ရင်ထဲထိငြိမိသော ကချင်ပြည်နယ် ခရီးစဉ်ဓာတ်ပုံများနှင့် ရုပ်သံ..
ဒီဓာတ်ပုံလေးကို ကြည့်ပြီးတော့ စိတ်ထဲမှာမကောင်း
အနောက်က အမေစုရဲ့ ကချင်တိုင်းရင်းသူဝတ်စုံနဲ့ ပုံကတော့ လွန်ခဲ့တဲ့ ၂၃နှစ်က (၁၉၈၉)ခုနှစ် ကချင်ပြည်နယ် ခရီးစဉ်အတွင်း အသက် ၄၄နှစ်လောက်က ရိုက်ကူးထားတဲ့ပုံပေါ့.. တကယ့်အရွယ်ကောင်း အချိန်ပါ..။
၁၉၉၀ရွေ...းကောက်ပွဲမှာ အနိုင်ရခဲ့တဲ့ အဖွဲ့ချုပ် ထိုအချိန်ကသာ နိုင်ငံကို အမေစုနဲ့ ခေါင်းဆောင်တွေသာ နိုင်ငံကို ဦးဆောင်ခွင့်ရခဲ့ရင် အနှစ် ၂၀ဆိုတဲ့ အတိုင်းအတာအတွင်း ကျွန်တော်တို့တိုင်းပြည် အခုအချိန်လောက်ဆိုရင် အိမ်နီးချင်း နိုင်ငံတွေကို ရင်ဘောင်တန်းနိုင်ပြီး ကျော်တက်နေလောက်ပါပြီ..။ နိုင်ငံတကာမှာလည်း မျက်နှာမော့ ခေါင်းမော့ နေနိုင်လောက်ပါပြီ...။ ရွေးကောက်ပွဲဆိုတာလည်း ၄ကြိမ်မြောက်ရှိလောက်ပြီပေါ့..။ အနှစ်(၂၀)ကျော်ဆိုတဲ့ အတိုင်းအတာဟာ နိုင်ငံတခုကို ထူထောင်ဖို့ လုံလောက်တဲ့ အခြေအနေပေါ့။
(၂၃)နှစ်လုံးလုံး အမေစုနဲ့ အဖွဲ့ချုပ်ကို ဖိနှိပ်ချုပ်ချယ် အမြစ်ပြုတ် စီမံကိန်းတွေနဲ့ တဖက်သတ် နှိပ်ကွက်ခဲ့ပေမယ့် မိုးကြိုပန်း၊ မိုးကြိုမြက်တွေလို မိုးရေဆိုတဲ့ ပြည်သူနဲ့ ပြန်လည်ထိတွေ့ခွင့် ရတဲ့အခါမှာတော့ အရင်အတိုင်း မပြောင်းမလဲ လန်းဆန်း၊ စိုပြေဆဲပါပဲ။ ဗိုလ်ချုပ်အောင်ဆန်းတို့ အမေစုတို့ ဆိုတာ သမိုင်းလိုအပ်ချက်အတွက် နှစ်ပေါင်းများစွာမှ တခါ ပေါ်ပေါက်ပေးရတဲ့ ခေါင်းဆောင်တွေပါ။ အမေစု ကျန်းမာဖို့နဲ့ ဘေးရန်ကင်းဖို့ဟာ ကျွန်တော်တို့ တိုင်းပြည်အတွက် အနာဂတ်အတွက် အင်မတန် အရေးကြီးပါတယ်...။
နိုင်ငံတကာနဲ့ မြန်မာပြည်သူတွေ လေးစားချစ်ခင်ကြတဲ့ ဒီလိုခေါင်းဆောင်မျိုး နောင်ရရှိဖို့ဆိုတာ အိပ်မက်တောင် မက်ဖို့မလွယ်ပါ။ ကျွန်တော်တို့ အားလုံး အမေစုရဲ့ ဦးဆောင်မှုအောက်မှာ တသွေမတိမ်း မယိမ်းမယိုင် ထောက်ခံအားပေးရင်း လာမယ့် ရွေးကောက်ပွဲမှာ အမေစုနဲ အဖွဲ့ချုပ်ကို ပြတ်ပြတ်သားသား မဲပေးပြီး ၂၀၁၅ ရွေးကောက်ပွဲတွေ အတွက် အားမွေးပြင်ဆင်ရင်း အနာဂတ်နိုင်ငံတော်သစ် အတွက် သွေးသစ်တွေ လောင်းကြရအောင်လားဗျာ..။
ဒီမိုဝေယံ
ကချင်တိုင်းရင်းသား ခေါင်းဆောင်များနဲ့ အမှတ်တရ
ပြည်သူနှလုံး၊ ပြည်သူ့ခွန်အား၊ ပြည်သူ့မေတ္တာတွေ သိမ်ကြုံးရယူနေတဲ့ အမေစု..
ကချင်ပြည်နယ်က အမေစုကိုချစ်တဲ့ သမီးငယ်တဦးရဲ့ မျက်ဝန်းတွင်းမှ စကားသံတွေ၊ မျက်ရည်ကြည်တွေ အတွေးထဲမှာ သမီးတို့ရဲ့ အနာဂတ် အမေရယ်လို့ အထပ်ထပ်အခါခါ အကြိမ်ကြိမ် ရေရွတ်နေမလားပဲ..။
“စစ်နည်းဗျူဟာ၊ ဘယ်လိုသာလည်း
စွဲကိုင်လက်နက်၊ ဘယ်လိုထက်လည်းပြည်သူ့နှလုံး၊ မသိမ်းကြုံးလျှင်
... ပြည်သူ့ခွန်အား ၊ မကိုးစားလျှင်
ဓားသွားလည်း ကြွေ၊ လှံလည်း ခွေအံ့။”
(လက်ဝဲသုန္ဒရ၊ နန္ဒိသေနပျို့မှ)
ဓာတ်ပုံများ Ap, Reuters Getty Images
Amay Suu Kachin State Trip from Demo Waiyan on Vimeo.
