အရှက် အသက်နှင့် ဂုဏ်သိက္ခာ (ကဗျာရှင် နေရဲနီ)
အရှက် အသက်နှင့် ဂုဏ်သိက္ခာ
(ကဗျာရှင် နေရဲနီ)
(ကဗျာရှင် နေရဲနီ)
ဒုတိယကမ္ဘာစစ်အပြီးမှာ စစ်ရှုံးတဲ့ဂျပန်တွေ
နာဇီတွေလိုစစ်ခုံရုံးအတင်မခံရပေမဲ့
သူတို့ရဲ့ဂုဏ်သိက္ခာကို အရောင်တင်ဘို့အတွက်
အရှက်ကို အသက်နဲ့ထပ်ခဲ့ကြတယ်။
ဘုရင့်နန်းရင်ပြင်ရှေ့မှာ
ဂျပန်စစ်ဗိုလ်ချုပ်တွေစုဝေးပြီး
ကိုယ့်နားထင်ကိုယ် သေနတ်နဲ့တေ့ပြီး
ကိုယ့်ကိုယ်ကို ကိုယ်သတ်သေတဲ့ အခမ်းအနား
ကာမစ်ကာဇိုင်း ပွဲတော်ကို
စနစ်တကျ စည်းကမ်းသေဝပ်စွာနဲ့
တပျော်တပါးဆင်နွှဲ သွားကြတယ်။
တောင်ကိုးရီးယားသမ္မတဟောာင်း နိုမူဟွန်း
သမ္မတဘဝမှာ သူမသိလိုက်ရတဲ့
သားနဲ့မယား လုပ်ခဲ့တဲ့ ငွေကြေးကိစ္စ
သမ္မတသက်တမ်း ကုန်ပြီးတဲ့နောက်
တရားရုံးရဲ့အကြိမ်ကြိမ် ဆင့်ခေါ်ခြင်းကို ခံလိုက်ရတယ်။
သူလည်းအရှက်ကို အသက်နဲ့ထပ်လို့
တောင်ကုန်းတခုပေါ်ကနေ ခုန်ချပြီး
သူ့ဂုဏ်သိက္ခာကို ကာကွယ်သွားတယ်။
ကျွန်တော်တို့ မြန်မာနိုင်ငံ
နိုင်ငံတော်အကြီးအကဲ၏ လမ်းညွှန်မှုဖြင့်
တနိုင်ငံလုံး ကြက်ဆူပင်စိုက်ခဲ့ကြသည်။
ဘာမှဖြစ်မလာ.......
နိုင်ငံတော်အကြီးအကဲ၏ လမ်းညွှန်မှုဖြင့်
အတိုင်းအထွာမရှိ ဆင်ခြင်တုံတရားကင်းမဲ့စွာဖြင့်
နိုင်ငံတဝှမ်း တည်ဆောက်ခဲ့သော
ရေကာတာနှင့် ဆည်ပေါင်းများစွာ
အရှုံးပေါ်နေ၍ ရပ်လိုက်ရသည်
ပြည်သူ့ဘဏ္ဍာတွေ အလဟဿ ဖြစ်ကုန်သည်.....
ဖားတုလို့ ခရုခုန်
အိုင်ပျက်ရုံသာ အဖတ်တင်
အရည်အချင်းပြည့်ဝသော ပညာရှင်မရှိသော်
ပိုးကြိုးသာကုန် မောင်ပုံစောင်းမတတ်
ပြည်သူ့ဘဏ္ဍာ အလဟဿဖြစ်ခဲ့ရပုံ
သူများယောင်လို့ ယောင်
အကြီးအကဲဆိုသူ တောင်မှန်းမြောက်မှန်းမသိ
နွားက နှင်တံကိုင်ပြီး သခင်ကိုနဖားကြိုးထိုးကာ ပြန်မောင်းသည့်ဇာတ်လမ်း
တပည့်အပေါင်းက ဆရာကို နွားမရွှံ့ပိတ်ရောင်းသည့်အကြောင်း
အညာဒေသ မြိုင်မြို့နယ်မှ အနုမြူဓာတ်ပေါင်းဖို
အသံကြောင့် သေရသောဖားကဲ့သို့
တိုင်းပြည် စစ်တလင်း မဖြစ်ခဲ့သည်မှာပင်
ကံကောင်းလှ၏။
အလုပ်လက်မဲ့နှင့် ငတ်ပြတ်နေသော
ပြည်သူများကို ဥပေက္ခာပြု၍
ငါသွားရမည့်အရပ်
အဝီစီဟူသည် မည်မျှနက်လေသနည်း
တမလွန်မရောက်ခင်
အာဏာရှင်ပီပီ ကြိုတင်၍သိလိုဇောနှင့်
ဒေါ်လာကုဋေ သိန်းသန်းချီအကုန်အကျခံကာ
တူးခဲ့လေသော ဥမင်လှိုင်ခေါင်းများ
ပြည်သူ့ဘဏ္ဍာ နှမြောစရာ....
