နာရေး အထူးသတင်း (ကဗျာရှင် ဆရာနေရဲနီ)....

နာရေး အထူးသတင်း

(ကဗျာရှင် ဆရာနေရဲနီ)

သိကြားမင်းစုတိ စိတ်ကျခြင်း

ဦးမာဃ (သိ/ကြား) 

(တာဝတိံသာ )

အသက် (.......) နှစ်

တာဝတိံသာနတ်ပြည် ပင်လယ်ကသစ်ပင်ရင်း 

ဝေဇယန္တာ နတ်နန်းပြဿဒ် ဆောင်နေ

သုမာလာ သုနန္ဒာ သုစိတ္တာ သုမိတ္တာ သုဇိတာ သုဇာတ စသော

သုဘွဲ့ခံနတ်သမီး ခြောက်ယောက်တို့၏ ချစ်လှစွာသောခင်ပွန်း

အသူရာ (စားဖျော်) ၏သားမက်

ပဉ္စသိင်္ခ (အနုပညာ)+ သူရိယ ၀စ္စသာ (အလှပြုပြင်ရေး)တို့၏ဦးလေး

ဝိသုကြုံ (ဆောက်လုပ်ရေး) မာတလိ (ပို့/ဆက်) တို့၏ ဆရာရင်း

မြင့်မိုရ်တောင် အခြေအရင်းမှ စ၍တည်သော

စတုမဟာရာဇ် တာဝတိံသာ ယာမာ တုသိတာ နိမ္မာနရတီ

ပရနိမ္မိတ၀သ၀တ္တီ စသော

နတ်ပြည်ခြောက်ထပ်ကို ပိုင်စိုးအုပ်ချုပ်သည့် ဦးမာဃ (သိ/ကြား ) သည်

နတ်တို့၏ ပြက္ခဒိန်အားဖြင့် လွန်ခဲ့သော (၃)ရက်ခန့်တွင်

ဗန္ဓုကမ္ဗလာ မြကျောက်ဖျာထက်တွင်

ဘာမှန်း မသိရသော ရောဂါနှင့် ရုတ်တရက် ကွယ်လွန်သွားပါကြောင်း။

လူ့ပြည်နှင့်တကွ ၃၁ ဘုံသားတို့အား အသိပေးကြေငြာပါသည်။

ကျန်ရစ်သူ နတ်မိဖုရားများ။

ကွယ်လွန်ရသည့်အကြောင်းရင်းနှင့် ဈာပနအစီအစဉ်တို့ကို 

တာဝတိသာ မလင်းတလင်းနှင့် ရုပ်ပျက်ဆင်းပျက် ကြေးမုံတို့မှ 

ထပ်မံကြေငြာပါမည်။

ဈာပနကျင်းပရေးကော်မတီ

တာဝတိံသာ။

ဘုရားရှင်၏ သာသနာတော် အတွင်း၌

မကောင်းသူတို့ကို ပယ်၍

ကောင်းသူတို့ကို ကယ်တင်ရန်

သာသနာတော်ကို စောင့်ရှောက်ရန်

သာသနာတော် ပျက်စီးမည့် ဘေးရန်မှ ကာကွယ်ရန်

သိကြားမင်း၌ တာဝန်ရှိသည်။

ဘုရားရှင်မှသိကြားမင်းအား တာဝန်ပေးခဲ့သည်.. ဟူ၍

ငယ်စဉ်ကလူကြီး သူမတို့ပြောဆိုသည်ကို ကြားခဲ့ဘူး၏။

မြန်မာနိုင်ငံသည် ထေရ၀ါဒဗုဒ္ဓ သာသနာထွန်းကားသော တိုင်းပြည်ဖြစ်၏။

မေတ္တာ ကရုဏာ မုဒိတာ ဥပေက္ခာ တည်းဟူသော

ဗြဟ္မစိုရ်တရားလေးပါးကို လက်ကိုင်ထား၏။

ကံ ကံ၏အကျိုးကို ယုံကြည်နှစ်သက်၏။

သို့သော်ငြားလည်း

နာဂစ်တည်းဟူသော မုန်တိုင်းဘေး၌

ရေနစ်သူဒုက္ခအတိ ရောက်နေသူတို့အား ကယ်ဆယ်သော သူတို့

နှစ်ရှည်ထောင်ဒဏ် ကျခံကြရ၏။

အိမ်ထဲသူခိုးဝင်သော် သူခိုးမှာ အပြစ်မရှိ

အိမ်ရှင်မှာသာ အပြစ်ရှိ၏။

အိမ်ရှင်သည်သာ နှစ်ရှည်ထောင်ဒဏ်ကျခံရ၏။

ကိုယ့်လမ်း ကိုယ်လျှောက်သောသူကို

ချောင်း၍ရိုက်သော သူမှာအပြစ်မရှိ

အရိုက်ခံရသူသာ သေလျှင်သေ မသေသော်

