ကမ္ဘာ့ကုန်ကျ စားရိတ် အသက်သာဆုံး လျှပ်စစ်မီးထုတ်လုပ်နိုင်သည့် သဘာဝ ဓါတ်ငွေ့များထွက်ရှိရာ တနင်္သာရီတိုင်း ဒေသကြီးမှ မြိတ်ခရိုင် ကျောက်မီးသွေးသုံး လျှပ်စစ်ဓါတ်အားပေးစက်ရုံ ပြဿနာ..
၂၅ ရက်၊သြဂုတ်လ၊ ၂၀၁၂ ခုနှစ် မြိတ်ခရိုင် လော့လော့ကျေးရွာတွင် မဂ္ဂါဝပ်(၅၀) ထွက်ရှိမည့် ကျောက်မီးသွေးသုံး လျှပ်စစ်ဓါတ်အားပေးစက်ရုံတည်ဆောက်ရန်အတွက် အမှတ်(၁) လျှပ်စစ်ဝန်ကြီးဌာနနှင့် ဦးကျော်လွင်ပိုင် သန်းဖြိုးသူကုမ္ပဏီတို့ ပူးတွဲတည်ဆောက် စီမံကိန်းအား ဖျက်သိမ်းပေးစေရေး ကျေးရွာလူထုများမှ စုပေါင်းလက်မှတ်ရေးထိုးကြပြီး ၈၈ မျိုးဆက်ကျောင်းသားများ (မြိတ်ခရိုင်)မှ တဆင့် သက်ဆိုင်ရာ အသီးသီးသို့ တင်ပြပေးပါရန် ဆောင်ရွက်ကြပါတယ်။
ယခုတည်ဆောက်ရန် လျာထားသည့် ကျောက်မီးသွေးသုံး လျှပ်စစ်ဓါတ်အားပေးစက်ရုံမှာ လူနေရွာအတွင်းရှိသည့် အပြင် အခြေခံပညာ မူလတန်းကျောင်းဖြင့် ထိစပ်လျက်ရှိပြီး၊ ၄င်းစက်ရုံစွန့်ပစ် ပစ္စည်းများဖြစ်သော ပြာများ၊ ရေများနှင့် မီးခိုးငွေ့များမှာမိုင်ပေါင်းများစွာ ပြန့်လွှင့်လျက် ကာဗွန်ဒိုင်အောက်ဆိုဒ်များ၊ နိုက်ထရိုတ်အောက်ဆိုဒ်များ၊ ကန့်၊ပြဒါးအဆိပ်၊ အာစင်းနက်( စိန်အဆိပ်)နှင့် အရည်အသွေးနိမ့် ယူရေနီယံဓါတ်သတ္တိကြွများထွက် ရှိမှာဖြစ်ပါတယ်။ အကျိုးသက်ရောက်မှုအနေဖြင့် မီးခိုးငွေ့နှင့် ပြာများကြောင့် လေထုအဆိပ်သင့်ပြီး အသက်ရှုလမ်းကြောင်းရောဂါများ၊ ပန်းနာရင်ကြပ်ရောဂါ၊ ကင်ဆာရောဂါ၊ အရေပြားယားယံမှုများ၊ အာရုံကြောထိခိုက်မှုများ၊ နှလုံးရောဂါများနှင့် အခြားအဆိပ်သင့် ရောဂါများပါ ဖြစ်ပွားနိုင်ပါတယ်။ သဘာဝပတ်ဝန်းကျင်အား ပျက်စီးစေလျက် မီးခိုးကြောင့် ရာသီဥတုပူပြင်း ခြောက်သွေ့လာပြီး ရေတွင်း၊ ရေကန်၊ မြစ်၊ ချောင်းများ ခန်းခြောက်ကာ အက်ဆစ်မိုးများ ရွာသွန်းလာပါမည်။ ကျောက်မီးသွေးသုံး လျှပ်စစ်ဓါတ်အားပေးစက်ရုံမှ စွန့်ပစ်ရေနှင့် ပြာများမှ ပြဒါးနှင့် အခြားအဆိပ်များကို မြစ်အတွင်းငါး၊ ပုစွန်များသေဆုံးပြီး၊ ၄င်းသား၊ ငါးများကို ပြည်သူများ စားသုံးမိပါက အစာအဆိပ် သင့်နိုင်ပါသည်။
