အင်းစိန်ထောင်တွင်းရှိ နိုင်ငံရေးအကျဉ်းသားများ၏ အစာငတ်ခံဆန္ဒပြမှုအား ပြည်သူလူထုမှ လက်မှတ်ရေးထိုး ထောက်ခံခြင်း

လျှော့ရက်ခံစားခွင့်မရှိသော သီးသန့်၊ သာမန်သီးသန့် အကျဉ်းသားများအား လျှော့ရက်ခံစားခွင့်ပေးရေး အင်းစိန်ထောင်တွင်းရှိ နိုင်ငံရေးအကျဉ်းသားများ၏ အစာငတ်ခံဆန္ဒပြမှုအား ပြည်သူလူထုကြီးမှ လတ်မှတ်ထိုးထောက်ခံလိုက်ခြင်း

          အင်းစိန် အကျဉ်းထောင်ရှိ နိုင်ငံရေး အကျဉ်းသားများသည် “လျှော့ရက် ခံစားခွင့်မရှိသော သီးသန့်၊ သာမန်သီးသန့် အကျဉ်းသားများအား လျှော့ရက် ခံစားခွင့်ပေးရေး” တောင်းဆိုချက်အတွက် (၂၆-၁၀-၂၀၁၁)ရက် နေ့မှစ၍ အစာငတ်ခံ ဆန္ဒပြ နေကြပါသည်။ အထက်ပါ တောင်းဆို ဆန္ဒပြမှု၏ အချင်းအရာများတွင်

          ၁။  ထောင်လက်စွဲဥပဒေပါ လျှော့ပေါ့ရက် ခံစားခွင့်ကို (န၀တ၊ နအဖ) အစိုးရလက်ထက် အာဏာအလွဲသုံးစားလုပ် ဖြတ်တောက်လိုက်ချိန်မှစ၍ ယနေ့အချိန်ထိ နိုင်ငံရေး အကျဉ်းသားများမှ ငြိမ်းချမ်းစွာဖြင့် စဉ်ဆက်မပြတ်တောင်းဆိုခဲ့ခြင်း၊

          ၂။  အင်းစိန်အကျဉ်းထောင်ရှိ နိုင်ငံရေး အကျဉ်းသားများတောင်းဆိုချက်သည် အင်းစိန် အကျဉ်းထောင် အတွင်းရှိ အကျဉ်းသားကိစ္စ သက်သက် မဟုတ်ဘဲ အကျဉ်းထောင်အသီးသီးရှိ ဥပဒေမဲ့လျော့ရက်ခံစားခွင့် ဖြတ်တောက်ခံထားရသည့် အကျဉ်းသားအားလုံးနှင့် လုံးဝသက်ဆိုင်သော အခြေခံအခွင့်အရေးဖြစ်နေခြင်း၊

          ၃။  ထောင်လက်စွဲဥပဒေပါ လျော့ရက်ခံစားခွင့်များ ဖြတ်တောက်ရာ၌ လျော့ရက်ရရှိသင့်သော အကျဉ်းသားအားလုံးကို ဖြတ်တောက်ခြင်းမဟုတ်ဘဲ နိုင်ငံရေးအကျဉ်းသားများကိုသာ သီးခြားကန့်သတ်ဖြတ်တောက်ထားခြင်း၊

          ၄။  ထောင်လက်စွဲဥပဒေစာအုပ် အခန်း(၁၁)ပါ လျော့ပေါ့ရက်ခံစားခွင့်များကို နိုင်ငံရေးအကျဉ်းသားများ ပြန်လည်ခံစားခွင့်ရရှိပါက နိုင်ငံရေးအကျဉ်းသားမြောက်များစွာ ပြန်လည်လွတ်မြောက်လာနိုင်ခြင်း၊

          ၅။  ထောင်လက်စွဲဥပဒေပါလျော့ပေါ့ရက်ခံစားခွင့်ကို ပြန်လည်ရရှိရေးအတွက် နိုင်ငံရေးအကျဉ်းသားများ တောင်းဆိုရာတွင် တောင်းဆိုမှုပုံသဏ္ဍာန် အမျိုးမျိုးအနက်မှ အစာငတ်ခံတောင်းဆိုမှုကို ပြုလုပ်သောကြောင့် အသက်အန္တရယ်အ လွန်စိုးရိမ်ရခြင်း၊

          ၆။  ၂၀၁၁ခုနှစ်၊ မေလ၊ ၁၆ရက်နေ့ နိုင်ငံတော်သမ္မတ၏ လွတ်ငြိမ်းချမ်းသာခွင့် အပိုဒ်(ခ)၌ ထောင်လက်စွဲဥပဒေပါ လျော့ပေါ့ရက် ခံစားခွင့်ဖြစ်သည့် သာမန်လျော့ပေါ့ရက်ကို ခံစားခွင့်ပေးထားကြောင်း တရားဝင်ညွန်းဆိုကြေညာခဲ့ခြင်း တို့ပါဝင်ပါသည်။

          အထက်ပါအချက်များကို ထောက်ရှု၍ ပြည်သူလူထုကြီးနှင့်တကွ ဒီမိုကရေစီရေး၊ လူအခွင့်အရေးအတွက် လှုပ်ရှားဆောင်ရွက်နေသော အင်အားစုများမှ နိုင်ငံရေး အကျဉ်းသားတို့၏ အသက်အန္တရယ်ကို အလွန်စိုးရိမ်နေကြလျက် နိုင်ငံရေး အကျဉ်းသားတို့၏ တရားမျှတသော တောင်းဆိုလှုပ်ရှားမှုအား အမြန်ဆုံး အောင်မြင်စွာ ပြီးမြောက်စေရန် ထောက်ခံ ဆန္ဒပြုလိုက်ကြပါသည်။ ယနေ့ အချိန်လို အမျိုးသားပြန်လည် ရင်ကြားစေ့ရေး တည်ဆောက်နေသော ကာလတွင် တရားမျှတသော တောင်းဆိုချက်အတွက် တိုင်းပြည်နှင့် လူထုအကျိုးကို ဆောက်ရွက်နေကြသော နိုင်ငံရေးအကျဉ်းသား မည်သူ တစ်ဦးတစ်ယောက်ကိုမှ အသက်မဆုံးမရှုံးစေသင့်ပါ၊ ပြည်သူဆန္ဒကို လေးစားခြင်းဖြင့် ဥပဒေကို ချိုးဖောက်သော အစိုးရမဖြစ်စေရန် အချိန်မဆိုင်းပဲ တောင်းဆိုချက်အား အမြန်ဆုံး လိုက်ရောဆောင်ရွက်ပေးရန် လက်မှတ်ထိုး ဆန္ဒပြုတောင်းဆိုလိုက်ပါသည်။

အင်းစိန်ထောင်တွင်းရှိ နိုင်ငံရေးအကျဉ်းသားများ၏ အစာငတ်ခံဆန္ဒပြမှုအား လက်မှတ်ရေးထိုး ထောက်ခံခြင်း

ပေးပို့သူ ကိုစိုင်း