စစ်အာဏာရှင်သန်းရွှေနှင့် အပေါင်းအပါများသည် ဧရာဝတီအပေါ် သစ္စာဖောက်ခဲ့သည်...

ဧရာဝတီမြစ်ဆုံဆည် စီမံကိန်းမြင်ကွင်း ဘေးတဘက် တချက်မှာ စီမံကိန်းတွေ တည်ဆောက်နေတာပါ.. (ပုံကြီးချဲ့ကြည့်ပါ)

ဒါကတော့ ၂၀၀၆ခုနှစ်က မြန်မာပြည်တွင်းမှာ  တရုတ်နဲ့ဆောက်လုပ်ဆဲ၊ ဆောက်လုပ်နေတဲ့ ရေအားလျှပ်စစ်စီမံကိန်းတွေနဲ့ ဓာတ်အားခွဲရုံ စီမံကိန်း ၅၆ခုပါ...။ ဒီဘက်က အနီဝိုင်းနဲ့ ပြထားတာကတော့ ကုန်းတွင်းနဲ့ ကမ်းလွန် ရေနံ၊ သဘာဝဓာတ်ငွေ့ စီမံကိန်းတွေပါ...။ ကဲဆက်ကြည့်ရအောင်..

တရုတ်နဲ့ ဆောင်ရွက်မယ့် ဧရာဝတီ၊ ချင်းတွင်း၊ စစ်တောင်းနဲ့ သံလွင်မြစ်တွေပေါ်က ရေအားလျှပ်စစ် စီမံကိန်းတွေပါ...။ အနီရောင် အလံပုံစံ ပြထားတာကတော့ ဓာတ်အားခွဲ စက်ရုံတွေပါ...။အထက်ပါ စာရင်းအရ ကချင်ပြည်နယ် မေခ၊ မလိခမြစ်ပေါ်နဲ့ ဧရာဝတီမြစ်ဆုံ ရေအားလျှပ်စစ် စီမံကိန်းတွေဟာ တနိုင်ငံလုံး အတိုင်းအတာနဲ့ ကြည့်ရင် အင်မတန်ကြီးမားတဲ့ စီမံကိန်းတွေဖြစ်ပါတယ်...။ အမှတ်စဉ် (၂၇)သံလွင်မြစ်ပေါ်က တာဆန်းရေအားလျှပ်စစ် စီမံကိန်းကတော့ အကြီးဆုံး စီမံကိန်းပါ..။

၂၀၀၆ခုနှစ် ပမာဏသဘောတူ လက်မှတ်ရေးထိုးစဉ်က အမှတ်စဉ်(၉)မှာပါတဲ  မြစ်ဆုံရေကာတာ စီမံကိန်းဟာ မူလအစီအစဉ်အရ ၃၆၀၀မဂ္ဂါဝပ် ထုတ်လုပ်ဖို့ပါ...။

၂၀၀၉ခုနှစ် ဒီဇင်ဘာလ ၂၀ရက်နေ့က တရုတ် ဒုသမ္မတ ရှိကျင်ပင်း ကြပ်ပြေး နေပြည်တော်သို့ ရောက်ရှိလာစဉ်က နအဖဒုဥက္ကဋ္ဌ ဒုဗိုလ်ချုပ်ကြီးမောင်အေးနဲ့ မြစ်ဆုံရေကာတာစီမံကိန်း အတွက် စာချုပ်ချုပ်ဆိုခဲ့ပါတယ်...။ မဂ္ဂါဝပ် ၆၀၀၀အထိ တိုးမြှင့်ထုတ်လုပ်ဖို့ ဖြစ်သွားတာကတော့....

Eleven Media Groupမှာ ဖော်ပြထားတဲ့  ဧရာဝတီမြစ်ဆုံ စီမံကိန်းအတွက် မူလက အကြိုလေ့လာရေး လုပ်ငန်းများ လုပ်ဆောင်စဉ်က မဂ္ဂါဝပ် ၄၀၀၀ ထုတ်လုပ်နိုင်ရန်အတွက် ရည်ရွယ်၍ လုပ်ဆောင်နေခြင်း ဖြစ်ကြောင်း သိရပါသည်။ ထိုသို့ လုပ်ဆောင် နေစဉ်ကာလအတွင်း ၂၀၀၉ ခုနှစ် ဒီဇင်ဘာလ တရုတ်ဒုတိယ သမ္မတရှီကျင်ပင်း၏ မြန်မာနိုင်ငံသို့ လာရောက်မည့် ခရီးစဉ်ရှိသောကြောင့် မဂ္ဂါဝပ် ၄၀၀၀ အတွက် အကြိုလေ့လာရေး လုပ်ငန်း မပြီးပြတ်သေးသော စာရွက် စာတမ်းများ ပြန်လည်တောင်းယူခဲ့ ကြောင်း သိရသည်။ ထို့နောက် မတိကျသော အချက်အလက်များကို ထိုစဉ် က နိုင်ငံတော်အကြီးအကဲ ဗိုလ်ချုပ်မှူးကြီးသန်းရွှေထံ တင်ပြ၍ မူလက လုပ်ဆောင်ရန် ရည်ရွယ်ထားသော မဂ္ဂါဝပ် ၄၀၀၀ အစား မဂ္ဂါဝပ် ၆၀၀၀ သို့ တိုးမြှင့်ပြောင်းလဲကာ မြစ်ဆုံစီမံကိန်း လုပ်ဆောင်မည့် တရုတ်ကုမ္ပဏီနှင့် MOU ထိုးစေခဲ့ကြောင်း သိရှိရပါသည်။ တရုတ်နဲ့ အာဏာရှင် ဗိုလ်သန်းရွှေတို့ ဒီလို မလိမ့်တပတ်နဲ့ လူလည်ကျခဲ့တာပါ...။