မြစ်အတွင်းရှိ ငါး၊ ပုစွန်တို့ အပေါ်မှီခိုလျက် စီးပွားရှာနေကြရသော ရိုးသားဖြူစင်သည့် ရွာသူ၊ ရွာသားများ စားဝတ်နေရေးကို တိုက်ရိုက် ထိခိုက်နိုင်ပါသည်။ ဥပမာ- ငါးပိ၊ ငါးခြောက်လုပ်ငန်းများ၊ ကမ်းနီး ငါးဖမ်းလုပ်ငန်းများသို့၊ ပြာများပြန့်လွင့်သွားပြီး လယ်ယာမြေများ ၊ ဥယျာဉ်မြေများ အတွင်းရောက်ရှိပါက အပင်များ ပျက်စီးစေပါတယ်။
စက်ရုံတည်ဆောက်မည့်လုပ်ငန်းရှင်များမှ ဘေးထွက်ဆိုးကျိုးများကို ကျေးရွာလူထုအား သေချာစွာရှင်းလင်း တင်ပြခြင်းမရှိဘဲ ကျောက်မီးသွေး အသုံးပြု လျှပ်စစ်ဓါတ်အားပေး စက်ရုံတည်ဆောက်မှုသည် ကုန်ကျစရိတ် အသက်သာဆုံး ဖြစ်သည်ဟုသာ ဝါဒဖြန့် ပြောဆိုနေပါသည်။ သို့သော် Capital Cost Estimates for Electricity Generation Plants 2010 (EIA) နှင့် Annual Energy Outlook 2011(EIA) တို့၏ အစီရင်ခံစာအရ ကျောက်မီးသွေးသုံး လျှပ်စစ်ဓါတ်အားပေး စက်ရုံကုန်ကျစားရိတ်မှာ အသက်သာဆုံး မဟုတ်ဘဲကမ္ဘာပေါ်တွင် ကုန်ကျစရိတ် အသက်သာဆုံးနှင့် လူထု ကျန်းမာရေးအတွက် ဘေးထွက်ဆိုးကျိုး အနည်းဆုံးမှာ သဘာဝဓါတ်ငွေ့သုံး လျှပ်စစ်ဓါတ်အားပေး စက်ရုံသာဖြစ်ကြောင်း သိရပါတယ်။
တနင်္သာရီတိုင်း အတွင်းတွင် သဘာဝဓါတ်ငွေ့များ အလုံအလောက် ထွက်ရှိလျက် ရှိသောကြောင့် ပြည်သူလူထု၏ ကျန်းမာရေး၊ လူမှုရေးနှင့် နောက် အနာဂါတ်မျိုးဆက် ကလေးများ ကျန်းမာသန်စွမ်းရေးအတွက် ကျောက်မီးသွေးသုံး လျှပ်စစ်ဓါတ်အားပေး စက်ရုံတည်ဆောက်ခြင်း စီမံကိန်းအစား သဘာဝဓါတ်ငွေ့သုံး လျှပ်စစ်ဓါတ်အားပေး စက်ရုံတည်ဆောက်၍ လျှပ်စစ်ဓါတ်အား ထုတ်လုပ်ခြင်းသည်သာလျှင် သင့်လျှော်မည်ဖြစ်ပါသည်။ သို့ဖြစ်ပါ၍ လူသားချင်း စာနာထောက်ထားလျက် ကျောက်မီးသွေးသုံး စက်ရုံတည်ဆောက်မှု စီမံကိန်းအား ဖျက်သိမ်းရေးအတွက် မြိတ်ခရိုင်လော့လော့၊ ကျွဲကူး၊ သမုတ်၊ ကျောက်ဖျာရွာသူ၊ ရွာသားများမှ စုပေါင်းလက်မှတ်ပြီး ၈၈ မျိုးဆက်ကျောင်းသားများ (မြိတ်ခရိုင်)အကူအညီဖြင့် သမ္မတကြီးထံ တင်ပြသွားမည် ဖြစ်ကျောင်း ကျေးရွာသားတစ်ဦးမှ ပြောဆိုပါတယ်။
မြိတ်ခရိုင်သားတဦး