ထောင်အထပ်ထပ် ကျခံရလေ၏။

တစ်ဆူပြီးတစ်ဆူထပ်ကာ ထပ်ကာတည်သော ဘုရားများ၊

စွယ်တော်နှင့် ဆင်ဖြူတော် တို့မှာ

ရေများရာ မိုးစုရွာနေသော်လည်း

တကယ်အတိ ဒုက္ခရောက်နေကြရှာသော

မီးဘေး၊ ရေဘေး၊ လေဘေး၊ ရောဂါဘယဘေး၊ စစ်မက်ဘေးတို့ကို 

ရင်ဆိုင်နေကြရ သူတို့သည်ကား

စားရမဲ့မဲ့၊ နေရာမဲ့မဲ့၊ ၀တ်ရာမဲ့မဲ့ ဖြစ်နေကြ၏။

ထိုသူတို့အား ကယ်ဆယ်ကူညီရန် သွားသောသူတို့အား

မနာလို မရှုစိမ့်သော သူတို့က

အမျိုးမျိုးသော အနှောင့်အယှက်တို့ကို ပေးကြ၏။

ဂိလာနအား ပြုစုသောသူသည်

ဘုရားရှင်အား ပြုစုသည်နှင့်တူ၏။ ဟူ၍

ဘုရားရှင် ဟောတော်မူခဲ့၏။

မရှိဆင်းရဲသားတို့အား ရောဂါဘေးအမျိုးမျိုးမှ ကယ်တင်ရန်

ကုသိုလ်ဖြစ် ဖွင့်လှစ်သော ဆေးခန်းတို့မှာ

ခွင့်ပြုချက်ရပါမှ ကုသခွင့်ရကြ၏။

မရှိနွမ်းပါးသူတို့အား ပညာတတ်စေလိုသော စေတနာနှင့်

အခမဲ့ပညာသင်ကျောင်းများနှင့် 

ဘုန်းတော်ကြီးသင်ပညာရေးကျောင်းတို့မှာ

ဒုက္ခဘေးအဖုံဖုံ အနှောင့်အယှက်အမျိုးမျိုး 

ဘေးရန်အသွယ်သွယ်တို့ နှင့်ရင်ဆိုင်ကြရ၏။

မိဘမဲ့ကလေးများကို ပြုစုစောင့်ရှောက် ကယ်တင်သော 

ဆရာတော်သည်လည်း

အပြစ်ရှာခံရပြီး ထောင်ကျရရှာ၏။

သာသနာတော်ကို ဖျက်ဆီးမည့်သူက

သင်္ကန်းအရေခြုံကာ အာဏာပိုင်တို့ 

အလိုကျ ဟောပြောပြီး သကာလ

စိတ်ဓာတ်ရေးရာ သင်တန်းဖွင့်ကာ

မိုက်ကိုင်ပြီး စင်ပေါ်တက်၍

အောက်မှပရိသတ်အား ကစေသော်

ဘုရားဥပဒေတော်အရ အာပတ်သင့်သော်လည်း

အာဏာပိုင်တို့ ၀ိနည်းနှင့်ကား လွတ်လွတ်ကင်းကင်းရှိလှ၏။

ပိဋကတ်တော်လာ တရားတော်ကို

လူပြိန်းနားလည်လွယ်ရန်

ခေတ်ကာလစကားနှင့် လျော်ညီအောင် ဟောလေသော်

တရားတော်နှင့် မပတ်သတ်ဟုဆိုကာ တားမြစ်ပိတ်ပင်ခံရ၏။

တရားတော်လာ ဝေဿန္တရာဇာတ်

ပေါရိသာဒဇာတ်၊ ရာဇောဝါဒသုတ္တန်စသည်တို့ကို

ဟောပြောသော ဆရာတော်တို့သည်ကား

ထောင်နှုတ်ခမ်းဝ၌ စင်္ကြံလျှောက်ကြရ၏။

ရေနစ်သောသူအတွက် ကောက်ရိုးမျှင်သည်လည်း အားကိုးရာဖြစ်ချေ၏။

လူတို့သည် ဘေးဒုက္ခအဖုံဖုံနှင့် ကြုံရဖန်များသော် လွတ်လမ်းကိုရှာကြ၏။

ဤသည်ကို တောမီးလောင်၍

တောကြောင် လက်ခမောင်းခတ်လိုသောသူတို့က

သာသနာတော်ကို ခုတုံးလုပ်ကာ

နှစ်လုံးထီ အတိတ်ပေးသော ကိုယ်တော်

ချဲအတိတ်ပေးသော ကိုယ်တော်

ဘာသိဒ္ဓိ ညာသိဒ္ဓိ ပြီးစေသော ကိုယ်တော်

ဘယ်အပေါက်က ထွက်မှန်းမသိသည့် ထွက်ရပ်ပေါက်ကိုယ်တော်

