိုင်းပါတော့တယ်။ အဓိကရုဏ်းကို ကြီးထွားအောင် သူတို့ကိုယ်တိုင် ဖန်တီးပြီး သံဃာဖမ်းပွဲကြီး စတင်ပါတော့တယ်။ ပြီးတော့ သံဃာတွေ တစ်နှစ်လုံး စာမေးပွဲဖြေဖို့ ကြိုးစားလာခဲ့ကြတာကို စာမေးပွဲမဖြေရဆိုပြီး မတရားအမိန့် ထုတ်ခဲ့ပါတယ်။ သံဃာတော်တွေဘက်က မိအေးသုံးခါနာ ဖြစ်ခဲ့ရပါတယ်။ အထင်အရှား ဘုရားကြီးဗိုက်ဖေါက် အခိုးခံခဲ့ရတယ် ဘာမှ မလုပ်နိုင်ခဲ့ဘူး။ သံဃာတော်တွေ အဖမ်းခံခဲ့ရတယ်။ စာမေးပွဲဖြေခွင့် တစ်နိုင်ငံလုံး အပိတ်ခံခဲ့ရတယ်။ ဒီပြဿနာ အရေးအခင်းမှာလဲပဲ သံဃာ့မဟာနာယက ဆရာတော်ကြီးများ သံဃာတော်များဘက်မှာ ဘာမှမလိုက်ခဲ့ ဘာမှမကာကွယ်ခဲ့ပဲ နအဖ ခိုင်းတဲ့ အတိုင်း လုပ်ခဲ့တာကိုပဲ တွေ့ရပါတယ်။

သံဃာ့မဟာနာယက ဆရာတော်ကြီးများ အကြောင်းကို အပိုင်းလိုက် ဆက်လက်ရေးသား ဖေါ်ပြပါမည်။

မင်းသုည(ဗုဒ္ဓတက္ကသိုလ်)