၁၉၉၀ ရွေးကောက်ပွဲအနိုင်ရ ဇိုမီးအမျိုး သားကွန်ဂရက် ပါတီမှတ်ပုံတင်ရန် ဆုံးဖြတ်...
ဇိုမီးအမျိုးသားကွန်ဂရက် မှတ်ပုံပြန်တင်.. by Demo Waiyen
ချင်းပြည်နယ်မှ ၁၉၉၀ ရွေးကောက်ပွဲ အနိုင်ရပါတီတခုဖြစ်ပြီး ၂၀၁၀ရွေးကောက်ပွဲအား အမျိုးသားဒီမိုကရေစီအဖွဲ့ချုပ်၊ ရှမ်းအမျိုးသားဒီမိုကရေစီအဖွဲ့ချုပ်၊ ရခိုင်ဒီမိုကရေစီအဖွဲ့ချုပ်တို့နဲ့ အတူ သပိတ်မှောက်ခဲ့တဲ့ ဇိုမီးအမျိုးသားကွန်ဂရက် ZNC ပါတီမှတ်ပုံတင်ရန် ဆုံးဖြတ်လိုက်ပြီ ဖြစ်ကြောင်း သိရှိရပါတယ်...။ ဒီအကြောင်းနဲ့ ပတ်သက်ပြီး ဇိုမီးအမျိုးသား ကွန်ဂရက်ပါတီ ဥက္ကဋ္ဌဦးပူကျင်းရှင်းထန်အား ကိုကောင်းမြတ်မင်းမှ ဆက်သွယ်မေးမြန်းထားတာကို တင်ပြလိုက်ရပါတယ်..။
ဇိုမီးအမျိုးသား ကွန်ဂရက်ပါတီဟာ လာမဲ့သတင်းပတ်အတွင်းမှာပဲ နေပြည်တော်ကိုသွားရောက်ပြီး ZNC ပါတီအနေနဲ့ ပြန်လည်မှတ်ပုံတင်တော့မှာဖြစ်တယ်လို့ အဲဒီပါတီရဲ့ ဥက္ကဋ္ဌလည်းဖြစ် ပြည်သူ့လွှတ်တော် ကိုယ်စားပြုကော်မတီ CRPP က အဖွဲ့ဝင်တဦးလည်းဖြစ်တဲ့ ပူးကျင်ရှင်းထန်က အတည်ပြုပြောဆိုပါတယ်။
“ နည်းနည်းလေး မှတ်ပုံတင်ဥပဒေပြောင်းတာတွေရယ်၊ ကြားဖြတ်ရွေးကောက်ပွဲလဲ အခုအဲဒီမှာပြိုင် မဲ့လူတွေအားလုံး စာရင်းပေးနေပြီးဆိုတော့ အခြေအနေအရ တင်လို့ရပြီလို့ ထင်လို့ကျနော်တို့ကတင်ရမှာပါ။ ကျနော် တို့က လွန်ခဲ့တဲ့ စနေနေ့လောက်ကနေပြီးတော့ ကျနော်တို့မှတ်ပုံတင်ဖို့ စည်းဝေးပြီးတော့ ဆုံးဖြတ်ထားတာ။ ”
လက်ရှိနိုင်ငံရေးအရ တပြည်လုံး အတိုင်းအတာနဲ့သက်ဆိုင်တဲ့ မြန်မာနိုင်ငံရဲ့ လိုလားချက်တွေကို တရားဝင်လုပ်ဆောင် လိုတဲ့အတွက် အခုလိုဆုံးဖြတ်ချခဲ့တာဖြစ်တယ်လို့ သူကဆက်ပြောပါတယ်။
“နိုင်ငံရေးဆိုတာတရားဝင် ဖြစ်မှလုပ်တာ ကောင်းတယ်၊ ခိုးကြောင်ခိုးဝှက် လုပ်တားမျိုးလဲ နိုင်ငံရေး မခေါ်နိုင်ဘူး နိုင်ငံရေးဆိုတာ လူသိရှင်ကြားလုပ်ရမဲ့ဟာတွေ ကျနော်တို့ကတော့လေ ဒီလက်နက်အားကိုးပြီးတော့လုပ် တဲ့ အလုပ် မျိုးလဲမလုပ်ချင်ဘူး၊ ကျနော်တို့ကပြည်သူလူထုကို အားကိုးပြီးတော့ ပြည်သူလူထုထဲမှာနေပြီးတော့ ပြည်သူ လူထုရဲ့သ ဘောထားကို နားလည်တဲ့အခါမှာ အဲဒိသဘောထားအတိုင်း ကျနော်တို့ဆက်လက်သွားဖို့ရည်ရွယ်ပြီးတော့မှ ဒီတရား ဝင်မှတ်ပုံတင်ဖို့က လိုအပ်တယ်ဆိုပြီး ကျနော်တို့ လျှောက်ရမှာဖြစ်ပါတယ် ”
လာမဲ့ကြားဖြတ် ရွေးကောက်ပွဲမှာ ဇိုမီးအမျိုးသားကွန်ကရက်ပါတီက ဝင်ရောက်ယှဉ်ပြိုင်ဖို့ လစ်လပ်နေရာမရှိတဲ့ အတွက် ZNC ပါတီဝင်တွေ အေးအေးဆေးဆေး တိုင်ပင်ပြီးမှ ပါတီမှတ်ပုံတင်ရတာ ဖြစ်တယ်လို့ ဥက္ကဋ္ဌ ဦးပူးကျင်ရှင်းထန် ကပြောပါတယ် ခင်ဗျာ။
သတင်း...... ကောင်းမြတ်မင်း