ဗေဒင်ယတြာ ဓာတ်ရိုက်ဓာတ်ဆင် ကိုယ်တော်

အစရှိသော ကိုယ်တော်အပေါင်းသည်ကား

ပွဲလန့်ခိုက် ပြည်သူတို့ထံမှ အချောင်နှိုက်ကြလေ၏။

အာဏာပိုင်နှင့်  တကွအထက်အဆင့်ဆင့်မှ သိသော်လည်း

ကုလားထိုင် မလှုပ်လေသောကြောင့်

မသိကျိုးကျွံပြုကာ ကြံရာပါဖြစ်နေကြ၏။

စာသင်သား ရဟန်းတော်သည် ဆွမ်းသပိတ်တလုံးရရန် ခက်ခဲလှသော်လည်း

အထက်ပါ ကိုယ်တော် အပေါင်းသည်ကား

ဒုက္ခသည် အပေါင်း၏

အကျိုးလို၍ လောင်းသောညောင်ရေနှင့် တူသော

လာဘ်လာဘတို့ဖြင့် စည်စည်ကာကား ရှိလှ၏။

ဘုရားရှင်သည် သတ္တ၀ါတို့၏ အကျိုးစီးပွားကို

ဆောင်လိုသောကြောင့် ဘုရားအဖြစ်ကိုရယူခဲ့၏။

ကိုယ်တော်တိုင်လည်း ဆောင်ရွက်တော်မူခဲ့၏။

ရဟန်းတော်တို့ အားလည်း

အများအကျိုးဆောင်ရန် လမ်းညွှန်တော် မူခဲ့သော်လည်း

ပြည်သူတို့၏အကျိုးကို တကယ်လိုလား ရွက်ဆောင်တော်မူသော

လပြည့်ဝန်းကြီးနှင့် တူသော ရွှေည၀ါသည်လည်း

လပြည့်ည၌ ရာဟု အဖမ်းခံရသကဲ့သို့ရှိချေရာ

ပြည်သူ အပေါင်းတို့သည်လည်း

ရင်တမမနှင့် နမောတေဂါထာကို အထပ်ထပ်အခါခါရွတ်နေကြရ၏။

ဒယ်အိုး ဆရာတော်သည်လည်း

ပရဟိတညီလာခံ ခေါ်မိလေသောကြောင့်

တရားပွဲ အပိတ်ခံနေရ၏။

ညီညွတ်ခြင်းကို ရှေးရှုသည့် သဘောပါသလား ဟူသော

အမေးစကားကိုလည်း ပရိတ်သတ်အား မမေးနိုင်တော့ပြီ။

လူ့ပြည်၌ နှစ်ပေါင်း၅၀သည် နတ်ပြည်တစ်ရက်ဖြစ်၏ဟု

ကျမ်းဂန်တို့က ဆိုကြ၏။

ဘုရားရှင် ပရိနိဗ္ဗာန်ပြုသည်မှစ၍ ရေသော်

နတ်တို့သက်တမ်းအရ ၅၂ ရက်ပင်မပြည့်သေး။

ဤမျှတိုတောင်းသော ကာလအတွင်း

သာသနာတော်ကြီး ဤသို့သောဘေးရန်နှင့် ကြုံနေရသည်ကို

သိကြားမင်းသည် နတ်ပြည်၌ ထင်ရှားရှိပါက 

မုချဧကန်သိရပေမည်။

လူတို့သည် ဘေးဒုက္ခအပေါင်းမှ လွတ်မြောက်လိုသောကြောင့်

ဘုရားတိုင်၊ သိကြားတိုင် သစ္စာတိုင် စသော

တိုင်တည်၍ဆိုသော စကားသံတို့ကို

သိကြားမင်းသည် သိလည်းမသိ၊ ကြားလည်း မကြားဖြစ်နေသည်။

သူတော်စင် သူတော်မြတ်များနှင့် တကွ သူတော်ကောင်းစိတ်ရှိသော သူတို့

ဒုက္ခအသွယ်သွယ် ဖိနှိပ်မှုအမျိုးမျိုး

ဘေးရန်အဖုံဖုံတို့နှင့် ကြုံနေရပြီး ကယ်သူမဲ့နေခြင်းမှာ

သိကြားမင်း အနိစ္စရောက်သောကြောင့်သာ ဖြစ်တော့သည်။

နေရဲနီ

မှတ်ချက်။

ကုန်းဘောင်ခေတ်တွင်လည်း သိကြားမင်း အနိစ္စရောက်၍

ညသန်းခေါင်ယံ၌ ကြေးစည်တီးသော ဆရာတော်တို့ ရှိခဲ့ဘူးသောကြောင့်

လွန်ခဲ့သော (၃) ရက်မှဟု ဆိုထားပါသည်။