အမျိုးသားကြီးပွားတိုးတက်ရေးကုမ္ပဏီ၏ ဥပဒေမဲ့လုပ်ရပ်များအား မိုးထိမိုးမိရွှေလုပ်သားများ၏ သတင်းဓာတ်ပုံများနှင့် ထုတ်ပြန်စာ..
ရွှေတွင်းလုပ်သားများနှင့် ရွှေတွင်းလုပ်သားများ နစ်နာမှုတွေအတွက် အတူတကွ လိုက်ပါဆောင်ရွက်ပေးနေတဲ့ ကိုမောင်မောင်လတ်တို့ ILOရုံးသို့ရောက်စဉ်
မြန်မာနိုင်ငံ နိုင်ငံရေးအကျဉ်းသား မိသားစုများ အကျိုးဆောင်ကွန်ယက်
သတင်းထုတ်ပြန်ချက်
၁၃၇၄ ခုနှစ်၊ ဝါခေါင်လဆန်း ၄ ရက်နေ့
( ၂၀၁၂ ခုနှစ်၊ သြဂုတ်လ (၂၁) ရက် )
(၂၁.၈.၂၀၁၂)
မိုးထိမိုးမိရွှေလုပ်သားများ၏ နေပြည်တော်သမ္မတအိမ်အရောက် ချီတက်ဆန္ဒဖော်ထုတ်မှုကို ၁၄.၆.၂၀၁၂ရက် နေ့တွင် ရွှေမြင်တင်ဘုရား၌ အချက်(၆)ချက်ပါစာချုပ်ကို ရွှေလုပ်သားများနှင့် အမျိုးသားကြီးပွားတိုးတက်ရေး ကုမ္ပဏီတို့ ချုပ်ဆိုခဲ့သည်။ စာချုပ်ချုပ်ဆိုပြီးနောက်ပိုင်းတွင် အမျိုးသားကြီးပွား တိုးတက်ရေး ကုမ္ပဏီဘက်မှ စာချုပ်ပါ အချက်များကို လိုက်လျောမှု မရှိသည့်အပြင် ရွှေလုပ်သားများကို ဖမ်းဆီး အရေးယူခြင်း၊ ခြိမ်းခြောက်မှုများ ပြုလုပ်ခြင်း လက်နက်များကိုင်ဆောင်ခြင်း၊ ဆိုင်ကယ် ကယ်ရီများကို ပေးမတက်စေခြင်း၊ စာချုပ်ပါအချက်များ ကိုဖောက်ဖျက်၍ အမိန့်အမျိုးမျိုး ထုတ်ပြန်ခြင်းများကို ပြုလုပ်လျှက်ရှိပါသည်။
ကိုမောင်မောင်လတ် (ဗမာနိုင်ငံ လုံးဆိုင်ရာ ကျောင်းသားသမဂ္ဂများအဖွဲ့ချုပ် ဗဟိုယာယီအလုပ်အမှုဆောင် ကော်မတီ တာဝန်ခံ ၈၈ကျောင်းသားဟောင်း)သည် ၁.၆.၂၀၁၂ရက်နေ့ မိုးထိမိုးမိတောင်ပေါ်ရှိ အမျိုးသားကြီးပွားတိုးတက်ရေးအုပ်စုကုမ္ပဏီလီမီတက် (စခန်းကြီး) ရှေ့မှစတင်ပြီး ရွှေလုပ်သားများနှင့် အတူဆန္ဒဖော်ထုတ်ခဲ့ကာ ယနေ့အချိန်ထိ မိုးထိမိုးမိတောင်ပေါ်တွင် ရွှေလုပ်သားများနှင့်အတူ တသားတည်းနေ၍ ရွှေလုပ်သားများ၏ အခွင့်အရေးများကို ဆက်လက်တောင်းဆို မှုပြုလုပ်လျှက်ရှိသည်။ ယခုအခါ အမျိုးသားကြီးပွားတိုးတက်ရေးအုပ်စု ကုမ္ပဏီလီမီတက် နှင့် မန်ဘာ ဦးဆန်နီတို့က မိုက်ကယ်(လူမိုက်)အင်အား -၂၀၀- နီးပါးဖြင့် ကိုမောင်မောင်လတ်ကို ဖမ်းဆီးရန်ပြုလုပ်နေပါသည်။
အမျိုးသား ကြီးပွားတိုးတက်ရေး ကုမ္ပဏီသည် စာချုပ်ပါအချက် များကို လိုက်လျောခြင်း မရှိသည့်အပြင် ရွှေလုပ်သားများ ရပိုင်ခွင့်အတွက် ကူညီပေးနေသော ၈၈ကျောင်းသားဟောင်း ကိုမောင်မောင်လတ်(ကိုလတ်) အပေါ်တွင်လည်း အညှိုးထား၍ တိုက်ခိုက်မှုများ ပြုလုပ်နေခြင်းသည် မိုးထိမိုးမိတောင်ပေါ်၌ အဓိကရုဏ်းဖြစ်အောင် ပြုလုပ်နေ ခြင်းဖြစ်ပါသည်။ ကိုမောင်မောင်လတ်နှင့် ရွှေတွင်းလုပ်သားများသည် ပြဿနာများကိုပြေလည်အောင် ဆောင်ရွက် နေသော်လည်း အမျိုးသားကြီးပွား တိုးတက်ရေးအုပ်စု ကုမ္ပဏီလီမီတက်ဘက်မှ တိုက်ခိုက်ပြုလုပ်မှုများ လုပ်ဆောင် နေခြင်းကို ချက်ခြင်းရပ်တန့်ပေးရန်နှင့် ဆက်လက်လုပ်ဆောင်နေပါက အမျိုးသားကြီးပွားတိုးတက်ရေးအုပ်စု ကုမ္ပဏီလီမီတက်ကသာ တာဝန်ဖြစ်ကြောင်းအတိအလင်းကြေညာလိုက်သည်။
မှတ်ချက်။ ။ နိုင်ငံရေးအကျဉ်းသားမိသားစုများ အကျိုးဆောင်ကွန်ယက် မိသားစုနှင့် ပြည်သူလူထုကြီးမှ ပေးပို့လာသော သတင်းများကို တစ်ဆင့်ဖြန့်ဝေလိုက်ပါသည်။