တရုတ်ကုမ္ပဏီတွေရဲ့ တကောင်းတောင် နီကယ်စီမံကိန်း
စိုင်ကော်၍ ချုံပေါ်ရောက်ခြင်းမဟုတ်
အချင်းချင်းကို သစ္စာဖောက်ပြီး စင်ပေါ်ရောက်ခဲ့လေသမျှ
လက်နက်နဲ့ အာဏာမှ လွဲ၍ဘာမျှမရှိ
ကိုယ်တိုင်ကလည်း စဉ်းစားဆင်ခြင်ဥာဏ်နည်းလေသောအခါ
တိုင်းပြည်၏သယံဇာတ အဖိုးထိုက် အဖိုးတန်များ
နိုင်ငံခြားငွေအကြောင်းပြကာ
တိုင်းတပါးသို့ လက်ညှိုးထိုး၍ ရောင်းစားခဲ့သည်
စားကောင်းမှန်းသိသော ပေါက်ဖေါ်ကြီးကလည်း
ရလေလိုလေ အိုတစ္ဆေ တနိုင်ငံလုံးကို ဝါးမြိုချင်နေသည်။
တတ်သည့်နားလည်သည့်ပညာရှင်များအား
အနားသို့အကပ်မခံလေသောအခါ
ပြည်ပမှာတိုင်းတပါးဝန်ထမ်းနေကြသည်
ယိုစီးသွားသောဦးနှောက်များ
တိုင်းပြည်အတွက်နှမြောစရာ။
ဖော်လံဖား စားဖား ဟန်ဆောင်ကောင်းသည့် လောက်ကောင်တို့
ကိုယ်ကျိုးရှာ၍ ပေးသောအကြံဥာဏ်တို့ကို
အမှန်ထင်၍ လက်ခံမိလေသောအခါ
အနူမျက်မမြင် သူတောင်းစားလက်သို့ရောက်သော
ကျောက်ကောင်းပမာ
တန်ဖိုးမဖြတ်နိုင်သော တိုင်းပြည်၏သယံဇာတတို့
တပြားမျှမတန်သော အဖြစ်ရောက်ခဲ့ရသည်
ရင်ထုမနာ နှမြောဖွယ်ကောင်းလေစွ...
နိုင်ငံတော်အကြီးအကဲ၏လမ်းညွှန်မှုဖြင့်
အပေါ်ယံရွှေမှုန့်ကြဲ အတွက်းနောက်ချေးခံ
ခုမြင် ခုပျောက် ရေထဲသဲသွန်စီမံကိန်းများ........
ခုဆောက် ခုပျက် အာမခံချက်မရှိသော လမ်းတံတားများ....
နေ့မြင်ညပျောက် အဆံမပါသောအဆောက်အဦများ...
ကင်းညှပ်ခံရသော လုံမငယ်
ကင်းဆိပ်တက်ကာ နာကျင်လွန်း၍
အော်ချင်သော်လည်း မအော်ရဲဘဲ
မျက်ရည်ဝဲကာကြိတ်မှိတ်ခံ ဘိသကဲ့သို့..
မလည်ပတ်သော် တစ်ကျပ်ရှုံး၏။
လည်ပတ်သည်ရှိသော် တစ်ရာရှုံး၏။
သို့သော်ငြားလည်း
မိမိနေရာပျောက်မည်ကိုစိုးရိမ်ရကား
အထက်ကိုကြောက်၍ အောင်မြင်ဟန်ပြကာ
မျက်ကန်းတစ္ဆေမကြောက်
ပြည်သူ့ဘဏ္ဍာအရှုံးခံ၍
လည်ပတ်ခဲ့ရသောစက်ရုံတို့သည်ကားအများအပြား...
ပြည်သူနဲ့တွေ့တော့ မီးလို
ရန်သူနဲ့တွေ့တော့ ပန်းလို
မြန်မာ့ရေပိုင်နက် ပင်လယ်ပြင်အချို့အဝက်ကိုပင်
လူသိရှင်ကြား ဘင်္ဂလားသို့ပေးလိုက်ရပြီ....
