ဒီမိုဝေယံ သို့ ပေးပို့သော တိုင်ကြားစာများ သတင်းများ ကို microsoft word ဖိုင်များဖြင့် ပေးပို့ပေးပါရန် လေးစားစွာတောင်းပန်အပ်ပါသည်။ ပေးပို့လာသော စာများကို အချိန်မှီဖော်ပြပေးနိုင်ရန်ကြိုးစားပါမည်။

ဂျပန်နိုင်ငံမှာ ပြုလုပ်တဲ့ တတိယအကြိမ်မြောက် အညတရသူရဲကောင်း ဂုဏ်ပြုပွဲ အခမ်းအနား..

 မြန်မာပြည်ရဲ့ သမိုင်းခေတ် အဆက်ဆက်မှာ ဖိနှိပ်သူ အာဏာရှင်တွေ ရှိနေသ၍ အဖိနှိပ်ခံ ပြည်သူတွေနဲ့ အမှန်တရားဘက်မှ ရပ်တည်ပြီး ကိုယ်ကျိုးစွန့် အနစ်နာခံတဲ့ အညတရသူ ရဲကောင်းတွေ အမြဲမပြတ် ပေါ်ပေါက်နေမှာ ပေါ်ထွန်းနေမှာ ဖြစ်ပါတယ်..။ အများပြည်သူတွေ ဘက်မှ ရပ်တည်ပြီး ကိုယ်ကျိုးစွန့် အနစ်နာခံပြီး ပြည်သူဘက်က ရပ်တည်ခဲ့ပြီး နှစ်ပေါင်းများစွာ အကျဉ်းကျခံ၊ ပေးဆပ်ခဲ့ကြရပြီး အမည်နာမ ထင်ရှားကျော်ကြားခြင်း မရှိတဲ့ ပြည်တွင်းမှ အညတရ သူရဲကောင်းတွေ အတွက် ဆုချီးမြှင့် ဂုဏ်ပြုပွဲ အခမ်းအနားကျင်းပပြုလုပ်ခဲ့သည်မှာ ယနေ့ဆိုရင် တတိယအကြိမ်သို့ တိုင်ရောက်ရှိခဲ့ပြီ ဖြစ်ပါတယ်..။ 

ပြီးခဲ့တဲ့ ဇွန်လက တတိယအကြိမ်မြောက် အညတရသူရဲကောင်း ဆုချီးမြှင့်ပွဲ အခမ်းအနားအား ဇွန်လ(၁၉)ရက်နေ့က မြန်မာပြည်သူ လူထုခေါင်းဆောင် ဒေါ်အောင်ဆန်းစုကြည် မွေးနေ့ပွဲ အခမ်းအနားနဲ့ အတူ အညတရ သူရဲကောင်းဆုချီးမြှင့်ပွဲ အခမ်းအနားအားလည်း ကျင်းပပြုလုပ်ခဲ့ပါတယ်..။ ထိုသို့ ပြည်တွင်းမှ အညတရသူရဲကောင်းများအတွက် ကွက်လပ်ကလေးကို ဝင်ဖြည့်လှူဒါန်း ပံ့ပိုးခဲ့ကြတဲ့ ဂျပန်နိုင်ငံရောက် မြန်မာနိုင်ငံသားများအား ဂျပန်နိုင်ငံရှိ အညတရသူရဲကောင်း ဆုချီးမြှင့်ရေး ကော်မတီမှ ပြီးခဲ့တဲ့ သြဂုတ်လ ၅ရက် တနင်္ဂနွေနေ့က ဂုဏ်ပြုပွဲ အခမ်းအနားအား ကျင်းပပြုလုပ်ခဲ့ပါတယ်..။

အခမ်းအနားသို့ ၈၈မျိုးဆက်ကျောင်းသား ခေါင်းဆောင်များနဲ့ AAPP-Bမှ သဝဏ်လွှာများ ပေးပို့ခဲ့ပြီး.. အခမ်းအနားအား အဆို၊ အတီး၊ ကဗျာ၊ ဂုဏ်ပြုသဝဏ်လွှာများ၊  အလှူငွေများ ပေးအပ်ပွဲနဲ့ ရှမ်းတိုင်းရင်းသား ရိုးရာအကများ အပါအဝင် စုံစုံလင်လင် မြိုင်မြိုင်ဆိုင်ဆိုင် ကျင်းပပြုလုပ်ခဲ့ပါတယ်..။