အာဏာရှင်ဗိုလ်သန်းရွှေမှ သစ်သီးခြင်းနဲ့ (ရဲရွာရေအားလျှပ်စစ်စီမံကိန်း စတင်စဉ်က) အတူ  ဧရာဝတီနဲ့ တနိုင်ငံလုံးအား တရုတ်လက်ထဲ ဝကွက်အပ်ခဲ့တာပါ...

 ဒီပုံကတော့ ၂၀၀၈ခုနှစ် ကတည်းက တည်ဆောက်နေခဲ့တဲ့ မေခမြစ်ပေါ်က ချီဖွေ ရေအားလျှပ်စစ် စီမံကိန်း မြင်ကွင်းဓာတ်ပုံပါ.. တောင်စောင်းတွေကို ခက်ခက်ခဲခဲ တည်ဆောက်ရတယ်လို့ ဆိုပါတယ်...။

 ဒီပုံကတော့ ပြီးစီးလုပြီဖြစ်တဲ့ မေခမြစ်ပေါ်က ချီဖွေ ရေအားလျှပ်စစ်စီမံကိန်း ၂၀၁၀ခုနှစ်က ပုံတွေပါ...။ မကြာခင်မှာ ဖွင့်လှစ်တော့မှာဖြစ်ပါတယ်...။

ချီဖွေ ရေအားလျှပ်စစ်စီမံကိန်း လုပ်ငန်းခွင် မြင်ကွင်းပါ.. တချို့ဝက်ဘ်ဆိုဒ်တွေမှ ပြန်လည်ကူးယူ ဖော်ပြရာမှာ မြစ်ဆုံရေကာတာ စီမံကိန်းလို့ မှားယွင်း ဖော်ပြနေကြပါတယ်...။ သတိချပ်စေလိုပါတယ်...။

၂၀၁၀ခုနှစ် ကတည်းက ချီဖွေစီမံကိန်းမှာ အတွင်းပိုင်း စက်အစိတ်အပိုင်းတွေ တပ်ဆင်နေပါပြီ....။ 

 

ယခုနှစ် မေလ ၂၆ရက်နေ့က ပီကင်းမြို့မှာ China Datang Corporation  ဥက္ကဋ္ဌနဲ့ လျှပ်စစ်ဝန်ကြီး ဒေါက်တာဇော်ဖျင်းတို့ တွေ့ဆုံခဲ့ပါတယ်.. ယင်းကုမ္ပဏီဟာ ရေအားလျှပ်စစ် စက်ရုံတွေအတွက် စက်အစိတ်အပိုင်းတွေ ထုတ်လုပ်တပ်ဆင်တဲ့ ကုမ္ပဏီဖြစ်ပါတယ်.။ သိရသလောက် မကြာခင် မေခမြစ်ပေါ်က ချီဖွေရေအားလျှပ်စစ် စီမံကိန်း ဖွင့်လှစ်တော့မှာ ဖြစ်ပါတယ်..။

ဒီပုံကတော့ ယခုနှစ် (၆)လပိုင်းက ဧရာဝတီမြစ်ဆုံဆည် စီမံကိန်း မြင်ကွင်းနဲ့
စက်ယန္တရား လုပ်ငန်းခွင် မြင်ကွင်းပါ..။

ပွင့်လင်းရာသီမှာ ဒီထက် အင်တိုက် အားတိုက် လုပ်ဆောင်ကြမှာ ဖြစ်ပါတယ်...။
(လုပ်ငန်းခွင် အနီးကပ်မြင်ကွင်း)

ရုံးခန်းအတွင်းမှ မြစ်ဆုံ မြေပုံကြမ်း..

ယခုထက်ထိ လေ့လာတွေ့ရှိရတဲ့ အထောက်အထားတွေအရ
မြစ်ဆုံစီမံကိန်းမှာ မြန်မာပညာရှင်တွေ အလုပ်သမားတွေ မရှိသလောက်ပါပဲ...။
ထမင်းချက်ကအစ တရုတ်တွေပါ..