နိုင်ငံတော်အကြီးအကဲ၏ တဦးတည်းဆန္ဒ
တရုပ်ကိုလက်ညှိုးထိုးရောင်းစားခဲ့သော
မြစ်ဆုံဆည်များကိစ္စ
အရင်းစစ်သော် အမြစ်မြေမှာ
ကော်မရှင်နှင့် ပွဲခမက်ပြီး ကိုယ်ကျိုးစီးပွားအတွက်
တိုင်းပြည်ကို မျက်နှာလွဲ ခဲပစ်လုပ်ခဲ့ကြောင်း
ရေငုပ်ပြီးချေးပါသကဲ့သို့
မစင်တုံးကား ထင်ထင်ရှားရှား ပေါလော ပေါ်ခဲ့လေပြီ။
ဆရာသမားဆိုတော့ သမာသမတ်ကျသည့် တပည့်တပမ်းများ
ပါးစပ်ဟရမည်မှာ ဝန်လေးနေကြသော်လည်း
နှာခေါင်းတော့ပိတ်ထားကြသည်
တဖြည်းဖြည်းနှင့် အနံ့ကထွက်လာသည်ကိုး
ဘယ်လိုမှဖုံးဖိ၍မရ.....
ပြည်သူ့အသံ မခံနိုင်၍
တို့လို့တန်းလန်းနှင့် ရပ်လိုက်ရသောမြစ်ဆုံဆည်
ပါးစပ်ထဲရောက်နေသော မစင်တုံး
ပြန်အနှိုက်ထုတ် ခံလိုက်ရသော သတ္တဝါကဲ့သို့
မခံချိမခံသာနှင့် သွားဖြဲကာမာန်ဖီရင်း
ပွဲခလက်လွှတ်လိုက်ရသောသူနှင့်
တရုပ်အစိုးရတို့ တကျော့ပြန်ကြိုးပမ်းနေကြသည်။
ခေါင်သော်မှမလုံငြား
တံစက်မြိတ်မှ မိုးယိုသည်မှာမဆန်း
နိုင်ငံတော်အကြီးအကဲ၏ တပည့်တပမ်းများ
ပြည်သူ့ဘဏ္ဍာ မတော်မတရားမြိုဆို့ထားကြသည်များ
တဖြည်းဖြည်းနှင့် ဘူးပေါ်သလိုပေါ်ခဲ့လေပြီ........
ငါ့မျက်ချေးသူမြင်လျှင်
သူ့ပါးစပ်မှ အာပုပ်ရည်ကြောင်းကိုလည်းငါပြောမည်
ညောင်မြစ်တူးသော် ပုပ်သင်ဥပေါ်လိမ့်မည်
တချိန်ကသွေးသောက်ညီအကိုတွေ
ကိုယ်လွတ်ရုန်းရမည့်အချိန်မှာ
သစ္စာဖောက်ဖို့လည်းဝန်မလေး။
တနွယ်ငင်သော် တစင်ပါလိမ့်မည်
ဘာမှမကြောက်လင့် ဟူ၍
ယခုပင်လျှင် ကြိုတင်ကာ
စိုးရိမ်ထိတ်လန့်တတ်သော မယားအား
တိုးတိုးတိတ်တ်ိတ် ကြိတ်ကာ
အားပေးနှစ်သိမ့်နေကြပေလိမ့်မည်။
အကယ်၍သာ
ထိုအကြီးအကဲဆိုသူနှင့် တကွ
ပြည်သူ့ဘဏ္ဍာကို မတော်မတရား
လိုချင်တပ်မက်စားထားကြသည့်
တပည့်တပမ်းနောက်လိုက်နောက်ပါအပေါင်းတို့သည်
အထက်ကဆိုခဲ့သောပုဂ္ဂိုလ်များကဲ့သို့
မိမိတို့၏ဂုဏ်သိက္ခာကိုတန်ဘိုးထားလေသော်
အရှက်တရားအနည်းငယ်မျှ
ရှိကြမည်ဆိုပါလျှင်........
ပြည်သူ့တံတွေးခွက်၌ ပက်လက်မျောရမည့်အတူတူ
မည်သို့လုပ်သင့်ပါကြောင်း.....
ဤစာဖတ်သူ အိုအရှင်
သင်သည်လည်း ပြည်သူတစ်ယောက်ပေမို့
အောက်နားဆီတွင်
ထင်မြင်ချက်လေးများ ပေးခဲ့ကြပါကုန်....
နေရဲနီ