ယနေ့ ဂျပန်နိုင်ငံ တိုကျိုမြို့မှာ ကျင်းပတဲ့ အညတရသူရဲကောင်း ဂုဏ်ပြုပွဲ အခမ်းအနားသို့ အကျဉ်းထောင်အတွင်းမှာ ထောင်ဒဏ်ကျခံနေရဆဲ ဖြစ်တဲ့ တတိယအကြိမ်မြောက် အညတရ သူရဲကောင်းဆုရှင် ကိုလကျာင်္ထွန်း အတွက် ပေါ်ပြူလာဂျာနယ် အယ်ဒီတာချုပ် (ကိုမျိုး မြန်မာစာ) ပေးပို့တဲ့ ဂုဏ်ပြုကဗျာ..

“သူရဲကောင်းသူငယ်ချင်း”

အညတရ သူရဲကောင်းတဲ့လား၊
ဂုဏ်ပြုခြင်းဟာ
မင်းနဲ့ ထိုက်ပေမယ့်
 မင်းရောက်နေရရှာတဲ့ နေရာက
မင်းနဲ့ မတန်တာသေချာတယ်သူငယ်ချင်း။ ...
အကြမ်းဖက်သမားတဲ့လား..။

အကျဉ်းကျနေတဲ့ဘ၀နဲ့ တောင်
ခါးဝတ်ပုဆိုးမကမြဲတဲ့ ကံငါးပါးဆောင်
အဓိဋ္ဌာန်ရက်ရှည်ကုသိုလ်ပြုနိုင်တာတွေက
သက်သေသက္ကာယမဖြစ်လည်း
စိတ်မပျက်နဲ့ သူငယ်ချင်း။

ဆက်သွယ်မှု ဧရိယာပြင်ပ ရောက်နေတဲ့တိုင်
အင်္ဂလိပ်စာ၊ ပြင်သစ်စာ၊ အဘိဓမ္မာ
ဆည်းပူးထားတဲ့ပညာတွေပေးဝေနိုင်တာ
မင်းရဲ့ စိတ်စေတနာ
ကွန်နက်ရှင်ကောင်းလွန်းလို့ ဆိုတာလည်း
ငါသေချာပြောရဲတယ်သူငယ်ချင်း။

အတိတ်ကံလို့ ပဲဆိုဆို
ပြုသော်လည်းမရ၊
မပြုသော်လည်းရ၊
ဘ၀အကျဉ်းထောင်ထဲက
လူသားတိုင်းလည်းအတူတူပါပဲ။

ကံ၊စိတ်၊ဥတု၊ အဟာရ ဒီလေးခုမှာမှ
ကိုယ်ပိုင်နိုင်တာစိတ်တစ်ခုတည်းပါကွာ..။

အဲ့ဒီ
ကိုယ့်ပိုင်နက်နယ်မြေမှာ
အချုပ်အခြာအာဏာတည်အောင်
လုပ်ဆောင်နိုင်သူသာ
လောကဓမ္မသူရဲကောင်းစင်စစ်လို့ ဆိုနိုင်တာမို့ 
တကယ်ဆိုသူငယ်ချင်း....
မင်းဟာ
“အညတရသူရဲကောင်း”
ဆုမပေးနှင့်ခင်ကတည်းက
သူရဲကောင်းဖြစ်နှင့်နေပြီ။

(သူငယ်ချင်းလကျာင်္ထွန်းသို့ )
ကိုမျိုး(မြန်မာစာ)
ဝါဆိုလပြည့်နေ့ ၁၃၇၄ခု
တတိယအကြိမ်မြောက် အညတရသူရဲကောင်း ဂုဏ်ပြုပွဲ အခမ်းအနား.. ရုပ်သံ (ဇေယျာ)

Subscribe to: Post Comments (Atom)