ဒီပုံကတော့ ကျွန်တော်တို့ မြန်မာနိုင်ငံတဝှမ်း ခြေချစရာမရှိအောင် စစ်အာဏာရှင် လက်ထက် တိုင်းပြည်ကို တရုတ်လက်ထဲ ဝကွက်အပ်ထားတဲ့ ရေအားလျှပ်စစ်စီမံကိန်း၊ ရေနံ၊ သဘာဝဓာတ်ငွေ့ စီမံကိန်းတွေပါပဲ...။  တရုတ် ရေနံနဲ့ဂတ်စ် ပိုက်လိုင်းတွေ မြန်မာပြည် အလယ်ပိုင်းက ဖြတ်သန်း ဖောက်လုပ်နေတာကို အနီရောင်နဲ့ ပြထားပါတယ်..။ ကုန်းတွင်းနဲ့ ကမ်းလွန် သဘာဝဓာတ်ငွေ့ စီမံကိန်းတွေ အားလုံးတရုတ်လက်ထဲ မှာပါပဲ...။

အချုပ်အားဖြင့် ဆိုရသော် အမျိုးသားရေးဟု တွင်တွင်အော်နေတဲ့ အာဏာရှင်တွေ ကိုယ်တိုင် အမျိုးသားရေးကို သစ္စာဖောက်နေတဲ့ လုပ်ရပ်တွေနဲ့ တိုင်းပြည်ကို ရောင်းစားနေကြတာပါ။ အထက်ပါ မြန်မာပြည်တဝှမ်း ရေအားလျှပ်စစ် စီမံကိန်း စာရင်းတွေကတော့ တွေ့မြင်ရတဲ့ အတိုင်းပါပဲ...။ ဆောက်လုပ်ဆဲ၊ ဆောက်လုပ်ပြီးစီးသွားတဲ့ ရေအားလျှပ်စစ် စီမံကိန်းတွေ အများအပြားပါ...။  ကျွန်တော်တို့ ပြည်သူတွေ ဘဝကတော့ ဒုံရင်းက၊ ဒုံရင်းပါပဲ...။

လျှပ်စစ်ဓာတ်အား အများအပြားပို့ဆောင် ပေးနေရတဲ့ ကြပ်ပြေးနေပြည်တော်အပြင်  ပြည်သူတွေမသိနိုင်  သတိမထားမိနိုင်တဲ့ နေရာကတော့ နိုင်ငံတဝှမ်းမှာ လျှို့ဝှက်တည်ဆောက်နေတဲ့  စစ်အာဏာရှင်တွေရဲ့ လျှို့ဝှက်တည်ဆောက်ရေး လုပ်ငန်းတွေကို ဓာတ်အားတွေ ပို့ဆောင်နေရတာလည်း အဓိကအချက် တခုထဲမှာ ပါဝင်နေပါတယ်..။ ယခုအချိန်မှာ ကျွန်တော်တို့ ပြည်သူ၊ ပြည်သားတွေ အဓိကတောင်းဆို နေကြတာကတော့.. ဧရာဝတီကို စတေးပြီး လျှပ်စစ်မီးရဘို့ထက် ဧရာဝတီမြစ်ကြီး ထာဝရရှင်သန်ဘို့ပါပဲ...။ ဧရာဝတီကို စတေးခံ၊ အပျက်ဆီးခံ၊ အပေါင်ခံပြီး ကျွန်တော်တို့ ပြည်သူပြည်သားတွေ နှစ်ပေါင်းများစွာ အလုပ်အကျွေးပြုခဲ့တဲ့ အမိဧရာဝတီအပေါ် သစ္စာ မဖောက်လိုပါ...။  ဧရာဝတီကို ဂုတ်သွေးစုပ်ပြီး တိုင်းတပါး လက်ထဲ ဝကွက်အပ်မယ့် သူတွေကတော့ လက်ရှိ စစ်ခေါင်းဆောင်တွေပါပဲ...။ ပြည်သူ့ဆန္ဒကို အလေးမထား၊ ပြည်သူ့မျက်နှာကို မထောက်ထား၊ ဧရာဝတီကို သစ္စာဖောက်ခဲ့မယ် ဆိုရင်တော့ တူညီသော အကျိုးပေးကို ခံရမှာ ဖြစ်ပါတယ်...။ လက်ရှိ သစ္စာဖောက်ဖို့ ကြံရွယ်နေသူများ အချိန်မနှောင်းသေးခင် စဉ်းစားဖို့ အချိန်ရှိပါသေးကြောင်း ထပ်လောင်း သတိပေးလိုက်ပါတယ်...။

အမိဧရာဝတီကို ချစ်တဲ့ မြန်မာနိုင်ငံသား တစ်ယောက်အနေနဲ့ သမိုင်းတကွေ့မှာ ကျရာနေရာကနေ ကိုယ်တတ်နိုင် သလောက် ရှာဖွေ၊ ဖော်ထုတ် တင်ပြပေးလိုက်ပါတယ်..။ ကျွန်တော်တို့ ဧရာဝတီကိုချစ်တဲ့ ပြည်သူအားလုံး ဝိုင်းဝန်းပါဝင် ဆောင်ရွက်ပေးကြပါ...။

အမိဧရာတီ ထာဝရရှင်သန်ရေးသည်  မြန်မာနိုင်ငံသား အားလုံး၏ အမျိုးသားရေး တာဝန်ဖြစ်သည်...။

ဒီမိုဝေယံ